స్పిరిట్ యాక్షన్ ఎప్పటినుంచి అంటే..?

యానిమల్ తో సందీప్ వంగ, సలార్ తో ప్రభాస్ ఇద్దరు బాక్సాఫీస్ దగ్గర వసూళ్లతో అదరగొట్టేశారు. రణ్ బీర్ తో సందీప్ వంగ చేసిన యానిమల్ పాన్ ఇండియా లెవెల్ లో సెన్సేషనల్ హిట్ కాగా.. లేటెస్ట్ రిలీజ్ సలార్ కూడా వసూళ్ల ప్రభంజనం సృష్టించి పాన్ ఇండియా లెవెల్ లో ప్రభాస్ స్టామినా ఏంటో చూపిస్తుంది. ప్రభాస్ తో సందీప్ వంగ చేయాల్సిన స్పిరిట్ సినిమా అప్డేట్ కోసం ఫ్యాన్స్ అంతా ఎగ్జైటెడ్ గా ఉన్నారు.

తెలుస్తున్న సమాచారం ప్రకారం ప్రభాస్ స్పిరిట్ ఫిబ్రవరి నుంచి సెట్స్ మీదకు వెళ్తుందట. సినిమాలో స్క్రిప్ట్ జనవరి మిడిల్ లో పూర్తి చేసి ఫైనల్ డ్రాఫ్టింగ్ ప్రభాస్ కి వినిపిస్తారట. ఫిబ్రవరి నుంచి ఈ సినిమా షూటింగ్ మొదలు పెడతారని తెలుస్తుంది. సినిమాలో ప్రభాస్ పవర్ ఫుల్ పోలీస్ పాత్రలో కనిపిస్తారని తెలుస్తుంది.

అర్జున్ రెడ్డి, కబీర్ సింగ్, యానిమల్ 3 సినిమాలతో తన స్టాంప్ వేసుకున్న సందీప్ వంగ స్పిరిట్ విషయంలో కూడా పెద్ద ప్లానింగ్ తోనే ఉన్నాడని తెలుస్తుంది. ఈ సినిమా మొదటి షెడ్యూల్ లోనే 500 మందితో ఒక యాక్షన్ సీన్ ప్లాన్ చేస్తున్నారట. ప్రభాస్ మాస్ ఇమేజ్ కి తగినట్టుగా ఈ సినిమా ఉంటుందని చెబుతున్నారు. ఈ సినిమాలో మిగతా కాస్టింగ్ డీటెయిల్స్ తెలియాల్సి ఉంది.

ప్రభాస్ సలార్ సూపర్ హిట్ కాగా ఆ తర్వాత వస్తున్న కల్కి, రాజా డీలక్స్ ల మీద భారీ అంచనాలు ఉన్నాయి. ఇక యానిమల్ డైరెక్టర్ సందీప్ వంగ తో చేస్తున్న స్పిరిట్ సినిమాపై కూడా హైప్ బాగుంది. రణ్ బీర్ తో యానిమల్ లాంటి సినిమా చేసిన సందీప్ వంగ ప్రభాస్ తో స్పిరిట్ ఎలాంటి సంచలనాలు సృష్టిస్తాడన్నది చూడాలి. సందీప్ ప్రభాస్ ఈ రేర్ కాంబో సినిమాపై రెబల్ స్టార్ ఫ్యాన్స్ కూడా భారీ హోప్స్ తో ఉన్నారు. 2024 ఫిబ్రవరిలో మొదలవ్వబోతున్న స్పిరిట్ సినిమా 2025 సెకండ్ హాఫ్ లేదా 2026 మొదట్లో రిలీజ్ అయ్యే ఛాన్స్ ఉంటుంది. ప్రభాస్ తర్వాత సందీప్ వంగ అల్లు అర్జున్ తో సినిమా లైన్ లో పెట్టాడు.