ఉత్త‌రాది మాస్ ప‌ల్స్ వెంట టాలీవుడ్ హీరోలు!

ఉత్త‌రాది రాష్ట్రాల్ని మెగా హీరోలు భారీ ఎత్తున టార్గెట్ చేసారా? ఈ విష‌యంలో మెగా హీరోలిద్ద‌రు ఒక‌రికొక‌రు పోటీగా వెళ్తున్నారా? అంటే అవున‌నే అనిపిస్తుంది తాజా స‌న్నివేశాన్ని బ‌ట్టి. రామ్ చ‌ర‌ణ్ హీరోగా న‌టిస్తోన్న `గేమ్ ఛేంజర్` టీజ‌ర్ ని భారీ ఎత్తున ఉత్త‌ర‌ప్రదేశా్ రాజ‌ధాని ల‌క్నోలో రిలీజ్ చేసిన సంగ‌తి తెలిసిందే. అనంత‌రం అక్క‌డ అభిమా నుల‌తో రామ్ చ‌ర‌ణ్ మాట మంతి చేసాడు. అటుపై ఐకాన్ స్టార్ అల్లు అర్జున్ ఏకంగా బిహార్ వెళ్లిపోయాడు. బీహార్ రాజ‌ధాని పాట్నాలోనే `పుష్ప‌-2` ట్రైల‌ర్ రిలీజ్ చేసారు.

ఇప్పుడీ రెండు ప్ర‌చార చిత్రాల‌కు అభిమానుల నుంచి మంచి రెస్పాన్స్ వ‌స్తోంది. సోష‌ల్ మీడియాలో ట్రెండింగ్ లోనూ నిలిచాయి. సాధార‌ణంగా ఉత్త‌రాదిన ప్ర‌చారం అంటే రిలీజ్ కు ముందు వాణిజ్య రాజ‌ధాని ముంబైలో ఓ వేడుక చేసి వ‌దిలేస్తారు. అవ‌స‌రం మేర అక్క‌డ‌ పాపులర్ హోస్ట్ ల‌తో ఇంట‌రాక్ట్ అవుతుంటారు. అక్క‌డ‌ టీవీ షోల్లో పాల్గొంటారు. మొన్న‌టి వ‌ర‌కూ తెలుగు సినిమా పాన్ ఇండియాలో రిలీజ్ అవుతుందంటే? ప్ర‌చారం ఇదే త‌ర‌హాలో జ‌రిగింది.

కానీ మెగా హీరోలిద్ద‌రు ఇప్పుడు ట్రెండ్ మార్చారు. మాస్ ఆడియ‌న్స్ కి త‌మ సినిమాలు రీచ్ అయ్యేలా ప‌క్కా ప్లాన్ తో ముందుకెళ్తున్నారు. యూపీ పెద్ద రాష్ట్రం. భారీ ఎత్తున జ‌నాభా గ‌ల రాష్ట్రం. అత్య‌ధిక గ్రామాలు సైతం ఆ రాష్ట్ర‌లో గ‌ల‌వు. ప‌లు రాష్ట్రాల‌తో, ఓ దేశ స‌రిహాద్దు సైతం లింక్ అయి ఉంటుంది. ఇలాంటివి కొన్ని గేమ్ ఛేంజ‌ర్ టీజ‌ర్ ని అక్క‌డ వ‌ర‌కూ తీసుకెళ్లాయ‌న్న‌ది యూనిట్ వ‌ర్గాల స‌మాచారం. ఇక బిహార్ అంటే వెనుక‌బ‌డిన రాష్ట్రంగా, నిర‌క్ష‌రాస్య‌త‌గ‌ల రాష్ట్రంగా చెబుతుంటారు.

దొంగ‌లు, దోపిడీత‌నాలు అక్క‌డ ఎక్కువ‌గా జ‌రుగుతాయ‌నే టాక్ ఉంది. అలాంటి రాష్ట్రాల‌కు పుష్ప‌2 కంటెంట్ రీచ్ అవ్వ‌డానికి అవ‌కాశం ఎక్కువ‌గా ఉంటుంది. గ‌న్ లు, తుపాకీలు సైతం అక్క‌డ క‌నిపిస్తుంటాయి. మ‌నుషులే అక్క‌డ ఎంతో ఫ్యాంట‌సీగా ఫీల‌వుతుంటార‌నే వాద‌న ఉంది. ఇలాంటి స‌మీక‌ర‌ణాల్ని బేస్ చేసుకునే పుష్ప‌-2 ట్రైల‌ర్ అక్క‌డ రిలీజ్ చేసారు అన్న‌ది ఇంకో వాద‌న‌. ఏదీ ఏమైనా మెగా హీరోలిద్ద‌రు ఉత్త‌రాదిలో ఇలా త‌మ సినిమాల్ని యూనిక్ స్టైల్లో ప్రచారం చేసారు. రీచ్ ఎక్కువ‌గా ఎక్క‌డ ద‌క్కుతుందో తెలుసుకుని ఓ స్ట్రాట‌జీ ప్ర‌కారం ముందుకెళ్తున్నారు. ఇక‌పై చాలా మంది హీరోలు ఇదే త‌ర‌హాలో పాన్ ఇండియాలో త‌మ సినిమాల్ని ప్ర‌చారం చేసే అవ‌కాశం ఉంది.