500 కోట్లు ఇది అస్సలు ఊహించలేదుగా..!

బాలీవుడ్ బాక్సాఫీస్ పై స్త్రీ 2 హంగామా ఇంకా కొనసాగుతూనే ఉంది. అమర్ కౌశిక్ దర్శకత్వంలో తెరకెక్కిన స్త్రీ 2 సినిమాలో రాజ్ కుమార్ రావు, శ్రద్ధ కపూర్ లీడ్ రోల్స్ లో నటించారు. ఆగష్టు 15న రిలీజైన ఈ సినిమా బీ టౌన్ ఆడియన్స్ ని విశేషంగా ఆకట్టుకుంది. స్త్రీ 2 టీజర్, ట్రైలర్ నుంచే సినిమాపై ఒక పాజిటివ్ బజ్ ఏర్పడగా సినిమా రిలీజ్ ముందే ప్రీమియర్స్ వేసి సినిమా చూపించారు. అలా చేయడం వల్ల సినిమా గురించి అందరు చర్చించుకునే అవకాశం వచ్చింది. ఇక పెయిడ్ ప్రీమియర్స్ నుంచి సినిమా హంగామా మొదలైంది.

ఎప్పుడైనా ప్రీమియర్స్ తో సూపర్ హిట్ టాక్ వస్తే అది రిలీజ్ డే నాడు కూడా అదే పాజిటివ్ వైబ్ కొనసాగుతుంది. రిలీజై రెండు వారాలు అవుతున్నా కూడా స్త్రీ 2 రోజు వారి వసూళ్లు అదరగొడుతున్నాయి. ఇక ఈ సినిమా ఇప్పటికే 500 కోట్ల మార్క్ రీచ్ అయ్యింది. ఎన్నో సినిమాల రికార్డులను బ్రేక్ చేస్తూ స్త్రీ 2 సరికొత్త రికార్డులను సృష్టిస్తుంది. ముఖ్యంగా తక్కువ బడ్జెట్ తో తెరకెక్కిన ఈ సినిమా 500 కోట్లు మార్చ్ టచ్ చేయడం అనేది సాధారణ విషయం కాదు.

ఇక తన పని అయిపోయింది అనుకున్న వారందరికీ స్త్రీ 2 తో గట్టి షాక్ ఇచ్చింది శ్రద్ధా కపూర్. బాలీవుడ్ లో అమ్మడు కొట్టిన ఈ సాలిడ్ హిట్ తో మరోసారి ఆమె టాక్ ఆఫ్ ది ఇండస్ట్రీగా మారింది. స్త్రీ 2 అందించిన థ్రిల్లింగ్ ఎక్స్ పీరియన్స్ కు బాలీవుడ్ ప్రేక్షకులు ఫిదా అయిపోయారు. అందుకే ఆ సినిమాను ఆ స్థాయిలో నిలబెట్టారు. ఇక 500 కోట్ల మార్క్ దాటిన భారీ సినిమాల సరసన స్త్రీ 2 కూడా చేరింది.

బాలీవుడ్ బాక్సాఫీస్ కు స్త్రీ 2 కొత్త పాఠం నేర్పించింది. బడా స్టార్స్ మాత్రమే భారీ కలెక్షన్స్ తెస్తారని కాదు సరైన కంటెంట్ ఉన్నా కూడా వందల కోట్లు వచ్చి పడతాయని ప్రూవ్ చేశారు. స్త్రీ 2 సక్సెస్ వల్ల ఇలాంటి ఎక్స్ పెరిమెంట్స్ మరిన్ని చేసే ఛాన్స్ ఉంటుంది.