స్కంద ఐటెం నెంబర్.. ఊర్వశితో రామ్ మాస్ జాతర..!

ఎనర్జిటిక్ హీరో రామ్ నటిస్తున్న తాజా చిత్రం స్కంద. బోయపాటి శ్రీను దర్శకత్వంలో తెరకెక్కుతున్న సినిమా ఇది. బోయపాటి అఖండ తర్వాత తీస్తున్న సినిమా కావడంతో, ఈ మూవీ పై ఎక్కువ అంచనాలు ఉన్నాయి. భారీ బడ్జెట్ తో ఈ సినిమాను తెరకెక్కించారు. నిజానికి ఈ పాటికి ఈ మూవీ ప్రేక్షకుల ముందుకు రావాల్సి ఉంది. కానీ, కొన్ని కారణాల వల్ల మూవీ వాయిదా పడింది. సెప్టెంబర్ 28వ తేదీన ఈ మూవీ ప్రేక్షకుల ముందుకు రానుంది.

ఈ మూవీ విడుదల దగ్గరపడుతుండటంతో, ప్రమోషన్స్ హీట్ పెంచారు. ఇప్పటికే ఈ మూవీ నుంచి రెండు, మూడు పాటలు విడుదల చేశారు. కాగా, తాజాగా మరో ఐటెం సాంగ్ ని విడుదల చేశారు. టాలీవుడ్ లో ఉన్న బెస్ట్ డ్యాన్సర్లలో రామ్ పోతినేని కూడా ఒకరు. ఆయన తో మ్యాచ్ అయ్యేలా డ్యాన్స్ చేయాలంటే హీరోయిన్లకు అంత ఈజీ ఏమీ కాదు. అయితే, ఈ స్కంద మూవీలో ఇప్పటికే శ్రీలీల తాను మ్యాచ్ చేయగలను అని నిరూపించింది. తాజాగా ఐటెం సాంగ్ లో బాలీవుడ్ బ్యూటీ ఊర్వశి రౌతెలా కూడా తన డ్యాన్సింగ్ టాలెంట్ ని చూపించింది.

తాజాగా, ఈ పాటను విడుదల చేశారు. ఈ పాట ఇప్పుడు ట్రెండింగ్ లో ఉంది. కల్ట్ మామ అంటూ సాగే పాట ఇది. ఈ మాస్ పాట రామ్ ఫ్యాన్స్ కి పూనకాలు తెప్పించేలా ఉంది. ఊర్వశి రౌతెలా రామ్ తో పోటీపడుతూ డ్యాన్స్ వేసింది. థమన్ మ్యూజిక్ తో మ్యాజిక్ చేశాడనే విషయం స్పష్టంగా అర్థమౌతోంది. ఫుల్ ఎనర్జీ తో సాంగే పాట ఇది. అభిమానులకు అయితే, విజువల్ ట్రీట్ లా ఉండటం విశేషం.

ఈ పాటను, ప్రముఖ లిరిక్ రైటర్ అనంత శ్రీరామ్ రాయడం విశేషం. ఈ పాటను హేమ చంద్ర, రమ్య బెహెరా ఆలపించారు. భారీ సెట్‌లో ఈ పాటను చిత్రీకరించినట్లు తెలుస్తోంది. రామ్ రెండు డిఫరెంట్ లుక్స్ లో కనిపించడం విశేషం. ఇప్పటికే, విడుదలైన ట్రైలర్ ప్రేక్షకులను విపరీతంగా ఆకట్టుకుంటోంది.

శ్రీనివాసా సిల్వర్ స్క్రీన్ భారీ ఎత్తున నిర్మించిన మాస్ యాక్షన్ ఎంటర్‌టైనర్ స్కందలో శ్రీలీల, సయి మంజ్రేకర్ లు కథానాయికలుగా నటిస్తున్నారు. . ఈ చిత్రాన్ని సెప్టెంబర్ 28న థియేటర్లలో విడుదల చేసేందుకు ప్లాన్ చేస్తున్నారు. ఇదిలా ఉండగా, రామ్ చివరగా వారియర్ మూవీతో ప్రేక్షకుల ముందుకు వచ్చాడు. ఆ మూవీ డిజాస్టర్ గా మారింది. దీంతో, రామ్ ఆశలన్నీ ఈ మూవీపైనే ఉన్నాయి. మరి ఈ మూవీతో ఎంత వరకు ఆకట్టుకుంటాడో చూడాలి.