స్టెప్పా మార్.. డబుల్ ఇస్మార్ట్ మాస్ డోస్

ఉస్తాద్ రామ్ పొతినేని, పూరి జగన్నాధ్ కాంబినేషన్‌లో రూపొందుతున్న భారీ పాన్ ఇండియా చిత్రం ‘డబుల్ ఇస్మార్ట్’కి సంబంధించిన తొలి సాంగ్ ‘స్టెప్పా మార్’ తాజాగా విడుదలైంది. ఈ సాంగ్ విడుదలతో చిత్రం పై మరింత ఆసక్తి పెరిగింది. ఈ సినిమాను ప్రముఖ దర్శకుడు పూరి జగన్నాధ్, చార్మి కౌర్ నిర్మిస్తున్న విషయం తెలిసిందే. ‘ఇస్మార్ట్ శంకర్’ సక్సెస్ తో మంచి కమ్ బ్యాక్ ఇచ్చిన ఈ కాంబినేషన్ అదే తరహాలో ఈ సీక్వెల్‌ తో సక్సెస్ అందుకోవాలని చూస్తోంది.

ఈ చిత్రాన్ని మొదట ఈ ఏడాది మార్చిలోనే విడుదల చేయాలని అనుకున్నారు. కానీ కొన్ని కారణాల వలన షూటింగ్ వాయిదా పడడంతో కుదరలేదు. ఇక ఫైనల్ గా ఆగస్ట్ 15న విడుదల చేయాలని ప్రకటించారు. ప్రస్తుతం హైదరాబాద్‌లో షూటింగ్ వేగంగా జరుగుతోంది. టీజర్‌కి వచ్చిన అనూహ్య స్పందన తరువాత, నిర్మాతలు ఈ సాంగ్ ద్వారా మ్యూజికల్ ప్రమోషన్స్‌ను ప్రారంభించారు.

‘స్టెప్పా మార్’ అనే న్యూ సాంగ్ మాస్ ఆడియెన్స్ ను ఆకట్టుకునే విధంగా ఉంది. ఉత్సాహపూరితమైన డాన్స్ మూమెంట్స్, రిధమ్ మరియు హై ఎనర్జీకి పర్యాయపదంగా నిలుస్తుంది. ఉస్తాద్ రామ్ పొతినేని చరిష్మాటిక్ పెర్ఫార్మెన్స్, పూరి జగన్నాధ్ స్టైలిష్ టేక్ ఈ పాటను దృశ్య మరియు శ్రవణ పండుగగా మారుస్తుంది. పాట యొక్క లిరిక్స్, వోకల్స్ శ్రోతలకు ఎనర్జిటిక్ బూస్ట్ ఇస్తాయి. మణిశర్మ సంగీతం ప్రేక్షకుల మనసులను అలరిస్తాయిని అర్ధమవుతుంది.

మణిశర్మ స్వరపరిచిన ఈ పాట ఆడియో ప్రోమోషన్స్‌కు శుభారంభం ఇచ్చింది. భాస్కర భట్ల రచించిన పాట సాహిత్యం ప్రోటాగనిస్ట్ యొక్క వైబ్‌ని పరిపూర్ణంగా ప్రతిబింబిస్తుంది. అనురాగ్ కులకర్ణి మరియు సాహితి వోకల్స్ పాటకు స్థానిక మాస్ టచ్ ని, అదనపు ఉత్సాహాన్ని కలిగిస్తుంది. ఇక జానీ మాస్టర్ కొరియోగ్రఫీ ఈ పాటకు మరొక హైలైట్.

రామ్ పొతినేని డ్యాన్స్ మూమెంట్స్ మరియు ఎనర్జీతో పాటకు మరింత అందంగా మారింది. అలాగే డైనమిక్ కెమెరా వర్క్ పాటను మరింత ప్రత్యేకం చేస్తాయి. డబుల్ ఇస్మార్ట్ సినిమాలో సంజయ్ దత్ ప్రధాన ప్రతినాయకుడి పాత్రలో నటిస్తున్నారు, కావ్య థాపర్ హీరోయిన్ గా కనిపించనున్నారు. భారీ బడ్జెట్‌తో రూపొందిస్తున్న ఈ యాక్షన్ ఎంటర్టైనర్ దేశవ్యాప్తంగా మాస్ ప్రేక్షకులను ఆకట్టుకోవడానికి సిద్దమవుతోంది. మరి బాక్సాఫీస్ వద్ద ఎలాంటి రికార్డులను క్రియేట్ చేస్తుందో చూడాలి.