అబ్బాయిలతో రూమ్ షేర్ చేస్కున్న యువ‌న‌టి!
రణ్‌వీర్ సింగ్ సర‌స‌నా షాలినీ పాండే ఓ బాలీవుడ్ చిత్రంలో న‌టించిన సంగ‌తి తెలిసిందే.
విజయ్ దేవరకొండ స‌ర‌స‌న అర్జున్ రెడ్డి చిత్రంలో న‌టించింది షాలిని పాండే. మ‌హాన‌టిలోను స‌మంత‌తో క‌లిసి న‌టించింది. నటిగా త‌న‌ను తాను నిరూపించుకున్న ఈ బ్యూటీ బాలీవుడ్ లోను క్రేజీ హీరోల స‌ర‌స‌న న‌టించేసింది. రణ్‌వీర్ సింగ్ సర‌స‌నా షాలినీ పాండే ఓ బాలీవుడ్ చిత్రంలో న‌టించిన సంగ‌తి తెలిసిందే.
తాజాగా మ‌హారాజా మూవీ ప్ర‌మోష‌నల్ ఇంటర్వ్యూలో షాలిని చిత్ర పరిశ్రమలో బాడీ షేమ్ గురించి ఓపెన్ చేసారు. ఈ బ్యూటీ తన కెరీర్ ప్రారంభించినప్పుడు బాడీ షేమింగ్‌కు గురయ్యానని వెల్లడించింది. తన మాజీ మేనేజర్ కూడా తన అమాయక స్వభావాన్ని సద్వినియోగం చేసుకున్నారని షాకింగ్ విష‌యం తెలిపింది.
``అప్పట్లో నేను నిజంగా బాడీ షేమ్ ని ఎదుర్కొన్నాను. అలాగే నేను కొత్త .. సౌత్ లో ఉన్నందున నాకు భాష అర్థం కాలేదు. ఆ సమయంలో నా నిర్వాహకులు (మేనేజ‌ర్స్) నా అమాయకత్వాన్ని సద్వినియోగం చేసుకునేందుకు ప్ర‌య‌త్నించారు`` అని షాలిని ఇండియా టుడేతో అన్నారు.
ప్రజలు నా నుండి ఏమి కోరుకుంటున్నారో అర్థం చేసుకోవడానికి నేను నిరంతరం ప్రయత్నిస్తున్నాను అని ఆమె చెప్పింది. నా శరీరా ఛాయ గురించి అవ‌మాన‌క‌ర వ్యాఖ్య‌లు విన్నాను. అయితే క్రీడాకారిణిగా అథ్లెటిక్ బాడీని కలిగి ఉన్నా కూడా విమ‌ర్శ‌లు ఎదుర్కొన్నాన‌ని తెలిపారు. ఇప్ప‌టికీ ప్రజలు మార‌లేదు.. వార‌ని చూసి సిగ్గుపడుతున్నాను అని అన్నారు.
తాను న‌ట‌న‌లో కెరీర్ వెతుకుతున్నాన‌ని చెప్ప‌గానే తన తండ్రి అంగీక‌రించ‌లేద‌ని, నటనను కొనసాగించేందుకు ఇంటి నుంచి పారిపోయానని షాలిని వెల్లడించింది. అంతకుముందు మీడియా ఇంటరాక్షన్‌లో షాలిని తన కెరీర్ ఆరంభ క‌ష్టాల గురించి వివరించింది. మా నాన్న నన్ను ఇంజినీర్‌ని చేయాలనుకున్నారు. నేను కూడా ప్రయత్నించాను.. కానీ నేను చేయలేకపోయాను. నన్ను నటిగా అనుమతించడానికి మా నాన్న సిద్ధంగా లేరు. నాలుగేళ్ల పాటు తండ్రిని ఒప్పించేందుకు ప్రయత్నించి చివరకు పారిపోవాలనే నిర్ణయం తీసుకున్నట్లు వెల్లడించింది. షాలిని ఇంకా మాట్లాడుతూ, ``ఇప్పుడు ఇది జోక్ లాగా ఉంది, కానీ ఆ సమయంలో అది చాలా కష్టం. కాబట్టి నేను పారిపోయాను`` అని అంది.
చివరకు ముంబైకి వచ్చేసరికి ఎవ‌రూ తెలియ‌దు. ఎక్కడికీ వెళ్లలేదు. నా ఇద్దరు స్నేహితులు నగరంలో నివసిస్తున్నప్పటికీ కొన్ని కారణాల వల్ల వారు ఉండే చోట ఉండలేకపోయింది. దీంతో షాలిని అబ్బాయిలతో చోటు(రూమ్ స్పేస్) పంచుకోవాల్సి వచ్చింది. తరువాత ఒక ఇంటర్వ్యూలో ఆ అబ్బాయిలు చివరికి తన కుటుంబంగా మారారని ఆమె వెల్లడించింది. నటిగా మారిన తర్వాత కూడా వారితో స్నేహం చాలా ప్రత్యేకమైనదిగా భావిస్తున్న‌ట్టు వెల్లడించింది.