ఒక్క దెబ్బతో.. అన్నయ్య లైఫే మార్చేసిన వంగా..

ప్రణయ్ రెడ్డి వంగా.. ఈ పేరు చాలా మందికి తెలియదు. కానీ ఈ పేరు వింటుంటే సందీప్ రెడ్డి వంగా మాత్రం గుర్తుకొస్తారు. సందీప్ రెడ్డి, ప్రణయ్ రెడ్డి ఇద్దరు అన్నదమ్ములు. అయితే సందీప్ రెడ్డి వంగా అర్జున్ రెడ్డి సినిమా తీయాలనుకున్న సమయంలో తనకు నిర్మాతల నుంచి అనేక సమస్యలు వచ్చాయట. ఎందుకంటే ఒక సినిమా కథను ప్రొడ్యూసర్ కరెక్ట్ గా అర్థం చేసుకుని అందుకు తగినంత లిబర్టీ ఇస్తే తప్ప దర్శకుడు తీయాలనుకున్న సినిమా తీయలేడు. కథ నచ్చిన కూడా దానికి సంబంధించిన బడ్జెట్ నచ్చకపోయినా లేదంటే లొకేషన్స్ ప్రాబ్లమ్ అయినా కాస్టింగ్ ఇబ్బందులు వచ్చిన ప్రొడ్యూసర్ కు ఎక్కడ ఇబ్బంది కలిగినా కూడా ఆ సినిమాపై దాని ఎఫెక్ట్ పడుతుంది.

అలాంటి సమస్యలు రాకూడదనుకున్నాడో ఏమో తెలియదు కానీ సందీప్ రెడ్డి.. అర్జున్ రెడ్డి సినిమా తీయాలనుకున్నప్పుడు చాలామంది నిర్మాతలను ప్రయత్నించి విఫలమై తన సొంత అన్నయ్య ప్రణయ్ రెడ్డి నిర్మాణంలోనే ఆచిత్రాన్ని పూర్తి చేశాడు. అందుకు తమ్ముడిని నమ్మి అమెరికాలో ఉద్యోగం వదిలేసి వచ్చేశారు ప్రణయ్. ఆ తర్వాత అర్జున్ రెడ్డి సినిమాతో ఇద్దరు అన్నదమ్ములు మంచి సక్సెస్ ను కూడా సాధించారు.

అయితే ప్రణయ్ రెడ్డి సందీప్ ను చాలా చక్కగా అర్ధం చేసుకున్నారట. ఆయనకు కావాల్సిన స్పేచ్ఛ ఇచ్చి వదిలేస్తారట. అంత లిబర్టీ ఉంది కాబట్టే అప్పుడు అర్జున్ రెడ్డి అయినా ఇప్పుడు యానిమల్ సినిమా అయినా విషయంలో ఎక్కడ కాంప్రమైజ్ కాలేదు సందీప్. అర్జున్ రెడ్డి సినిమాను హిందీలో రీమేక్ చేసిన కబీర్ సింగ్ తప్ప మిగిలిన రెండు సినిమాలు కూడా తన అన్నయ్య ప్రణయ్ రెడ్డి నిర్మాణంలోనే సినిమాలు తీశారు సందీప్. ఈ రెండు సినిమాలు కూడా ప్రణయ్ కు కాసుల వర్షాన్ని కురిపించాయి.

యానిమల్ సినిమాతో ప్రణయ్ రెడ్డి జాక్ పాట్ కొట్టేశారని సినీ వర్గాలు చెబుతున్నాయి. టీ సీరీస్ తో కలిసి ఈ సినిమాను నిర్మించారు. ఆ సినిమా బడ్జెట్ 200 కోట్ల రూపాయిలు కాగా.. ఇప్పటికీ సుమారు రూ.600 కోట్లకు పైగా వసూళ్లు రాబడుతోంది. అయితే ఈ సినిమా ప్రాఫిట్ లో ఆయన షేర్ రూ.120 నుంచి రూ.150 కోట్లు ఉండొచ్చని టాక్ వినిపిస్తోంది. అమెరికాలో జాబ్ వదిలేసి వచ్చిన ప్రణయ్ కు సుడి తిరిగిందని సినీ పండితులు అంటున్నారు.

ఒకప్పుడు సినిమా కోసం ఫ్యామిలీకి చెందిన 32 ఎకరాలు అమ్మేసిన ఈ అన్నదమ్ములు.. ఇప్పుడు సినిమాలు తీస్తూ భారీ ఎత్తున లాభాలు సంపాదిస్తున్నారు. ఇకపై ముందు రాబోతున్న సినిమాలను కూడా తన అన్న నిర్మాణంలోనే తెరకెక్కిస్తానంటూ సందీప్ చెబుతున్నారు. ఒకవేళ వేరే బ్యానర్ లో సినిమా చేయాల్సి వచ్చినా దాంట్లో కూడా ప్రణయ్ భాగస్వామ్యం ఉండేలా చూసుకుంటానని చెబుతున్నారట సందీప్.