శ్రీలీల అలా చేయడమే సేఫ్.. లేకుంటే..

యంగ్ హీరోయిన్ శ్రీలీల.. తన అందం, అభినయంతో ఓ రేంజ్ లో ఫ్యాన్ బేస్ ను సొంతం చేసుకున్న విషయం తెలిసిందే. తన డ్యాన్స్ మూవ్స్ తో సినీ ప్రియులను తెగ్గ మెప్పించింది. ఆమె డ్యాన్స్ లో స్పెషల్ గ్రేస్ కనిపిస్తుందని చెప్పడంలో ఎలాంటి డౌట్ అక్కర్లేదు. అయితే ఇప్పుడు తన టాలెంట్ ను అన్ని ఇండస్ట్రీలకు పరిచయం చేయాలని చూస్తోంది శ్రీలీల. బాలీవుడ్ తోపాటు కోలీవుడ్ లో అడుగుపెట్టేందుకు గ్రాండ్ గా రంగం సిద్ధం చేసుకుంటోంది.

టాలీవుడ్ లో వరుస ఫ్లాపులు ఎదుర్కొన్నా.. ఆమెకు ఉన్న క్రేజ్ ఏ మాత్రం తగ్గలేదు. చిన్న బ్రేక్ తీసుకున్న అమ్మడు.. ఇప్పుడు మళ్లీ బిజీ బిజీగా గడుపుతోంది. సరైన కథలు ఎంచుకునే దిశగా అడుగులు వేస్తోంది. తెలుగులో ప్రస్తుతం మూడు సినిమాల్లో నటిస్తోంది అమ్మడు. యంగ్ హీరో నితిన్ సరసన రాబిన్ హుడ్ మూవీలో యాక్ట్ చేస్తోంది. ఆమె రోల్ కు సంబంధించిన గ్లింప్స్.. మేకర్స్ రీసెంట్ గా రిలీజ్ చేయగా ఆడియన్స్ నుంచి మంచి రెస్పాన్స్ వచ్చింది.

మాస్ మహారాజా రవితేజ ల్యాండ్ మార్క్ 75వ చిత్రంలో యాక్ట్ చేస్తోంది శ్రీలీల. పవన్ ఉస్తాద్ భగత్ సింగ్ సినిమాలో కూడా ఆమెనే హీరోయిన్ అయినప్పటికీ.. ప్రస్తుతం ఆ మూవీ షూటింగ్ హోల్డ్ లో ఉంది. అయితే ఇప్పుడు సోషల్ మీడియాలో ఓ విషయం వైరల్ గా మారింది. రీసెంట్ గా వచ్చిన ఓ సినిమాను రిజెక్ట్ చేసి శ్రీలీల మంచి పని చేసిందని ఫ్యాన్స్ చెబుతున్నారు. లేకుంటే మరో ఫ్లాప్ తన ఖాతాలో వేసుకునేదని అంటున్నారు.

ఆ సినిమా ఏంటంటే.. విజయ్ దళపతి ది గ్రేటెస్ట్ ఆఫ్ ఆల్ టైమ్- ది గోట్. రీసెంట్ గా ప్రేక్షకుల ముందుకు వచ్చిన గోట్ మూవీలో సీనియర్ నటి త్రిష ఓ స్పెషల్ సాంగ్ చేసిన విషయం తెలిసిందే. ఆ పాట అంతగా హిట్ అవ్వలేదు.. మూవీ రిజల్ట్ కూడా అలానే ఉంది. అయితే ఆ సాంగ్ ఆఫర్ ముందు శ్రీలీల వద్దకు వచ్చింది. కానీ ఆమె రిజెక్ట్ చేసింది. స్టార్ హీరో సినిమా కదా అని వెంటనే యాక్సెప్ట్ చేయకుండా.. కాస్త ఆలోచించి ఆఫర్ ను వదులుకుంది.

గోట్ మేకర్స్.. ఆమెకు భారీ రెమ్యునరేషన్ ఇస్తామన్నా కూడా శ్రీలీల రిజెక్ట్ చేసినట్లు అప్పట్లో వార్తలు వచ్చాయి. ఐటెం సాంగ్ చేస్తే.. మళ్లీ సినీ ప్రియుల్లో వేరేలా ముద్రపడుతుందని ఆలోచించిందేమో! అందుకే ఆ సాంగ్ కు గ్రీన్ సిగ్నల్ ఇవ్వలేదు. అయితే మెగాస్టార్ చిరంజీవి అప్ కమింగ్ మూవీ విశ్వంభరలోని ప్రత్యేక గీతం కోసం కూడా మేకర్స్ ఆమెను ఇటీవల సంప్రదించారట. ఆ ఆఫర్ నూ శ్రీలీల రిజెక్ట్ చేసినట్లు సమాచారం.