బాబోయ్ అది నా వల్ల కాదన్నాడు : శృతి

మల్టీ ట్యాలెంటెడ్‌ హీరోయిన్‌ శృతి హాసన్‌ ఇనిమెల్‌ అనే సాంగ్ తో రేపు అంటే మార్చి 25న ప్రేక్షకుల ముందుకు రాబోతుంది. ఈ పాటకు మ్యూజిక్ ను అందించింది శృతి హాసన్‌ అవ్వడం విశేషం. అంతే కాకుండా కమల్ హాసన్ ఈ పాటను నిర్మించడంతో పాటు సాహిత్యం అందించడం మరింత ప్రత్యేక విషయం.

ఇక ఈ పాటలో శృతి హాసన్‌ తో పాటు స్టార్‌ డైరెక్టర్‌ లోకేష్ కనగరాజ్‌ నటించాడు. మొదటి సారి ఈ స్టార్‌ దర్శకుడు కెమెరా ముందుకు వచ్చాడు. ఇన్నాళ్లు కెమెరా వెనుక ఉన్న ఈయన ఈ పాటతో కెమెరా ముందుకు రావడంతో అందరి దృష్టి ఈ పాట పై ఉంది.

తాజాగా ఈ మ్యూజికల్‌ వీడియో గురించి శృతి హాసన్ ఒక ఇంటర్వ్యూలో మాట్లాడుతూ ఆసక్తికర విషయాలను వెళ్లడించింది. ఈ పాటను మేము లోకేష్ తో చేయాలి అనుకున్నప్పుడు మొదట ఆయన నటించేందుకు నో చెప్పాడు. నాతో పాటు పాటలో కనిపించేందుకు ఆయన మొదట బాబోయ్‌ నా వల్ల కాదు అన్నాడు.

పాట యొక్క కాన్సెప్ట్‌ మరియు సాహిత్యం విన్న తర్వాత ఇతర విషయాలను ఆయనకు వివరించిన తర్వాత నాతో కలిసి నటించేందుకు ఓకే చెప్పాడు. తప్పకుండా ఈ పాట ప్రేక్షకులను అలరిస్తుంది. లోకేష్ లో మంచి నటుడు ఉన్నాడు. ఆయన ముందు ముందు నటుడిగా రాణించాలని కోరుకుంటున్నాను అని కూడా శృతి హాసన్ వ్యాఖ్యలు చేసింది.