బేబి జాక్వెలిన్‌కి మెసేజ్‌లు పెట్ట‌లేద‌న్న సుకేష్
అయితే మోసగాడు సుఖేష్ చంద్రశేఖర్ అతని మనీలాండరింగ్ కేసుతో త‌న పేరు ముడిపడి ఉండ‌డంతో ఈ చిక్కుల నుంచి బ‌య‌ట‌ప‌డ‌లేక స‌త‌మ‌త‌మ‌వుతోంది.
సాహో చిత్రంతో తెలుగు ప్ర‌జ‌ల‌కు శ్రీ‌లంక‌న్ బ్యూటీ జాక్వెలిన్ తెలుసు. ఒకే ఒక్క `బ్యాడ్ బోయ్..` సాంగ్ తో జాకీకి వచ్చిన పాపులారిటీ అంతా ఇంతా కాదు. బాలీవుడ్‌లో అత్యంత ప్రజాదరణ పొందిన విజయవంతమైన నటీమణులలో జాక్వెలిన్ ఫెర్నాండెజ్ పేరు ప్ర‌ముఖంగా వినిపిస్తోంది. కొన్నేళ్లుగా వాణిజ్యపరంగా విజయవంతమైన చిత్రాలలో న‌టించిన జాక్విలిన్ కెరీర్ కి ఇటీవల బ్రేకులు ప‌డ్డాయి. అయితే మోసగాడు సుఖేష్ చంద్రశేఖర్ అతని మనీలాండరింగ్ కేసుతో త‌న పేరు ముడిపడి ఉండ‌డంతో ఈ చిక్కుల నుంచి బ‌య‌ట‌ప‌డ‌లేక స‌త‌మ‌త‌మ‌వుతోంది.
ఇంతకుముందు జైలు నుంచి అతడు ప్రేమ‌లేఖ‌లు రాయ‌డం ఆపాల‌ని కోర్టును ఆశ్ర‌యించింది జాక్వెలిన్. దానికి స్పందించిన సుకేష్ త‌న గుట్టు మ‌ట్లు బ‌య‌ట‌పెడ‌తాన‌ని బెదిరించిన‌ట్టు క‌థ‌నాలొచ్చాయి. ఇదే సిరీస్ లో జైలు నుంచి జాక్వెలిన్ ఫెర్నాండెజ్‌కు సుకేష్ చంద్రశేఖర్ మెసేజ్‌లు, వాయిస్‌ నోట్స్‌ పంపుతున్నట్లు ఇటీవల వార్తలు వచ్చాయి. ప్ర‌ముఖ జాతీయ మీడియాలో ఆ మేర‌కు క‌థ‌నం వచ్చింది. అయితే సుకేష్ ఇప్పుడు ఈ వాదనలను ఖండించాడు. అవి నకిలీ వార్తలు అని కొట్టి పారేసాడు. ఈ విషయంపై దర్యాప్తు చేయాలని సెంట్రల్ బ్యూరో ఆఫ్ ఇన్వెస్టిగేషన్ (సిబిఐ)ని అభ్యర్థించారు. ఈ పుకార్ల వెనుక ఉన్న వ్యక్తులపై కఠిన చర్యలు తీసుకోవాలని డిమాండ్ చేశారు. 200 కోట్ల మనీలాండరింగ్ కేసులో సుకేష్ ప్రమేయం ఉంది.
ఇంతకుముందు జాతీయ మీడియా రాసిన ఓ క‌థ‌నంలో జాక్వెలిన్‌కి సుకేష్ పంపుతున్న అన్ని సందేశాలతో త‌మ‌కు యాక్సెస్ ఉందని పేర్కొంది. వాటిలో ఒక సందేశంలో.. సుకేష్ త‌న విచారణ సమయంలో జాకీని `నలుపు కుర్తా` ధ‌రించి కనిపించమని కోరాడని స‌ద‌రు మీడియా రాసింది. 30 జూన్ 2023 నాటి మెసేజ్ గురించి ఇలా రాసింది. ``ఈ నెల 6న బేబీ, మాకు కోర్టు డేట్ ఉంది. మీరు VC ద్వారా హాజరు అయితే దయచేసి నల్ల కుర్తా ధరించండి లేదా నలుపు రంగులో ఏదైనా ధరించండి. తద్వారా మీరు నా మెసేజ్‌ల‌న్నీ చూశారని నాకు తెలుస్తుంది. మీరు న‌న్ను ప్రేమిస్తున్నారా ?? సో బేబీ అండ్ మిస్సింగ్ యు టన్ .. ఐ లవ్ యూ బేబీ గర్ల్.. నువ్వే ఎప్పటికీ నాదానివి...`` అని రాసాడు.
వేరే చాట్‌లో సుకేష్ ఆమె కోసం ఫిలింమేక‌ర్ లవ్ రంజన్‌తో ఒప్పందం కుదుర్చుకున్నట్లు కూడా పేర్కొన్నాడు. అతడు ఆ సందేశంలో ఇలా రాసాడు. ``రాబోయే రెండు వారాల్లో లవ్ రంజన్ ఒక సినిమా కోసం మిమ్మల్ని సంప్రదిస్తానని అన్నారు. నేను అతడితో ఒప్పందం కుదుర్చుకున్నాను. ఇది మీకు చాలా పెద్ద ప్రాజెక్ట్ అవుతుంది బేబీ. ఇది నా పాప నుండి వచ్చిన బహుమతి. లిల్లీస్‌తో పాటు మీ బిడ్డ కోసం నేను మీకు మెసేజ్ కార్డ్ పంపాను. అది మీకు నచ్చిందని మీరు దాన్ని చూసారని ఆశిస్తున్నాను`` అని సందేశంలో పేర్కొన్న‌ట్టు స‌ద‌రు క‌థ‌నం పేర్కొంది. కెరీర్ మ్యాట‌ర్ కి వ‌స్తే.. `సెల్ఫీ` చిత్రంలో జాక్వెలిన్ అక్షయ్ కుమార్ , ఇమ్రాన్ హష్మీతో కలిసి కనిపించింది.