ఫేక్ ఎకౌంట్ పై స్టార్ వైఫ్ అలర్ట్..!

సెలబ్రిటీ హోదా ఎంత క్రేజీగా ఉంటుందో అందుకు తగినట్టుగానే కొన్ని ఇబ్బందులు ఉంటాయి. సోషల్ మీడియా వచ్చాక అది మరింత పెరిగింది. ఇప్పటికే సెలబ్రిటీస్ ని నానా రకాలుగా సోషల్ మీడియాలో టార్గెట్ చేస్తూ కొందరు పైశాచిక ఆనందం పొందుతుంటారు. ఇక కొందరైతే సెలబ్రిటీస్ ఫేక్ అకౌంట్ లు క్రియేట్ చేసి వారిని డీఫేం చేస్తారు. ప్రస్తుతం ఇలాంటి ఒక అలర్ట్ నే కోలీవుడ్ స్టార్ హీరో వైఫ్ ఫ్యాన్స్ కి ఇచ్చారు. తమిళ స్టార్ హీరో అజిత్ భార్య షాలిని తన పేరుతో ఉన్న ఫేక్ ట్విట్టర్ ఖాతా గురించి ఆడియన్స్ ని అలర్ట్ చేశారు.

అజిత్ భార్య షాలిని కూడా ఒకప్పుడు సినిమాల్లో నటించిన విషయం తెలిసిందే. హీరోయిన్ గానే కాదు ఆమె చైల్డ్ ఆర్టిస్ట్ గా కూడా నటించి మెప్పించారు. హీరోయిన్ గా కొన్ని సినిమాలే చేసినా వాటిల్లో ఆమె అభినయంతో మెప్పించారు. ముఖ్యంగా అజిత్ తో ఆమె సినిమాల్లో కలిసి నటించి ప్రేమలో పడ్డారు. అజిత్ అండ్ ఫ్యామిలీని చూసుకోవడంతోనే తన టైం సరిపోతుందని భావించిన షాలిని ఇన్నాళ్లు సోషల్ మీడియాకి దూరంగా ఉన్నారు.

రెండేళ్ల క్రితం షాలిని ట్విట్టర్, ఇన్ స్టాగ్రాం ఖాతాలను తెరిచారు. ఐతే ఆమె అంత యాక్టివ్ గా ఉండరు. దాన్ని గమనించిన ఒక వ్యక్తి షాలిని పేరుతో మరో ట్విట్టర్ ఖాతా తెరిచి అజిత్, షాలినికి సంబందించిన ఫోటోలను షేర్ చేస్తూ వచ్చాడు. అలా ఆ అకౌంట్ కి 80 వేలకు పైగా ఫాలోవర్స్ కూడా ఏర్పడ్డారు. షాలిని పేరుతో ఉంటూ రెగ్యులర్ అప్డేట్స్ ఇవ్వడం వల్ల అది ఒరిజినల్ అనుకుని పొరపాటు పడ్డారు ఆడియన్స్.

విషయం లేటుగా గుర్తించిన షాలిని ఆ ట్విట్టర్ ఖాతా తనది కాదని ఫాలోవర్స్ ని అలర్ట్ చేశారు. తన పేరుతో ఉన్న మరో ఖాతా తనది కాదని దానికి తనకు ఎలాంటి సంబంధం లేదని మీరు మోసపోవద్దని ఫ్యాన్స్ ని ఆమె హెచ్చరించారు. కోలీవుడ్ లో విజయ్, రజనీ, కమల్ తర్వాత ఆ రేంజ్ ఫ్యాన్ ఫాలోయింగ్ ఉన్న హీరో అజిత్. అలాంటి స్టార్ హీరో వైఫ్ సోషల్ మీడియా ఖాతాని ఇలా మరో వ్యక్తి ఫేక్ ఐడితో మేనేజ్ చేయడం అన్నది అందరినీ షాక్ అయ్యేలా చేస్తుంది. ఐతే విషయం సీరియస్ కాలేదు కాబట్టి ఆమె ఫాలోవర్స్ కి ఒక అలర్ట్ ఇచ్చి వదిలేశారు.