పోరుకు సిద్ధమైన స్కంద జోడి.. వ్వాటే లుక్

బోయపాటి దర్శకత్వంలో రామ్ పోతినేని నటించిన స్కంద సినిమా హడావిడి మరోసారి మొదలైపోయింది. అసలైతే ఈ సినిమాను సెప్టెంబర్ 15వ తేదీన విడుదల చేయడానికి చిత్ర యూనిట్ సిద్దమైన విషయం తెలిసిందే. అయితే ఊహించిన విధంగా సలార్ మంచి డేట్ ను నుంచి వాయిదా పడడంతో స్కంద టీం ఆ డేట్ పై ఫోకస్ చేసింది.

మొన్నటి వరకు ఈ విషయంలో బాగా చర్చలు జరిపిన దర్శక నిర్మాతలు మొత్తానికి అఫీషియల్ డేట్ పై కూడా క్లారిటీ అయితే ఇచ్చారు. ఈ సినిమా సెప్టెంబర్ 28వ తేదీన రాబోతున్నట్లు అధికారికంగా మరొక పోస్టర్ అయితే విడుదల చేశారు. ఇక ఈ న్యూ రిలీజ్ డేట్ పోస్టర్లో చాలా కూల్ గా రామ్ శ్రీ లీల జోడి కనిపిస్తోంది.

ఈ సినిమాలో ఉర మాస్ ఎలిమెంట్స్ తో పాటు మంచి ఫ్యామిలీ ఎమోషన్స్ ను కూడా దర్శకుడు జత చేశాడు. అంతేకాకుండా హీరో హీరోయిన్ మధ్యలో ఉండే రొమాంటిక్ ట్రాక్ కూడా హైలెట్ కాబోతున్నట్లు చెబుతున్నారు. ప్రస్తుతం శ్రీ లీల బ్రాండ్ ఇమేజ్ ఏ స్థాయిలో పెరిగిపోతుందో ప్రత్యేకంగా చెప్పనవసరం లేదు. ఇక రామ్ పోతినేని మాస్ యాంగిల్ లో కూడా అదరగొట్టేందుకు ప్రయత్నం చేస్తున్నాడు.

ఇక బోయపాటితో ఈసారి కెరీర్ లోనే బిగ్గెస్ట్ సక్సెస్ అందుకోవాలి అని రెడీ అవుతున్నాడు. ఇక ఈ జోడి సినిమాలో ఒకవైపు ట్రెడిషనల్ లక్కుతో కూడా ఆకట్టుకోబోతున్నట్లు పోస్టర్ చూస్తే అర్థమవుతుంది. రామ్ లేటెస్ట్ ట్రెండ్ కు తగ్గట్టుగా తెల్లని చొక్కా పంచె కట్టుతో ఆకట్టుకునే ప్రయత్నం చేయగా శ్రీ లీల అతనికి పర్ఫెక్ట్ జోడి అనిపించే విధంగా ఆరెంజ్ కలర్ లెహంగాతో ట్రెడిషనల్ వాతావరణాన్ని మరింత పెంచేసింది.

సినిమా కంటెంట్ ఎలా ఉన్నా కూడా ఈ జోడి బిగ్ స్క్రీన్ పై మాత్రం కనుల విందుగా ఉండబోతున్నట్లు అర్థమవుతుంది. ఇక ఈ సినిమాను దర్శకుడు బోయపాటి ఎప్పటిలానే మాస్ కమర్షియల్ ఎలిమెంట్స్ హైలెట్ చేసి ప్రెసెంట్ చేయబోతున్నాడు. ఇప్పటికే ఒక మాస్ ట్రైలర్ ను విడుదల చేశారు. ఇక మరొక ఆసక్తికరమైన ట్రైలర్ ను కూడా విడుదల చేయడానికి సిద్ధమవుతున్నారు. మరి ఈ సినిమా బాక్సాఫీస్ వద్ద ఎలాంటి ఓపెనింగ్స్ అందుకుంటుందో చూడాలి.