ఈ బ్యూటీ లక్కు మామూలుగా లేదు

బాలీవుడ్ లో దబాంగ్ 3 మూవీతో హీరోయిన్ గా ఎంట్రీ ఇచ్చిన అందాల భామ సాయీ మంజ్రేకర్. ఈ బ్యూటీ నటుడు, దర్శకుడు మహేష్ మంజ్రేకర్ కూతురుగా బాలీవుడ్ లోకి అడుగుపెట్టింది. దబాంగ్ 3 మూవీ ఆశించిన స్థాయిలో సక్సెస్ కాలేదు. దీంతో బాలీవుడ్ లో చెప్పుకోదగ్గ అవకాశాలు మళ్ళీ రాలేదు. దీంతో ఊహించని విధంగా టాలీవుడ్ కి షిఫ్ట్ అయ్యింది.

తెలుగులో వరుణ్ తేజ్ కి జోడీగా గని చిత్రంతో ఎంట్రీ ఇచ్చింది. ఈ మూవీ డిజాస్టర్ అయ్యింది. తరువాత మేజర్ చిత్రంలో అడవి శేష్ కి జోడీగా ఈ బ్యూటీ నటించింది. ఈ సినిమా సూపర్ హిట్ అయ్యింది. అయితే ఈ సినిమా సక్సెస్ క్రెడిట్ మాత్రం హీరోయిన్ కి ఏ మాత్రం రాలేదని చెప్పాలి. రీసెంట్ గా స్కంద చిత్రంలో సెకండ్ హీరోయిన్ గా ప్రేక్షకుల ముందుకి వచ్చింది.

మొదటి నుంచి స్కంద సినిమాలో సాయీ మంజ్రేకర్ ఉందనే విషయాన్ని దర్శకుడు బోయపాటి ఎక్కడా రివీల్ చేయకుండా సస్పెన్స్ గా ఉంచారు. అయిన ఆ సినిమాలో పెద్దగా నటనకి స్కోప్ ఉన్న పాత్ర అయితే దొరకలేదు. దానికి తోడు మూవీ డిజాస్టర్ అయ్యింది. ఇప్పటి వరకు చేసిన సినిమాలలో చెప్పుకోదగ్గ మూవీ అంటే మేజర్ ఒక్కటే.

నటిగా గాని, గ్లామర్ పరంగా గాని సాయీ మంజ్రేకర్ ప్రూవ్ చేసుకున్నది అయితే ఏమీ లేదు. కాని అవకాశాలు మాత్రం వస్తూనే ఉన్నాయి. కళ్యాణ్ రామ్ హీరోగా ఒక కొత్త సినిమా ప్రారంభోత్సవం జరిగింది. ఈ సినిమాలో మెయిన్ హీరోయిన్ గా సాయీ మంజ్రేకర్ ని కన్ఫర్మ్ చేశారు. మరి ఈ సినిమా అయిన ఆమెకి నటిగా సక్సెస్, క్రేజ్ తీసుకోస్తుందా అనేది చూడాలి.

బాలీవుడ్ లో స్టార్స్ వారసులుగా వచ్చి సక్సెస్ అయిన హీరోయిన్స్ చాలా మంది ఉన్నారు. ఓ విధంగా చెప్పాలంటే ప్రస్తుతం అక్కడ టాప్ హీరోయిన్స్ గా ఉన్న అలియా భట్, శ్రద్ధా కపూర్, సారా ఆలీఖాన్ లాంటి తారలు స్టార్ కిడ్స్ గా వచ్చినవారే. అయితే వారిలా హిందీలో కాకుండా సాయీ తెలుగులో స్టార్ గా ఎదిగే ప్రయత్నం చేస్తూ ఉండటం విశేషం.