అగ్ర నిర్మాణ సంస్థ‌లో రోష‌న్!
మ‌రి ఇది అత‌ని ప్ర‌య‌త్న‌లోప‌మా? మార్కెట్ లేని న‌టుడ‌ని నిర్మాణ సంస్థ‌లు వెన‌క్కి త‌గ్గుతున్నాయా? అన్న‌ది తెలియ‌దు గానీ...రోష‌న్ క‌న్నా వెన‌కొచ్చిన వారు మాత్రం ముందుకెళ్తున్నా
ఛార్మింగ్ స్టార్ శ్రీకాంత్ త‌న‌యుడు రోష‌న్ కెరీర్ ఇంకా పుంజుకోలేదు. `పెళ్లి సందడి`తో హీరోగా లాంచ్ అయిన రోష‌న్ అటుపై బిజీ న‌టుడు అవుతాడ‌నుకుంటే? యంగ్ హీరో అడుగులు ఆ దిశ‌గా ప‌డుతున్న‌ట్లు క‌నిపించ‌లేదు. బ్యాకెండ్ లో శ్రీకాంత్ స‌హ‌కారం ఉందా? లేదా? అన్న‌ది తెలియ‌దు గానీ! రోష‌న్ కెరీర్ మాత్రం మంద‌కొడిగానే సాగుతుంది. హీరో మెటీరియ‌ల్ అయినా ఆ దిశ‌గా అవ‌కాశాలు మాత్రం రావ‌డం లేదు.
మ‌రి ఇది అత‌ని ప్ర‌య‌త్న‌లోప‌మా? మార్కెట్ లేని న‌టుడ‌ని నిర్మాణ సంస్థ‌లు వెన‌క్కి త‌గ్గుతున్నాయా? అన్న‌ది తెలియ‌దు గానీ...రోష‌న్ క‌న్నా వెన‌కొచ్చిన వారు మాత్రం ముందుకెళ్తున్నారు. ఇండ‌స్ట్రీలో ఎలాంటి బ్యాక‌ప్ లేని వాళ్ల‌కు కూడా అవ‌కాశాలు అందిపుచ్చుకుంటున్నారు. ఈ నేప‌థ్యంలో తాజాగా ఓ ఇంట్రెస్టింగ్ విష‌యం లీకైంది. ఆల‌స్య‌మైనా రోష‌న్ ఏకంగా ఓ బ‌డా నిర్మాణ సంస్థ‌లోనే అవ‌కాశం ద‌క్కించు కున్న‌ట్లు తెలుస్తోంది.
రోష‌న్ హీరోగా అగ్ర గామి నిర్మాణ సంస్థ వైజ‌యంతీ మూవీస్ లో ఓ సినిమా చేస్తున్న‌ట్లు శ్రీకాంత్ ఓ ఇంట‌ర్వ్యూలో రివీల్ చేసాడు. `ప్రస్తుతం `వృష‌భ`లో న‌టిస్తున్నాడు. అటుపై వైజ‌యంతీ బ్యాన‌ర్లో ఓ సినిమా చేస్తాడ‌ని అన్నారు. అయితే వైజ‌యంతీలో రోష‌న్ న‌టించేది హీరోగానా? లేక మ‌రో హీరో చిత్రంలో కీల‌క పాత్ర? అన్న‌ది క్లారిటీ ఇవ్వ‌లేదు. `వృష‌భ` అన్న‌ది మ‌ల‌యాళం సినిమా.
ఇందులో మోహ‌న్ లాల్ హీరోగా పాన్ ఇండియా లో రిలీజ్ చేస్తున్నారు. అందులో ఓ కీల‌క పాత్ర మాత్ర‌మే రోష‌న్ చేస్తున్నాడు. ఈ నేప‌థ్యంలో వైజ‌యంతీ మూవీస్ లో రోష‌న్ అందుకుంది? అలాంటి అవకాశ‌మా? అన్న సందేహం వ్య‌క్త‌మ‌వుతోంది. ఇక శ్రీకాంత్ చిన్న కుమారుడు రోహాన్ కి కూడా అవ‌కాశాలు వ‌స్తున్నా యిట. ఇటీవ‌లే ఓ సినిమాలో ఛాన్స్ వ‌చ్చిందిట. కానీ తొమ్మిద‌వ త‌ర‌గ‌తిచ‌దువుతున్నాడ‌ని..చ‌దువు ఆట‌కం ఏర్ప‌డుతుంద‌ని ఆయ‌నే రిజెక్ట్ చేసాడు.