సుకుమార్.. మరింత రాక్షసుడిలా..

డైరెక్టర్ సుకుమార్ గురించి టాలీవుడ్ లో ఒక టాక్ ఉంది. తన సినిమా విషయంలో ప్రతి ఫ్రేమ్, ప్రతి లైన్ కూడా పెర్ఫెక్ట్ విజువల్ గా రావాలని కోరుకుంటాడు. అసలు చిన్న పిన్ పాయింట్ కూడా మిస్ చేయడు. ప్రతి ఎమోషన్ ని చాలా క్షుణ్ణంగా విజువలైజ్ చేస్తాడు. అందుకే సుకుమార్ ని అందరూ పని రాక్షసుడు అంటారు. ప్రస్తుతం పుష్ప 2 విషయంలో కూడా అతని వర్క్ నేచర్ మరింత కాంప్లికేటెడ్ గా తయారయ్యిందంట.

పుష్ప సినిమాకి వర్క్ చేసిన ప్రతి ఒక్కరికి షూటింగ్ సమయంలో సుకుమార్ ఓ విధమైన టార్చర్ చూపించేవారంట. అదంతా అవుట్ పుట్ పెర్ఫెక్షన్ కోసమే అని ప్రత్యేకంగా చెప్పాల్సిన పని లేదు. పుష్ప సినిమాకి నేషనల్ అవార్డ్స్ రావడంతో ఇప్పుడు సీక్వెల్ విషయంలో మరింత పకడ్బందీగా చేస్తున్నాడంట. మొదటి చిత్రం కంటే భాగా రావాలని కష్టపడుతున్నట్లు తెలుస్తోంది.

ఈ సినిమాలోని ప్రతి ఒక్క సీన్ కూడా చాలా డీటెయిల్డ్ గా హైస్టాండర్డ్స్ లో విజువలైజ్ చేస్తున్నాడంట. ఆ సీన్ పెర్ఫెక్షన్ క్షణం ఎన్ని టేకులు అయిన తీసుకోవడానికి సిద్ధం అవుతున్నాడంట. అస్సలు అవుట్ పుట్ విషయంలో కాంప్రమైజ్ కావడం లేదని టాక్. పుష్ప సినిమాకి వర్క్ చేసిన వారికి ఎంత పేరు వచ్చిందో దానికి రెట్టింపు గుర్తింపు పుష్ప 2 మూవీలో చేసేవారికి వచ్చే అవకాశం ఉందంట.

ఈ స్థాయిలో క్వాలిటీ, డీటెయిల్డ్ గా కథని సిల్వర్ స్క్రీన్ పై ఆవిష్కరించే ప్రయత్నం చేస్తూ ఉండటం వలన ఈ మూవీ షూటింగ్ ఆలస్యం అవుతోంది. అయితే రిలీజ్ డేట్ వచ్చే ఏడాది ఆగష్టుకి ఫిక్స్ చేయడంతో సినిమాని కంప్లీట్ చేయడానికి కావాల్సినంత టైం ఉంది. అందుకే సుకుమార్ పని రాక్షసుడిలా మారిపోయి పుష్ప 2ని ఆవిష్కరించే ప్రయత్నం చేస్తున్నారంట.

మరి సుకుమార్ కష్టానికి ఈ సీక్వెల్ ఎలాంటి రిజల్ట్ ఇస్తుందనేది ఇప్పుడు ఆసక్తికరంగా మారింది. అల్లు అర్జున్ కి మొదటి సారి తెలుగులో నేషనల్ అవార్డు వరించింది. దీంతో బన్నీ కూడా పుష్ప 2 విషయంలో చాలా పాషనేట్ గా ఉన్నారు. కచ్చితంగా ఈ సీక్వెల్ తో వెయ్యి కోట్ల కలెక్షన్స్ కొల్లగొట్టాలని టార్గెట్ గా పెట్టుకున్నారు.