టీజర్: ట్రాజెడి జాతకంలో సారంగపాణి అల్లరి

టాలెంటెడ్ నటుడు ప్రియదర్శి హీరోగా డిఫరెంట్ కంటెంట్ ఉన్న కథలను సెలెక్ట్ చేసుకుంటున్న విషయం తెలిసిందే. ఇక మంచి కంటెను ఉన్న దర్శకుడు ఇంద్రగంటి మోహనకృష్ణ దర్శకత్వంలో ప్రియదర్శి మరో వినూత్నమైన సినిమాతో రాబోతున్నాడు. వీరి కలయికలో తెరకెక్కిన సరికొత్త చిత్రం 'సారంగపాణి జాతకం'. రూప కొడవయూర్ ఈ చిత్రంలో ప్రియదర్శికి జోడీగా నటించింది. ఇదిలా ఉంటే తాజాగా ఈ మూవీ టీజర్ ని ప్రేక్షకుల ముందుకి తీసుకొచ్చారు.

చిన్నప్పటి నుంచి చేతిలో రేఖలు, జీవితంలో జాతకాలు ప్రభావం ఉంటాయని నమ్మే వ్యక్తిబ ప్రియదర్శి ఈ చిత్రంలో కనిపిస్తున్నాడు. అతను చేసే ప్రతి పని, తీసుకునే ప్రతి నిర్ణయం వెనుక కచ్చితంగా జాతకం ఉంటుంది. గుడ్డిగా రాశిఫలాలు, జ్యోతీష్యం నమ్మి నిర్ణయాలు తీసుకునే వాడి లైఫ్ లో జాతకం తలక్రిందులైతే ఎలా ఉంటుందనే ఇంటరెస్టింగ్ పాయింట్ తో ఈ మూవీ కథని దర్శకుడు ఇంద్రగంటి చెప్పబోతున్నట్లు టీజర్ బట్టి తెలుస్తోంది.

ప్రస్తుత కాలంలో ఫ్యామిలీ మొత్తం చూడదగ్గ నేచురల్ హాస్యంతో కథలు చెప్పే దర్శకులలో ఇంద్రగంటి మోహనకృష్ణ పేరు కచ్చితంగా ఉంటుంది. 'అష్టాచెమ్మా', 'అమీతుమీ' లాంటి సినిమాలతో అతను వినోదాన్ని తెరపై అద్భుతంగా ఆవిష్కరించారు. మరోసారి ‘సారంగపాణి జాతకం’లో కూడా జ్యోతీష్యం నమ్మకాల నేపథ్యంలో కామెడీని జెనరేట్ చేస్తూ కథని చెప్పబోతున్నాడు.

జాతకాల ట్రాజెడిలో హీరో అల్లరి ఎట్రాక్ట్ చేస్తోంది. ఇందులో అవసరాల శ్రీనివాస్ ఓ ఇంటరెస్టింగ్ పాత్రలో కనిపించాడు. ఫుల్ ఫ్యామిలీ కామెడీ ఎంటర్టైనర్ గా ఈ సినిమా ఉండబోతోందని టీజర్ తో స్పష్టం అయ్యింది. ప్రియదర్శి కూడా తన పాత్రలో ఒదిగిపోయాడు. వెన్నెల కిషోర్ ఫుల్ కామెడీ జెనరేట్ చేసే క్యారెక్టర్ చేశాడు. కచ్చితంగా ఈ సినిమా కావాల్సినంత వినోదం అందించడం గ్యారెంటీ అనే మాట వినిపిస్తోంది.

శ్రీదేవి మూవీస్ బ్యానర్ లో 'సమ్మోహనం', 'జెంటిల్మెన్' సినిమాల తర్వాత ఇంద్రగంటి చేస్తోన్న మూడో సినిమా ఇది. వివేక్ సాగర్ ఈ సినిమాకి సంగీతం అందించారు. ఈ సినిమాని డిసెంబర్ 20న విడుదల చేయడానికి మేకర్స్ సన్నాహాలు చేస్తున్నారు. కచ్చితంగా ఈ మూవీ ప్రేక్షకులని ఎట్రాక్ట్ చేయడం గ్యారెంటీ అనే మాట వినిపిస్తోంది.

ప్రియదర్శికి హీరోగా ఈ మూవీ బ్రేక్ ఇస్తుందని భావిస్తున్నారు. ఇదిలా ఉంటే ఈ మూవీ టీజర్ ని రౌడీ స్టార్ విజయ్ దేవరకొండ రిలీజ్ చేశారు. ఈ సందర్భంగా ఆయన మాట్లాడుతూ నేను జ్యోతీష్యం, జాతకాలు నమ్మనని, కేవలం డెస్టినీని నమ్ముతానని అన్నారు. ఇంద్రగంటి మోహన కృష్ణ ఈ సినిమాతో బ్లాక్ బస్టర్ సక్సెస్ అందుకోవడం గ్యారెంటీ అనే మాట టీజర్ చూసిన వారు కామెంట్స్ చేస్తున్నారు.