ధోని దర్శకుడు.. ఈసారైనా బౌన్స్ బ్యాక్ అవుతాడా?

థ్రిల్లర్ కథలు, ఇంటరెస్టింగ్ ఎలిమెంట్స్ తో మూవీస్ చేసి బాలీవుడ్ లో తనకంటూ ప్రత్యేకమైన గుర్తింపుని సొంతం చేసుకున్న దర్శకుడు నీరజ్ పాండే. 'ఏ వెడ్నస్ డే' సినిమాతో దర్శకుడిగా పరిచయం అయిన నీరజ్ పాండే మంచి సక్సెస్ అందుకున్నాడు. తరువాత అక్షయ్ కుమార్ తో 'స్పెషల్ 26' అనే మూవీతో మరో సూపర్ హిట్ అందుకున్నాడు. నెక్స్ట్ అక్షయ్ కుమార్ తోనే 'బాబీ' చేశాడు. వీటితో పాటు మహేంద్ర సింగ్ ధోని బయోపిక్ తో బ్లాక్ బస్టర్ అందుకున్నాడు.

రీసెంట్ గా అతని నుంచి అజయ్ దేవగన్, టబు జోడీగా 'ఔరోన్ మే కహన్ దమ్ థా' అనే మూవీ వచ్చింది. అయితే ఈ సినిమా ప్రేక్షకుల ఏ మాత్రం ఆకట్టుకోలేదు. బిగ్గెస్ట్ డిజాస్టర్ గా మారింది. దీని నుంచి కోలుకొని 'సికందర్ కా ముకందర్' సినిమాతో ప్రేక్షకుల ముందుకి రాబోతున్నాడు. ఈ సినిమా నెట్ ఫ్లిక్స్ లో ఈ నెల 29న రిలీజ్ కాబోతోంది. తమన్నా, జిమ్మీ షెర్గిల్, రాజీవ్ మెహతా ఈ సినిమాలో కీలక పాత్రలలో నటించారు.

నీరజ్ పాండే తనకి సక్సెస్ లు ఇచ్చిన థ్రిల్లర్ జోనర్ లోనే ఈ సినిమా చేశాడు. రీసెంట్ గా ఈ మూవీ ట్రైలర్ రిలీజ్ అయ్యింది. ఒక షోరూమ్ లో భారీ దోపిడీ గురించి పోలీసులకి ఒక కాల్ వస్తుంది. అలాగే తుపాకీ శబ్దాలు కూడా వినిపిస్తాయి. జిమ్మీ షెర్గిల్ ఈ కేసుని చేధించడానికి రంగంలోకి దిగుతాడు. ఇన్వెస్టిగేషన్ లో ప్రధానంగా ముగ్గురు అనుమానితులని గుర్తిస్తాడు. ఊహించని సంఘటనతో మెయిల్ లీడ్ యాక్టర్స్ జీవితాలలో పెద్ద మార్పులు చోటు చేసుకుంటాయి. వీటన్నిటి వెనుక కారణాలని పోలీస్ ఆఫీసర్ జిమ్మీ ఇన్వెస్టిగేషన్ చేస్తాడు.

ఇలా ఇంటరెస్టింగ్ ఎలిమెంట్స్ తోనే ఈ మూవీ ట్రైలర్ ఉంది. దీనిని బట్టి కచ్చితంగా ఈ మూవీ థియేటర్స్ లో వర్క్ అవుట్ అయ్యే స్టోరీ అనే మాట వినిపిస్తోంది. ఓటీటీలో రిలీజ్ చేయడం ద్వారా చిత్ర ఫలితంపై ఒక క్లారిటీ రాదని సినీ విశ్లేషకులు అంటున్నారు. నీరజ్ పాండే ఈ సినిమాని థియేటర్స్ లో రిలీజ్ చేస్తే కచ్చితంగా మంచి సక్సెస్ అందుకునేవాడని బిటౌన్ లో వినిపిస్తోంది.

అయితే కారణాలు ఏవైనా నీరజ్ పాండే ఈ సినిమాని ఓటీటీలో రిలీజ్ చేయడానికి మొగ్గు చూపించాడు. అలాగే జిమ్మీ షెర్గిల్ మొదటి సారి ఒక పవర్ ఫుల్ కాప్ రోల్ చేస్తున్నాడు. ఆ పాత్ర వెయిట్ ని అతను ఎంత వరకు మోయగలడు అనేది కూడా ఇప్పుడు పెద్ద ప్రశ్నగా వినిపిస్తోంది. నీరజ్ పాండే ఈ సినిమాతో బౌన్స్ బ్యాక్ అయితే మరల స్టార్స్ తో జతకట్టే అవకాశం ఉండొచ్చని అనుకుంటున్నారు.