కల్కి పై రాజమౌళి ట్వీట్.. భలే ఆడేసుకుంటున్నారు..!

ప్రభాస్ నాగ్ అశ్విన్ కాంబినేషన్ లో వస్తున్న కల్కి 2898 AD సినిమా టీజర్ నేషనల్ వైడ్ గా సర్ ప్రైజ్ చేసింది. హాలీవుడ్ సినిమాలకు ఏమాత్రం తీసిపోని విధంగా కల్కి సినిమా టీజర్ వచ్చింది. ఇక ఈ టీజర్ పై అంతటా ప్రశంసలు అందుకుంటున్నారు. ఫస్ట్ లుక్ పోస్టర్ అంతగా ఇంప్రెస్ చేయలేకపోయినా టీజర్ మాత్రం నెక్స్ట్ లెవెల్ లో ఉంది.

కల్కి సినిమా టీజర్ చూసిన రాజమౌళి నాగ్ అండ్ టీం ని మెచ్చుకున్నారు. రాజమౌళి ట్వీట్ చేస్తూ గ్రేట్ జాబ్ నాగ్ అండ్ వైజయంతి మూవీస్. ఇలాంటి ఫ్యూచరిస్టిక్ సినిమా రూపొందించడం చాలా కష్టం మీరు దాన్ని సాధ్యం చేశారంటూ కామెంట్ చేశారు. డార్లింగ్ లుక్ స్మాషింగ్ గా ఉంది.. ఇక మిగిలింది ఒక్క ప్రశ్న మాత్రమే రిలీజ్ ఎప్పుడు అంటూ కామెంట్ పెట్టాడు.

అయితే రాజమౌళి చేసిన ఈ ట్వీట్ పై ఆయన ఫ్రెండ్స్ అండ్ ఫాలోవర్స్ ఆడుకుంటున్నారు. కల్కి సినిమా ను మెచ్చుకుంటూ జక్కన్న వేసిన ట్వీట్ బాగానే ఉన్నా రిలీజ్ ఎప్పుడు అని అడగడం ఆయన్ను ఇరకాటంలో పడేసింది. ఈ క్రమంలో తన సన్నిహితుడు బాహుబలి నిర్మాత శోభు యార్లగడ్డ రాజమౌళి ట్వీట్ పై సరదాగా స్పందించాడు. రిలీజ్ డేట్ గురించి అడుగుతున్నది ఎవరో చూశారా అని కామెంట్ పెట్టారు. అంతేకాదు రాజమౌళి తనయుడు కార్తికేయ కూడా స్మైల్ ఎమోజీలు పెట్టాడు.

రాజమౌళి సినిమా అంటే రిలీజ్ డేట్ విషయం లో క్లారిటీ ఉండదు. బాహుబలి నుంచి లాస్ట్ ఇయర్ వచ్చిన ఆర్.ఆర్.ఆర్ సినిమా వరకు రాజమౌళి సినిమా అనుకున్న టైం కు రావడం కష్టం. RRR అయితే ఏడాది పాటు వాయిదా పడుతూ వచ్చింది. అలాంటి రాజమౌళి కల్కి 2898 AD సినిమా రిలీజ్ ఎప్పుడు అని అడగడం అందరిని షాక్ ఇచ్చింది. కల్కి సినిమా విషయంలో నాగ్ అశ్విన్ ప్లానింగ్ ఏంటన్నది టీజర్ చూశాక అర్థమైంది.

కల్కి 2898 ఏడి టీజర్ సినిమా రేంజ్ ఏంటన్నది టీజర్ శాంపిల్ తో రుచి చూపించాడు నాగ్ అశ్విన్. తెలుగు సినిమా స్టాండర్డ్స్ ని పెంచేలా కల్కి మరో అడుగు ముందుకేసేలా ఉంటుందని చెప్పొచ్చు. ప్రభాస్ మాస్ మేనియాకు కల్కి సినిమా రికార్డుల ను తిరగరాయడం పక్కా అని ఫ్యాన్స్ ఫిక్స్ అయ్యారు.