రామ్ లైనప్ లో మరో హిట్ డైరెక్టర్

టాలీవుడ్ లో ఎనర్జిటిక్ హీరోగా తనకంటూ ప్రత్యేకమైన బ్రాండ్ క్రియేట్ చేసుకున్న రామ్ పోతినేని తన కొత్త సినిమా డబుల్ ఇస్మార్ట్ తో ప్రేక్షకుల ముందుకి రాబోతున్నాడు. ఈ సినిమాతో కచ్చితంగా బ్లాక్ బస్టర్ అందుకుంటాననే నమ్మకంతో ఉన్నాడు. పూరి జగన్నాథ్, రామ్ కలయికలో వచ్చిన సూపర్ హిట్ మూవీ ఇస్మార్ట్ శంకర్ కి సీక్వెల్ గా డబుల్ ఇస్మార్ట్ ఆగష్టు 15న పాన్ ఇండియా లెవల్ లో రిలీజ్ అవుతోంది. ఈ సినిమాపై ఎక్స్ పెక్టేషన్స్ కూడా హెవీగానే ఉన్నాయి.

సరైన క్యారెక్టర్ పడితే రామ్ తన పెర్ఫార్మెన్స్ తో బీభత్సం సృష్టిస్తాడు. డబుల్ ఇస్మార్ట్ తో పూరి జగన్నాథ్ అలాంటి క్యారెక్టర్ లోనే రామ్ పోతినేని ని చూపించబోతున్నారు. ఈ సినిమా కోసం రామ్ ఫ్యాన్స్ ఆసక్తిగా ఎదురుచూస్తున్నారు. ఇక డబుల్ ఇస్మార్ట్ తర్వాత రామ్ పోతినేని నుంచి రాబోయే సినిమా గురించి మరో ఆసక్తికరమైన టాక్ బయటకొచ్చింది. రామ్ పోతినేని మహేష్ బాబు దర్శకత్వంలో ఒక సినిమా చేయబోతున్నారని తెలుస్తోంది.

గత ఏడాది మిస్ శెట్టి మిస్టర్ పొలిశెట్టి సినిమాతో మహేష్ సూపర్ హిట్ అందుకున్నారు. రారా క్రిష్నయ్య తర్వాత రెండో సినిమా కోసం మహేష్ బాబు చాలా ఏళ్ళు గ్యాప్ తీసుకున్నారు. అయితే మూడో సినిమాని మాత్రమే ఏడాది గ్యాప్ లోనే సెట్స్ పైకి తీసుకొని వెళ్ళబోతున్నారు. మైత్రీ మూవీ మేకర్స్ ఈ చిత్రాన్ని నిర్మించనుంది. ఈ సినిమా రెగ్యులర్ షూటింగ్ సెప్టెంబర్ లో మొదలు పెట్టనున్నారని తెలుస్తోంది.

అలాగే సెట్ వర్క్ ఇప్పటికే స్టార్ట్ చేసేశారంట. క్యాస్టింగ్ ని ఆగష్టు నెల ఆఖరుకి ఫైనల్ చేయనున్నారని సమాచారం. రామ్ కూడా ఈ మూవీలో క్యారెక్టర్ మేకోవర్ కోసం నెల రోజుల టైమ్ తీసుకోబోతున్నారంట. అయితే ఈ మూవీ జోనర్ ఏంటనేది ఇంకా క్లారిటీ రాలేదు. రామ్ పోతినేని అయితే మాస్ ఇమేజ్ కోసం గట్టిగా ప్రయత్నం చేస్తున్నారు. మహేష్ కూడా మాస్ కథతోనే ఈ సినిమా చేస్తున్నాడనే టాక్ వస్తోంది.

మహేష్ బాబు సినిమాకి సంబంధించి ఆగష్టు నెలలో అఫీషియల్ ఎనౌన్స్ మెంట్ వచ్చే అవకాశం ఉందనే మాట వినిపిస్తోంది. మరో వైపు కిషోర్ తిరుమల దర్శకత్వంలో కూడా రామ్ ఓ సినిమా చేయాలనే ప్లానింగ్ లో ఉన్నారు. మహేష్ బాబుతో మూవీ కంప్లీట్ అయ్యాక ఇది ఎనౌన్స్ చేస్తారేమో చూడాలి. ఇప్పటికే రామ్ పోతినేనికి కిషోర్ తిరుమల హ్యాట్రిక్ హిట్స్ ఇచ్చారు. అందుకే అతనిపై రామ్ పోతినేని చాలా కాన్ఫిడెంట్ గా ఉన్నారు. అలాగే మరో రెండు కథలపై కూడా రామ్ త్వరలోనే ఒక నిర్ణయానికి రానున్నారు.