జక్కన్న నుంచి సుమక్క కొడుకు ఫస్ట్​ లుక్​

సినీ ప్రముఖులు రాజీవ్‌ కనకాల, యాంకర్​ సుమ కనకాల తనయుడు రోషన్‌ కథానాయకుడిగా #BG అనే ఓ చిత్రం తెరకెక్కుతున్న సంగతి తెలిసిందే. క్షణం, కృష్ణ అండ్ హిజ్ లీల్​ ఫేమ్​ డైరెక్టర్​ రవి కాంత్ పరేపు ఈ చిత్రాన్ని తెరకెక్కిస్తున్నారు. తాజాగా ఈ సినిమా నుంచి ఓ అప్డేట్​ బయటకు వచ్చింది.

ఈ సినిమా ఫస్ట్​ లుక్​ రిలీజ్​కు టైమ్​ ఫిక్స్​ చేశారు మేకర్స్​. దీనిని దర్శక ధీరుడు రాజమౌళి రిలీజ్ చేయడం విశేషం. ఈ విషయాన్ని తెలుపుతూ మూవీటీమ్​ ఓ ప్రీ లుక్​ కాన్సెప్ట్ పోస్టర్​ను కూడా రిలీజ్ చేసింది. బ్లాక్​ కలర్​ షేడ్​లో డిజైన్​ చేసిన ఈ పోస్టర్​లో హీరో హీరోయిన్​ను గట్టిగా హత్తుకున్నట్లు చూపించారు. అలాగే ఇద్దరు ఒకే చీవింగ్ గమ్​ను నమిలేలా చూపించారు. దీన్ని బట్టి సినిమాలో మంచి రొమాన్స్​ కెమిస్ట్రీ ఉండబోతున్నట్లు అర్థమవుతోంది.

మహేశ్వరి మూవీస్‌ బ్యానర్​పై ప్రొడక్షన్ నెం.1‌గా ఈ సినిమా రూపుదిద్దుకుంటోంది. పి.విమల నిర్మాతగా వ్యవహరిస్తున్నారు. కొత్తతరం రొమాంటిక్‌ కామెడీ చిత్రమిది. ఇక ఈ సినిమాలో రాజీవ్‌ కనకాల ట్రెండీ అవతారంలో కనిపిస్తారని సినీ వర్గాల నుంచి టాక్ వినిపిస్తోంది.

కాగా, గతంలో రోషన్ కనకాల పుట్టినరోజు సందర్భంగా.. డీజేగా వైబ్రెంట్ అవతార్‌లో ఉన్న రోషన్ కనకాల పోస్టర్‌ను విడుదల చేసింది మూవీటీమ్​. ఆ పోస్టర్‌లో రోషన్ గిరజాల జుట్టు, సన్ గ్లాసెస్‌తో, DJ సిస్టమ్‌లో మ్యూజిక్ ప్లే చేస్తూ హెడ్‌సెట్ ధరించి ట్రెండీగా కనిపించి ఆకట్టుకున్నారు.

ఇకపోతే సినిమా కోసం ఎక్స్​పీరియన్స్​ పర్సన్సే పనిచేస్తున్నారు. శ్రీచరణ్‌ పాకాల - సంగీతం అందిస్తున్నారు. సురేశ్​ రగుటు. నిషాద్ యూసప్​ ఎడిటర్​గా వ్యవహరిస్తున్నారు. శివమ్​ రావ్​ ప్రొడక్షన్ డిజైన్ చూసుకుంటున్నారు. కథను రవికాంత్​ పరేపు, విష్ణు కొండూరు, సెరీ గన్నీ కలిసి అందించారు. స్క్రీన్ ప్లే కన్సల్​టెంట్​ - వంకీ కృష్ణ, క్రియేటివ్ ప్రొడ్యూసర్ దివ్య విజయ్​, ఎక్స్​క్యూటివ్​ ప్రొడ్యూసర్​ మధులిక సంచన లంక.