హిరణ్యకశ్యప ఇంకా ఎన్నేళ్లు చేస్తారు..?

దగ్గుబాటి వారసుడు రానా తో హిరణ్య కశ్యప సినిమా చేయాలని అనుకున్నాడు దర్శకుడు గుణశేఖర్. ఆయన రుద్రమదేవి రిలీజ్ టైం లోనే ఈ సినిమా గురించి క్రేజీ న్యూస్ వైరల్ అయ్యాయి. ఐతే అప్పటి నుంచి ఆ సినిమా సెట్స్ మీదకు వెళ్లలేదు. తర్వాత గుణశేఖర్ శాకుంతలం సినిమా తీశారు. ఆ సినిమా ప్రేక్షకులను ఆకట్టుకోవడంలో విఫలమైంది. సినిమా కోసం సమంత, గుణశేఖర్ పెట్టిన శ్రమ అంతా వృధా అయ్యింది. ఆ సినిమా ఎఫెక్ట్ రానాతో చేయాలి అనుకున్న హిరణ్యకశ్యప సినిమా మీద కూడా పడిందని చెప్పుకొచ్చారు.

రానా త్రివిక్రం ఆధ్వర్యంలో హిరణ్య కశ్యప సినిమా చేయాలని సన్నాహాలు చేశారు. ఐతే గుణశేఖర్ మాత్రం ఆ ప్రాజెక్ట్ పై సీరియస్ అయ్యారు. తను రాసుకున్న కథను వేరొకరు సినిమాగా ఎలా తీస్తారని కాస్త ఫైర్ అయ్యారు. ఐతే ఎవరు చేస్తారు ఎలా చేస్తారు అన్నది తెలియదు కానీ హిరణ్యకశ్యప తో రానా వస్తాడని వెయిట్ చేస్తున్న దగ్గుబాటి ఫ్యాన్స్ మాత్రం అసంతృప్తితో ఉన్నారు.

ఈమధ్య రానా సినిమాల వేగం తగ్గించాడు. విరాటపర్వం వచ్చి రెండేళ్లు అవుతున్నా తన నెక్స్ట్ సినిమా గురించి ఎలాంటి అప్డేట్ ఇవ్వలేదు. రానా కరెక్ట్ గా ప్లాన్ చేస్తే స్టార్ డైరెక్టర్ తో సినిమా పెద్ద పనేం కాదు. కానీ రానా ఎందుకో ఇలా టైం పాస్ చేస్తున్నాడు. కల్కి లో మహాభారతం టచ్ చేశారు అందుకే ఆ సినిమా చివర్లో ఇచ్చిన ట్విస్ట్ కి ఫ్యాన్స్ ఫిదా అయ్యారు.

సో ఇప్పుడు ఆడియన్స్ మన ఇతిహాస కథలు తెర మీద చూడాలని ఆసక్తి చూపిస్తున్నారు. హిరణ్యకశ్యప కథ కూడా తెర మీదకు తెస్తే కచ్చితంగా ఆ సినిమాకు నేషనల్ వైడ్ గా సూపర్ క్రేజ్ ఏర్పడుతుంది. త్రివిక్రం తో మూవ్ అవుతాడా లేదా గుణశేఖర్ తోనే కానిస్తాడా అన్నది తెలియదు కానీ రానా హిరణ్యకశ్యప సినిమా చేస్తే చూడాలని ఫ్యాన్స్ ఉత్సాహంగా ఉన్నారు. మరి ఈ సినిమా ఇప్పటికైనా ముందుకు వెళ్తుందా లేదా అన్నది తెలియాల్సి ఉంది. రానా ప్రస్తుతం రానా నాయుడు 2 సీరీస్ షూట్ లో పాల్గొంటున్నాడు. రానా నాయుడు 2 లో విక్టరీ వెంకటేష్ కూడా నటిస్తున్న విషయం తెలిసిందే. మొదటి సీజన్ హిట్ అవ్వడంతో రానా నాయుడు 2 ని ఇంకాస్త క్రేజీగా ప్లాన్ చేస్తుంది నెట్ ఫ్లిక్స్.