మిస్టర్ బచ్చన్ మాస్ హిట్ కొట్టాల్సిందే..!

మాస్ మహారాజ రవితేజ కెరీర్ కాత రిస్క్ లోనే ఉందని చెప్పొచ్చు. ఒక్క హిట్టు మూడు నాలుగు వరుస ఫ్లాపులు ఇది ప్రస్తుతం రవితేజ మార్కెట్ పరిస్థితి. సినిమా థియేట్రికల్ వర్షన్ లాసులు తెచ్చినా డిజిటల్, శాటిలైట్, ఆడియో ఇలా ఎలాగోలా గట్టెక్కేస్తున్నారనే కారణం చేత ఆయనతో సినిమాలు చేస్తున్నారు తప్ప వేరే ఆలోచన లేదు. రవితేజకు ఉన్న మాస్ ఫాలోయింగ్ కి సరైన సినిమా పడితే మంచి వసూళ్లు వస్తాయి. సినిమా బ్లాక్ బస్టర్ గా నిలుస్తుంది.

కానీ ధమాకా తర్వాత మరో 3 ఫ్లాపు సినిమాలు చేశాడు రవితేజ. రీసెంట్ గా వచ్చిన ఈగల్ కూడా ముక్కీ మూలిగి అన్నట్టు వసూళ్లు తెచ్చింది. 50 కోట్ల గ్రాస్ అని ఈగల్ నిర్మాతలు ప్రకటించినా ప్రీ రిలీజ్ బిజినెస్ ప్రకారం చూస్తే అది తక్కువే అని చెప్పొచ్చు. రవితేజ తిరిగి ఫాంలోకి రావాలని మాస్ రాజా ఫ్యాన్స్ కోరుతున్నారు. అయితే రవితేజ మాత్రం సినిమాల ఫలితాలతో సంబంధం లేదు వరుస సినిమాలు చేసుకుంటూ పోవడమే అన్న పంథాలో వెళ్తున్నారు.

సినిమా రిజల్ట్ ని డిసైడ్ చేయడం ఎవరి వల్లా కాదు. ధమాకా తర్వాత వాల్తేరు వీరయ్య సక్సెస్ రవితేజ ఖాతాలో పడలేదు. రావణాసుర, టైగర్ నాగేశ్వర రావు ఇలా కొత్త ప్రయత్నాలు వర్క్ అవుట్ కాలేదు. ఈగల్ ఎన్నో అంచనాలతో రాగా అది కూడా ఆశించిన రేంజ్ లో లేదు. ఇక ఎటొచ్చి మాస్ రాజా ఫ్యాన్స్ అంతా కూడా హరీష్ శంకర్ డైరెక్షన్ లో చేస్తున్న మిస్టర్ బచ్చన్ మీదే పెట్టుకున్నారు. హరీష్ శంకర్ తో మిరపకాయ్ లాంటి హిట్ అందుకున్న రవితేజ మళ్లీ ఇన్నాళ్లకు కలిసి పనిచేస్తున్నారు.

టాలీవుడ్ లో సక్సెస్ రేటు ఎక్కువగా ఉన్న డైరెక్టర్స్ లో హరీష్ శంకర్ ఒకరు. చేసేవి రీమేక్ లు అనే ఒకే ఒక్క మాట తప్ప హరీష్ శంకర్ డైరెక్షన్ లో సినిమా అంటే పక్కా పైసా వసూల్ సినిమా అనేస్తారు. పవన్ కళ్యాణ్ తో ఉస్తాద్ భగత్ సింగ్ సినిమా చేస్తున్న హరీష్ శంకర్ అది లేట్ అవుతుందని తెలుసుకుని రవితేజతో సినిమా మొదలు పెట్టాడు. మిస్టర్ బచ్చన్ అంటూ వస్తున్న ఈ సినిమా తో అయిన రవితేజ తన ఫ్యాన్స్ ని ఖుషి చేస్తాడా లేదా అన్నది చూడాలి. హరీష్ శంకర్ మీద ఎలాగు భారీ హోప్స్ ఉన్నాయి కాబట్టి సినిమా తప్పకుండా నెక్స్ట్ లెవెల్లో ఉంటుందేమో చూడాలి.