మెగా క్లిక్‌: జ‌గ‌దేక వీరుడితో షాలిని రేర్ ఫోటో

మెగాస్టార్ చిరంజీవి న‌టించిన `జ‌గ‌దేక‌వీరుడు అతిలోక సుంద‌రి` 1990 వ‌ర‌ద‌ల్లో విడుద‌లై ఎంత పెద్ద బ్లాక్ బ‌స్ట‌ర్ అయిందో తెలిసిందే. ఈ సినిమాలో మెగాస్టార్ న‌ట‌న ఒకెత్తు అయితే, బాల‌న‌టులు బేబి షాలిని, బేబి షామిలీల న‌ట‌న మ‌రో ఎత్తు. ఓవైపు వ‌ర‌ద భీభ‌త్సం ఉన్నా కానీ, పిల్ల‌లు కుటుంబ స‌భ్యుల‌తో పాటు థియేట‌ర్ల‌కు క‌దిలి రావ‌డంలో షాలిని, షామిలీ అప్పియ‌రెన్స్ స‌హ‌క‌రించింది. అంత‌గా ప్ర‌భావం చూపిన తార‌లు వారు.

అందుకే ఇప్పుడు షాలిని ఇలా మెగాస్టార్ చిరంజీవిని క‌ల‌వ‌డం ఆస‌క్తిని క‌లిగిస్తోంది. షాలిని పెద్ద‌య్యాక క‌థానాయిక‌గాను న‌టించింది. బొమ్మ‌రిల్లు సిద్ధార్థ్ స‌ర‌స‌న ఓయ్ అనే చిత్రంలో న‌టించిన సంగ‌తి తెలిసిందే. త‌న అమాయ‌క‌మైన క‌ళ్ల‌తో ఈ భామ గుండెల్ని కొల్ల‌గొట్టింది. అయితే ఆ త‌ర్వాత అజిత్ స‌ర‌స‌న న‌టించే క్ర‌మంలోనే అత‌డితో ప్రేమ‌లో ప‌డి త‌ర్వాత పెళ్లాడేసింది.

ఇటీవల షాలిని మెగా క్లిక్ అంత‌ర్జాలంలో వైర‌ల్ అవుతోంది. మెగాస్టార్ చిరంజీవిని కోలీవుడ్ స్టార్ అజిత్ కుమార్ `విశ్వంభర` సెట్స్‌లో కలుసుకున్నారు. ఇది వారి అభిమానులను ఆనందపరిచింది. ఇంత‌లోనే అజిత్ భార్య షాలిని ఒక ఊహించని త్రోబాక్ ఫోటోని ఇన్ స్టాలో షేర్ చేసారు. తన మొదటి ఇన్‌స్టాగ్రామ్ రీల్‌లో షాలిని తాను, చిరంజీవి, ఆమె సోదరి షామిలీ.. నటుడు రిచర్డ్ రిషి ఉన్న ఫోటోను పోస్ట్ చేసింది. అభిమానులను ఆశ్చర్యపరిచిన విషయం ఏమిటంటే.. ఈ ఫోటోలో ఉన్న ప్రతి ఒక్కరూ చిరంజీవి మెగా బ్లాక్‌బస్టర్ `జగదేక వీరుడు అతిలోక సుందరి` (1990)లో నటించారు. 34 సంవత్సరాల తర్వాత అదే మెగాస్టార్‌తో ఉన్న పాత ఫోటో ఒక‌దానిని షాలిని ఇప్పుడు షేర్ చేసింది. ఈ నోస్టాల్జిక్ ఫోటో ఇప్పుడు సోషల్ మీడియాలో హల్ చల్ చేస్తోంది.

ప్రస్తుతం చిరంజీవి, త్రిష, ఆషికా రంగనాథ్ ముఖ్య పాత్రల్లో నటిస్తున్న సోషియో-ఫాంటసీ చిత్రం విశ్వంభర షూటింగ్ శ‌ర‌వేగంగా పూర్త‌వుతోంది. మల్లిడి వశిష్ట ఈ చిత్రానికి దర్శకత్వం వహిస్తున్నారు. భారీ అంచనాల న‌డుమ రూపొందుతున్న ఈ చిత్రం 10 జనవరి 2025న థియేటర్లలో గ్రాండ్ రిలీజ్ కానుంది.