ఈ 'స‌నోన్' సిస్ట‌ర్స్ గురించి ఇది తప్పక చదవాలి!
2014లో టైగర్ ష్రాఫ్ నటించిన `హీరోపంతి` సినిమాతో కృతి సనన్ నటనా ప్రపంచంలోకి అడుగుపెట్టింది. అరంగేట్రం తరువాత బాలీవుడ్ టాలీవుడ్ లో ప‌లు చిత్రాల్లో నటించి మెప్పించింది.
2014లో టైగర్ ష్రాఫ్ నటించిన `హీరోపంతి` సినిమాతో కృతి సనన్ నటనా ప్రపంచంలోకి అడుగుపెట్టింది. అరంగేట్రం తరువాత బాలీవుడ్ టాలీవుడ్ లో ప‌లు చిత్రాల్లో నటించి మెప్పించింది. ఇటీవ‌ల మిమీ- లుకా చుప్పీ వంటి ప్రాజెక్ట్‌లలో తన నటనా నైపుణ్యాలను ప్రదర్శించింది. మిమీ చిత్రంలో న‌ట‌నకు గాను కృతి ఉత్త‌మ న‌టిగా జాతీయ అవార్డును అందుకుంది. ఇటీవ‌ల ప్ర‌భాస్ స‌ర‌స‌న ఆదిపురుష్ చిత్రంలోను కృతి నటించిన సంగ‌తి తెలిసిందే.
వ్యక్తిగత విషయానికి వస్తే, కృతి సనన్ కి తన సోదరి నూపుర్ సనన్ తో ఉన్న అనుబంధం గురించి తెలిసిందే. నూపూర్ బర్త్ డే సంద‌ర్భంగా కృతి స‌నోన్ తన `జీవితానికి తోడుగా` అంటూ అద్భుతమైన క్యాప్ష‌న్ తో ఒక అందమైన ఫోటోని షేర్ చేసింది. తన సోద‌రిపై ప్రేమ‌ను కురిపించింది. నూప‌ర్ సనన్ స్పెష‌ల్ డే రోజున తన సోదరి గురించి ఆస‌క్తిక‌ర వ్యాఖ్యానం చేసింది. అందమైన చిట్టి చెల్లాయిని చూసి గ‌ర్వ‌ప‌డుతున్నాన‌ని కృతి అంది.
సనన్ సోదరీమణులు ఒకరికొకరు దృఢమైన అనుబంధం క‌లిగి ఉన్నారని కృతి షేర్ చేసిన ఫోటోలు చెబుతున్నాయి. వీటిలో మొదటి ఫోటోలో ఈ ఇద్దరూ కలిసి గూఫీ ఫేస్ లతో న‌వ్విస్తున్నారు. రెండవ ఫోటోలో నుపుర్ తన అక్క కృతిని పైకి ఎత్తుతూ క‌నిపించింది. బర్త్ డే అమ్మాయికి సంబంధించిన కొన్ని చిన్ననాటి ఫోటోలను కూడా కృతి షేర్ చేసింది. కృతి సనన్ తన బేబీ సిస్టర్ పై ప్రేమతో శుభాకాంక్షలు తెలియజేసింది. ``హ్యాపీయెస్ట్ బర్త్ డే నా అందమైన అమ్మాయి!!! నా బేబీ సిస్టర్, నా బెస్ట్ ఫ్రెండ్, నా ఆల్-టైమ్ ఫేవరెట్ ఎంటర్‌టైనర్.. జీవితానికి నా సహచరి! మాట‌ల్లో చెప్పగలిగే దానికంటే ఎక్కువ‌గా నేను నిన్ను ప్రేమిస్తున్నాను! మీ లోపల ఉన్న అందమైన వ్యక్తి విష‌యంలో గర్వపడుతున్నాను! ఈ సంవత్సరం మీ హృదయం కోరుకునే ప్రతిదీ సాధించు.. స్వీటీని నా బిడ్డగా ఉండనివ్వండి! నిన్ను మిస్ అవుతున్నాను!!`` అని సనన్ తన ఇన్‌స్టాగ్రామ్ ఖాతాలో రాశారు.
తన సోదరి కోసం ఆప్యాయంగా పుట్టినరోజు శుభాకాంక్షలు పోస్ట్ చేసినందుకు అభిమానులు అద్భుతంగా స్పందించారు. కృతి తన చెల్లెలికి పుట్టినరోజు శుభాకాంక్షలు తెలిపిన వెంటనే, అభిమానులు ఆ పోస్ట్‌పై వెంటనే స్పందించారు. చాలా మంది `క్యూటీస్` కోసం హృదయపూర్వక శుభ‌కాంక్ష‌లు తెల‌ప‌గా, కొందరు ల‌వ్ హార్ట్ ఈమోజీలు షేర్ చేసారు. ``హ్యాపీయెస్ట్ బర్త్ డే నప్సీ” “క్యూటీస్” “సో స్వీట్.. ఇద్దరూ అద్భుతమైన సోదరీమణులు.. పుట్టినరోజు శుభాకాంక్షలు” అంటూ కొందరు వ్యాఖ్యానించారు. కృతి- నూపూర్ ఇద్దరూ ఎవ‌రికి వారు కెరీర్ ప‌రంగా ఫుల్ బిజీగా ఉన్నారు