డబుల్ ఇస్మార్ట్ ఇది అస్సలు ఊహించలేదే..!

ఒకప్పుడు ఇండస్ట్రీ హిట్లు ఇచ్చిన పూరీ జగన్నాథ్ ఇప్పుడు అసలేమాత్రం ఫాం లో లేడని తెలిసిందే. అతని డైరెక్షన్ లో చేసిన సినిమాలతో స్టార్స్ గా మారిన హీరోలు ఎవరు ఇప్పుడు పూరీకి ఛాన్స్ ఇవ్వట్లేదు. టైర్ 2 హీరోలతో తన మార్క్ సినిమాలు చేస్తున్న పూరీ మళ్లీ తన స్టామినా ప్రూవ్ చేసుకోవాలని ప్రయత్నిస్తున్నా వర్క్ అవుట్ అవ్వట్లేదు. విజయ్ దేవరకొండతో లైగర్ సినిమా చేసిన పూరీ జగన్నాథ్ ఆ సినిమా తో పాన్ ఇండియా లెవెల్ లో ప్రభంజన సృష్టిస్తాడని అనుకుంటే అది కాస్త మిస్ ఫైర్ అయ్యింది.

లైగర్ ఫ్లాప్ తర్వాత పూరీతో సినిమా అంటే నో ఛాన్స్ అన్న హీరోలు ఎక్కువయ్యారు. అయితే ఆ టైం లోనే రాం మళ్లీ పూరీ జగన్నాథ్ మీద నమ్మకం ఉంచాడు. రామ్, పూరీ కలిసి చేసిన ఇస్మార్ట్ శంకర్ సినిమా హిట్ సెంటిమెంట్ ని రిపీట్ చేసేలా డబుల్ ఇస్మార్ట్ తో వస్తున్నారు. ఈ సినిమాను పూరీ జగన్నాథ్ ఎక్కడ కాంప్రమైజ్ అవ్వకుండా తెరకెక్కిస్తున్నారని తెలుస్తుంది.

ఫ్లాపులో ఉన్న డైరెక్టర్.. వరుస రెండు ఫెయిల్యూర్స్ అందుకున్న హీరో కావడం వల్ల డబుల్ ఇస్మార్ట్ మీద ఎక్కడో ఒక చిన్న నెగిటివిటీ కొనసాగుతుంది. ఈ కారణాల వల్ల సినిమాకు కావాల్సినంత బడ్జెట్ సమకూరలేదు. సినిమా పూర్తి చేసేందుకు ఇంకా బడ్జెట్ కావాల్సి వచ్చింది. అయితే ఎలాగోలా పూరీ జగన్నాథ్ డబుల్ ఇస్మార్ట్ ని ఫినిష్ చేసేందుకు సిద్ధమయ్యాడు. అయితే ఈ సినిమా బిజినెస్ విషయంలో కూడా దూకుడు కనిపించట్లేదు.

వరుస ఫ్లాపుల వల్ల పూరీ సినిమా అంటే డిస్ట్రిబ్యూటర్స్ కూడా భయపడుతున్నారు. అయితే డబుల్ ఇస్మార్ట్ సినిమా టీజర్ తోనే డిస్ట్రిబ్యూటర్స్ ని ఆకర్షించాలని చూస్తున్నారట. మే 15న డబుల్ ఇస్మార్ట్ టీజర్ రాబోతుంది. ఈ టీజర్ చూశాక తప్పకుండా సినిమాపై బజ్ పెరుగుతుందని.. ఆ తర్వాత బిజినెస్ కూడా అదిరిపోతుందని పూరీ గట్టి నమ్మకంగా ఉన్నాడు.

ఇప్పటికే డబుల్ ఇస్మార్ట్ సినిమాకు అనుకున్న బడ్జెట్ కన్నా ఎక్కువ కాగా ఇప్పుడు సినిమాకు బిజినెస్ లేకపోవడం షాక్ ఇస్తుంది. అందుకే టీజర్ తోని సినిమా రేంజ్ ఏంటో తెలియచేసేందుకు కృషి చేస్తున్నాడు పూరీ జగన్నాథ్. మరి డబుల్ ఇస్మార్ట్ టీజర్ నిజంగానే అంచనాలను పెంచుతుందా లేదా అన్నది చూడాలి.