ఫిల్మ్ ఫేర్ అవార్డుల్లో రష్మిక లేకపోవడం ఏంటి..?

69వ ఫిల్మ్ ఫేర్ అవార్డుల్లో యానిమల్ హీరో రణ్ బీర్ కపూర్ కి బెస్ట్ యాక్టర్ అవార్డ్ రాగా సినిమాకు నాలుగు అవార్డుల దాకా వచ్చాయి. యానిమల్ డైరెక్టర్ సందీప్ వంగ మాత్రం ఫిల్మ్ ఫేర్ అవార్డుల మీద అసంతృప్తిగా ఉన్నారు. యానిమల్ సినిమా ఫిల్మ్ ఫేర్ అవార్డుల్లో 19 కేటగిరిల్లో నామినేషన్స్ లో ఉండగా అందులో రష్మిక లేకపోవడం తనని షాక్ అయ్యేలా చేసిందని అన్నారు. హీరోయిన్స్ కేటగిరిలో ఆమె పేరు లేకపోవడం తనని షాక్ కి గురి చేసిందని అన్నారు.

యానిమల్ సినిమాలో గీతాంజలి పాత్రలో నటించడం అంత సులువైన విషయం ఏమి కాదు. ఒక్క సీన్ లోనే చాలా హావభావాలు పలికించాలి. ఆ సీన్ లో నవ్వడం, అరవడం, పిచ్చి పట్టినట్టు ప్రవర్తించడం ఇవన్నీ చేయాలి. 11 నిమిషాల ఆ సీన్ లో ఆమె అద్భుతంగా చేసింది. అందుకే రష్మిక ఫిల్మ్ ఫేర్ నామినేషన్స్ లో లేకపోవడం ఆశ్చర్యానికి గురి చేసిందని సందీప్ వంగ అన్నారు.

రణ్ బీర్ కపూర్ లీడ్ రోల్ లో వచ్చిన యానిమల్ సినిమా బాలీవుడ్ ఆడియన్స్ ని విశేషంగా అలరించింది. డిసెంబర్ 1న రిలీజైన ఈ సినిమా బ్లాక్ బస్టర్ హిట్ అందుకుని 900 కోట్ల పైన వసూళ్లను రాబట్టింది. ఈ సినిమాకు సీక్వెల్ గా సందీప్ వంగ రణ్ బీర్ కపూర్ కాంబో యానిమల్ పార్క్ సినిమా అనౌన్స్ చేశారు.

సందీప్ వంగ తెలుగులో అర్జున్ రెడ్డి సినిమాతో డైరెక్టర్ గా కెరీర్ మొదలు పెట్టారు. అయితే ఆ సినిమా ఇక్కడ బ్లాక్ బస్టర్ హిట్ కొట్టడంతో షాహిద్ కపూర్ తో దాన్ని రీమేక్ చేసి అక్కడ సూపర్ హిట్ అందుకున్నారు. ఇక రణ్ బీర్ తో చేసిన యానిమల్ సినిమాతో బాలీవుడ్ స్టార్ డైరెక్టర్స్ లిస్ట్ లో చేరారు సందీప్ వంగ. ఈ సినిమా విషయంలో బాలీవుడ్ మేకర్స్ ని కూడా సర్ ప్రైజ్ చేసేలా సందీప్ వంగ టేకింగ్ ఉంది. రణ్ బీర్ ఖాతాలో 900 కోట్లు రాబట్టడం ఇదే మొదటిసారి. యానిమల్ పార్క్ తో పాటుగా సందీప్ వంగ ప్రభాస్ తో స్పిరిట్ సినిమా ప్లాన్ చేస్తున్నారు. ఈ సినిమాలో ప్రభాస్ ఒక సిన్సియర్ పోలీస్ ఆఫీసర్ గా కనిపిస్తాడని తెలుస్తుంది.