సిటాడెల్ పార్టీ.. లేటెస్ట్ సాంగ్ కు సామ్ డ్యాన్స్ అదుర్స్!

స్టార్ హీరోయిన్ సమంత రీసెంట్ గా సిటాడెల్ హనీ బన్నీ వెబ్ సిరీస్ తో ప్రేక్షకుల ముందుకు వచ్చిన విషయం తెలిసిందే. బాలీవుడ్ స్టార్ హీరో వరుణ్ ధావన్ మరో కీలక పాత్ర పోషించగా.. రాజ్ అండ్ డీకే దర్శకత్వం వహించారు. అమెజాన్ ప్రైమ్ వీడియోలో స్ట్రీమింగ్ అవుతున్న సిటాడెల్ మంచి రెస్పాన్స్ అందుకుంటోంది. ఓటీటీలో అందుబాటులోకి వచ్చిన నాటి నుంచి టాప్ లో కొనసాగుతోంది.

అత్యధిక వ్యూస్ ను దక్కించుకుని సత్తా చాటుతోంది. ప్రపంచవ్యాప్తంగా 200 దేశాల్లో సిరీస్ ప్రసారమతుండగా.. 150 దేశాల్లో టాప్‌ లో నిలిచి ఇప్పటికే ఓ రికార్డు క్రియేట్ చేసింది. అదే సమయంలో సామ్ విమర్శకుల నుంచి ప్రశంసలు అందుకున్నారు.

నార్మల్ సీన్స్ తో పాటు యాక్షన్ సీక్వెన్స్ ల్లో సమంత అదరగొట్టేశారని అనేక మంది కొనియాడారు. హనీ పాత్రలో ఒదిగిపోయారని రివ్యూస్ ఇచ్చారు. అయితే తాజాగా సిటాడెల్ వెబ్ సిరీస్ టీమ్.. సక్సెస్ పార్టీ నిర్వహించింది. ఆ కార్యక్రమానికి సామ్, వరుణ్ సహా టీమ్ అంతా అటెండ్ అయ్యి ఫుల్ ఎంజాయ్ చేసింది.

ముంబైలో నిన్న రాత్రి జరిగిన సిటాడెల్ సక్సెస్ పార్టీకి సంబంధించిన పిక్స్ ను సామ్ సోషల్ మీడియాలో షేర్ చేశారు. అందమైన వ్యక్తులు.. అందమైన సాయంత్రం.. నా మనసంతా ఆనందంతో నిండిపోయిందని క్యాప్షన్ ఇచ్చారు. వాటికి వరుణ్ ధావన్ స్పందించారు. ఎప్పటికీ ది బెస్ట్ కోస్టార్ అంటూ కొనియాడారు.

అదే సమయంలో సమంత, వరుణ్ డ్యాన్స్ చేస్తున్న వీడియో ఇప్పుడు తెగ చక్కర్లు కొడుతోంది. స్టార్ హీరోయిన్ కీర్తి సురేష్ బాలీవుడ్ డెబ్యూ మూవీ బేబీ జాన్ నుంచి రీసెంట్ గా రిలీజ్ అయిన నైన్ మటక్కాకు ఇద్దరూ డ్యాన్స్ చేశారు. ఇప్పటికే అందరినీ అలరిస్తున్న ఆ సాంగ్ కు హుక్ స్టెప్స్ వేసి అలరించారు సామ్, వరుణ్.

దీంతో నెటిజన్లు తెగ స్పందిస్తున్నారు. సమంత ఎనర్జీ సూపర్బ్ అని కొనియాడుతున్నారు. ఎవర్ గ్రీన్ సామ్ అంటూ కామెంట్లు పెడుతున్నారు. పలువురు సినీ ప్రముఖులు కూడా సామ్, వరుణ్ డ్యాన్స్ వీడియో షేర్ చేసి అభినందిస్తున్నారు. మరి నైన్ మటక్కా సాంగ్ కు సిటాడెల్ జోడీ వేసిన స్టెప్స్ చూశారా?