'గేమ్ ఛేంజ‌ర్' థ‌ర్డ్ సింగిల్ ఇంకా నా మ‌న‌సులోనే!
`గేమ్ ఛేంజ‌ర్` లిరిక‌ల్ సింగిల్స్ హ‌డావుడి మొద‌లైంది. ఇప్ప‌టికే విడుద‌లైన రెండు పాట‌ల‌కు శ్రోత‌ల నుంచి మంచి రెస్పాన్స్ వ‌చ్చింది
`గేమ్ ఛేంజ‌ర్` లిరిక‌ల్ సింగిల్స్ హ‌డావుడి మొద‌లైంది. ఇప్ప‌టికే విడుద‌లైన రెండు పాట‌ల‌కు శ్రోత‌ల నుంచి మంచి రెస్పాన్స్ వ‌చ్చింది. ఈ నేప‌థ్యంలో తాజాగా థ‌ర్డ్ సింగిల్ కి ముహూర్తం పెట్టారు. ఈ విష‌యాన్ని మ్యూజిక్ డైరెక్టర్ త‌మ‌న్ రివీల్ చేసాడు. పాట‌కు సంబంధించిన అనౌన్స్ మెంట్ న‌వంబ‌ర్ 22న, ప్రోమోని 25న...సాంగ్ ని 27న రిలీజ్ చేస్తున్న‌ట్లు థ‌మ‌న్ ట్విట‌ర్ లో ప్ర‌క‌టించాడు. ఇదొక బ్యూటీఫుల్ మెలోడీ సాంగ్.
ప్రేక్ష‌కుల్ని కొత్త వ‌ర‌ల్డ్ లోకి తీసుకెళ్ల‌బోయే పాట అంటూ థ‌మ‌న్ అంచ‌నాలు పెంచేసాడు. తాజాగా ఈ పాట గురించి గీత ర‌చ‌యిత రామ‌జోగ‌య్య శాస్త్రి మ‌రో ఇంట్రెస్టింగ్ అప్ డేట్ ఇచ్చారు. `విని చాలా రోజులైంది. కానీ ఇంకా నా మనసులో మారు మ్రోగుతూనే ఉంది. విన్న వెంట‌నే నచ్చేసే మోలోడీ అంటూ రాసుకొచ్చారు. థ‌మ‌న్ నుంచి రాబోతున్న నెక్స్ట్ లెవల్ సాంగ్ గా చెప్పుకొచ్చారు. దీంతో ఆ పాట ఎప్పుడు విందామా? అన్న ఆస‌క్తి అంద‌రిలో మొద‌లైంది.
మెలోడీల‌ను ప్రేమించే శ్రోత‌లెంతో మంది. రామ్ చరణ్ నుంచి స‌రైన మెలోడీ సాంగ్ వ‌చ్చి చాలా కాల‌మైంది. గ‌త సినిమా `ఆర్ ఆర్ ఆర్` లో ఇలాంటి మెలోడీలు లేవు. అందులోనూ హీరోయిన్ కాంబినేష‌న్ పాట‌లు లేవు. దీంతో మెగా అభిమానుల‌కు అదో దాహంగా మారింది. ఇప్పుడా కోరిక `గేమ్ ఛేంజ‌ర్` థ‌ర్డ్ సింగిల్ తో తీర‌బోతుంది. చరణ్-కియారా అద్వాణీ మ‌ధ్య సాగే బ్యూటీఫుల్ మెలోడీగా తెలుస్తుంది.
రిలీజ్ కి ఇంకా కొన్ని గంట‌లే స‌మ‌యం ఉంది. ఇక ఈ సినిమా షూటింగ్ ఇప్ప‌టికే పూర్త‌యిన సంగ‌తి తెలిసిందే. ప్ర‌స్తుతం పోస్ట్ ప్రొడ‌క్ష‌న్ ప‌నులు జ‌రుగుతున్నాయి. జ‌న‌వ‌రి 10న సంక్రాంతి కానుక‌గా ప్రేక్ష‌కుల ముందుకు రానుంది. ఇందులో ఎస్.జె.సూర్య, అంజలి, సునీల్ కీల‌క పాత్ర‌లు పోషిస్తున్నారు. దిల్ రాజు భారీ బ‌డ్జెట్ తో నిర్మిస్తున్నారు.