'పుష్ప 2' శ్రీవల్లి ఆ పని పూర్తి

అల్లు అర్జున్‌, సుకుమార్‌ కాంబోలో రూపొందిన పుష్ప 2 సినిమా డిసెంబర్‌ 5న ప్రేక్షకుల ముందుకు రాబోతున్న విషయం తెల్సిందే. మొదటి పార్ట్‌ సంచలన విజయాన్ని సొంతం చేసుకున్న నేపథ్యంలో సీక్వెల్‌పై అంచనాలు ఆకాశాన్ని తాకేలా ఉన్నాయి. అంచనాలకు ఏమాత్రం తగ్గకుండా పుష్ప 2 ఉండబోతుందనే నమ్మకం ప్రతి ఒక్కరిలోనూ ఉంది. రూ.1450 కోట్ల ప్రీ రిలీజ్ బిజినెస్‌ చేసిన ఈ సినిమా రూ.2000 కోట్ల వసూళ్ల టార్గెట్‌తో ప్రేక్షకుల ముందుకు రాబోతుంది. మరో మూడు వారాల సమయం మాత్రమే ఉంది. షూటింగ్‌ దాదాపుగా పూర్తి అయింది. ఇటీవలే ఐటెం సాంగ్‌ పూర్తి అయింది. తాజాగా రష్మిక మందన్న తన శ్రీవల్లి పాత్ర కోసం డబ్బింగ్‌ చెప్పింది.

సోషల్‌ మీడియా ద్వారా రష్మిక పుష్ప 2 కి డబ్బింగ్‌ చెబుతున్న ఫోటోలను షేర్‌ చేయడం జరిగింది. ఆ ఫోటోలు నెట్టింట వైరల్‌ అవుతున్నాయి. పుష్ప 2 నుంచి ఈనెల 17న ట్రైలర్‌ రాబోతున్న విషయం తెల్సిందే. ఆ ట్రైలర్‌లోనూ రష్మిక డైలాగ్ ఉంటుందని తెలుస్తోంది. షూటింగ్‌ దాదాపుగా పూర్తి అయింది, మొదటి సగంకు డబ్బింగ్‌ చెప్పేశాను. అద్భుతంగా సినిమా ఉంది అంటూ రష్మిక అంచనాలు పెంచే విధంగా సోషల్‌ మీడియా పోస్ట్‌ షేర్‌ చేసింది. ఫ్యాన్స్‌ తో పాటు ప్రతి ఒక్కరు సినిమాకు ఫిదా అవుతారు, నాకు మాటలు రావడం లేదు, మీరు పొందబోతున్న అనుభూతి గురించి చెప్పలేక పోతున్నాను అంటూ అంచనాలు పెంచే విధంగా పోస్ట్‌ చేసింది.

రష్మిక మందన్న షేర్ చేసిన డబ్బింగ్‌ ఫోటోలు వైరల్‌ కావడంతో పాటు, ఆమె చేసిన వ్యాఖ్యలు సైతం సినిమాపై అంచనాలు పీక్స్‌కి తీసుకు వెళ్తున్నాయి. సినిమాలో శ్రీలీల ఐటెం సాంగ్‌ మరో రేంజ్‌లో ఉంటుందని అంటున్నారు. సుకుమార్‌, దేవిశ్రీ ప్రసాద్‌ కాంబోలో వచ్చిన ఐటెం సాంగ్స్‌ అన్నింటిలోకి కిస్సిక్‌ ఐటెం సాంగ్ చాలా స్పెషల్‌గా ఉంటుందని అంటున్నారు. దేవిశ్రీ ప్రసాద్‌ తో పాటు ఈ సినిమాకు తమన్‌ తో బ్యాక్‌గ్రౌండ్‌ కొన్ని సన్నివేశాలకు చేయించడం జరిగింది. డిసెంబర్‌ 5న ప్రపంచ వ్యాప్తంగా ప్రేక్షకుల ముందుకు రాబోతున్న ఈ సినిమా ఇండస్ట్రీ హిట్‌గా నిలవడం ఖాయం అనిపిస్తోంది.

తెలుగు రాష్ట్రాలతో పాటు నార్త్‌ రాష్ట్రాల్లో భారీ ఎత్తున ఈవెంట్స్ చేయబోతున్నారు. ఏడు భారీ ఈవెంట్స్ చేయడం ద్వారా సినిమాను జనాల్లోకి తీసుకు వెళ్లే ప్రయత్నాలు చేస్తున్నారు. రూ.100 కోట్లతో సినిమాను ప్రమోట్‌ చేస్తున్నారంటూ ప్రచారం జరుగుతోంది. సినిమాకు ఇప్పటికే ఉన్న బజ్‌ ను డబుల్‌ చేయడం ద్వారా మొదటి రోజే రూ.500 కోట్ల వసూళ్లు నమోదు చేసే అవకాశాలు ఉన్నాయని బాక్సాఫీస్‌ వర్గాల వారు అభిప్రాయం వ్యక్తం చేస్తున్నారు. పుష్ప 2 కోసం ఎవరు ఏం మాట్లాడినా వైరల్‌ అవుతోంది. ఇప్పుడు శ్రీవల్లి డబ్బింగ్‌ చెబుతూ చేసిన వ్యాఖ్యలు ట్రెండ్‌ అవుతున్నాయి.