#ఎస్ ఎస్ ఎంబీ 29 లో సోనాల్ చౌహాన్!

బాల‌య్య బ్యూటీ గా సోనాల్ చౌహాన్ టాలీవుడ్ లో బాగా ఫేమ‌స్. 'లెజెండ్'..'డిక్టేట‌ర్'..'రూల‌ర్' లాంటి సినిమాల్లో న‌టించ‌డంతోనే ఈ ర‌క‌మైన గుర్తింపు ద‌క్కింది. ఇవి గాకుండా మ‌రికొన్ని సినిమాలు చేసింది కానీ..బాల‌య్య స‌ర‌స‌న న‌టిస్తే వ‌చ్చినంత గుర్తింపు ఇంకే హీరో ఇవ్వ‌లేక‌పోయాడు. అలాగ‌ని అమ్మ‌డి కెరీర్ లో భారి విజ‌యాలు ఏవైనా ఉన్నాయా? అదీ లేదు. 'లెజెండ్'..'ఎఫ్ -3' త‌ప్పా మిగ‌తావ‌న్ని బాక్సాఫీస్ వ‌ద్ద తుస్సుమ‌న్నవే.

అయినా స‌రే పాన్ ఇండియా చిత్రం 'ఆదిపురుష్' లో మండోద‌రి పాత్ర‌లో న‌టించే అవ‌కాశం ఒడిసిప ట్టుకుంది. అందులోనూ న‌టించింది. కానీ ఆ సినిమా కూబా బాక్సాఫీస్ వ‌ద్ద బొల్తా కొట్టింది. ఇలా ఏ ద‌శ‌లో చూసుకున్నా సోనాల్ చౌహాన్ కి విజ‌యం కాన రావ‌డం లేదు. తాజాగా ఈ బ్యూటీ మ‌రోసారి ఓ క్రేజీ పాన్ ఇండియా ప్రాజెక్ట్ లోనూ అవ‌కాశం అందుకుందున్న వార్త కుదిపేస్తోంది. ఆ సినిమా గురించి తెలిస్తే ఈ ఛాన్స్ నిజంగా ఆమెకే వ‌చ్చిందా? అని ఆశ్చ‌ర్యపోవ‌డం ఖాయం. వివ‌రాల్లోకి వెళ్తే.

సూప‌ర్ స్టార్ మ‌హేష్ క‌థానాయ‌కుడిగా రాజ‌మౌళి ఓ భారీ పాన్ ఇండియా చిత్రాన్ని తెర‌కెక్కిస్తున్న సంగ‌తి తెలిసిందే. ఈ సినిమా లో బాలీవుడ్ స‌హా హాలీవుడ్ న‌టులు..ఇత‌ర ప‌రిశ్ర‌మ‌కు చెందిన న‌టులు ఉంటార‌ని వినిపిస్తోంది. ఈ నేప‌థ్యంలో ఇదే ప్రాజెక్ట్ లో సోనాల్ చౌహాన్ కూడా ఛాన్స్ అందుకుంద‌ని మీడియా క‌థ‌నాలు వెడెక్కిస్తున్నాయి. అమ్మ‌డిని ఓ కీల‌క మైన పాత్ర‌కి ఎంపిక చేసిన‌ట్లు వార్తలొస్తున్నాయి.

మండోద‌రి పాత్ర‌ని మెచ్చి ఈ అవ‌కాశం వ‌చ్చిన‌ట్లు గా వినిపిస్తుంది. ఇటీవ‌ల అమ్మ‌డు హైద‌రాబాద్ లో నే ఉందిట‌. రాజ‌మౌళి అండ్ కోతో అసోసియేట్ అవుతున్న‌ట్లు తెలిసింది. ఈ నేప‌థ్యంలో ఈ విష‌యం లీకైంది. మ‌రి ఇందులో వాస్త‌వం ఏంటో తెలియాలి.ఇది నిజ‌మైతే గ‌నుక సోనాల్ కెరీర్ కొత్త ట‌ర్నింగ్ తీసుకున్న‌ట్లే. ప్రస్తుతం ఈ ప్రాజెక్ట్ స్క్రిప్టింగ్ దశలో ఉంది. ఈ సంవత్సరం చివరి నాటికి అధికారికంగా చాలా స‌మాచారం తెలిసే ఛాన్స్ ఉంది.