పిక్‌ టాక్‌ : స్టార్ హీరో పిల్లలు ఎంత వారు అయ్యారో చూడండి
తమిళ్ స్టార్ హీరో సూర్య, హీరోయిన్ జ్యోతిక సినిమాలతో బిజీ బిజీగా ఉన్నారు.
తమిళ్ స్టార్ హీరో సూర్య, హీరోయిన్ జ్యోతిక సినిమాలతో బిజీ బిజీగా ఉన్నారు. ప్రేమ వివాహం చేసుకున్న వీరు ఇటీవల ముంబై షిప్ట్‌ అవ్వడం చర్చనీయాంశం అయిన విషయం తెల్సిందు. మొదట జ్యోతిక మాత్రమే ముంబై కి షిఫ్ట్‌ అయిందని, సూర్య తో దూరంగా ఉంటుందనే వార్తలు వచ్చాయి. ఇద్దరి మధ్య విభేదాల కారణంగా విడిపోయి దూరంగా ఉంటున్నారు అంటూ ప్రచారం జోరుగా సాగింది. ఆ వార్తలు నిజం కాదని పలు సార్లు వీరిద్దరూ చెప్పారు. ప్రస్తుతం జ్యోతిక ముంబైలో ఉంటున్న మాట వాస్తవం. కానీ ఆమె తన తల్లిదండ్రులకు దగ్గర ఉండటంతో పాటు, తన జీవితాన్ని కొత్తగా ఆరంభించడం కోసం అక్కడ ఉంటుందని స్వయంగా సూర్య ప్రకటించారు.
నెలలో 10 రోజులు తాను ముంబై వెళ్తాను, 20 రోజులు సినిమాల షూటింగ్‌ కోసం చెన్నైలో ఉంటాను అంటూ సూర్య కంగువా సినిమా ప్రమోషనల్‌ ఇంటర్వ్యూలో చెప్పుకొచ్చాడు. సూర్య ఇద్దరు పిల్లలు ప్రస్తుతం ముంబైలో చదువుకుంటున్నారు. వారి చదువు కోసం కూడా ముంబైకి వెళ్లాల్సి వచ్చిందని సూర్య ఆ ఇంటర్వ్యూలో పేర్కొన్నాడు. గతంలో పలు సార్లు సూర్య దంపతులు తమ పిల్లలతో కలిసి దిగిన ఫోటోలు వైరల్‌ అయ్యాయి. ఈ మధ్య కాలంలో ఆ ఇద్దరు పిల్లలు ఎలా అయ్యారు అనేది తెలయదు. వారి ఫోటోలను సూర్య కానీ, జ్యోతిక కానీ సోషల్ మీడియాలో షేర్ చేయలేదు. దాంతో ఇద్దరు ఇప్పుడు ఎలా ఉన్నారా అంటూ సూర్య ఫ్యాన్స్ తో పాటు అంతా ఆసక్తిగా చూస్తూ ఉన్నారు.
ఎట్టకేలకు సూర్య దంపతులు తమ పిల్లల ఫోటోలను సోషల్ మీడియా ద్వారా పంచుకున్నారు. పండుగ సందర్భంగా ఫ్యామిలీ మొత్తం ఇలా ఫోటోలకు ఫోజ్‌ ఇచ్చి ఫ్యాన్స్ కి కన్నుల విందు చేయడం జరిగింది. సూర్య తనయుడు పెద్ద వాడు అయ్యాడని, ఒకటి రెండేళ్లలో సినిమాల్లో హీరోగాను నటించే అవకాశాలు ఉన్నాయని ఫోటోలు చూస్తూ నెటిజన్స్‌ కామెంట్స్ చేస్తూ ఉన్నారు. చిన్న పిల్లలుగా ఉన్న వీరు అంతలో ఇంత అయ్యారా అంటూ కొందరు షాక్‌ అవుతున్నారు. మొత్తానికి సూర్య ఫ్యామిలీ మొత్తం ఇలా సింగిల్‌ ఫ్రేమ్‌ లో కనిపించడంతో ఫ్యాన్స్ కి కన్నుల విందు అన్నట్లుగా ఉంది. ప్రస్తుతం ఈ ఫోటోను నెటిజన్స్‌ తెగ షేర్ చేస్తూ ఉన్నారు.
సూర్య ప్రస్తుతం కంగువా సినిమా ప్రమోషన్‌ లో బిజీగా ఉన్నాడు. శివ దర్శకత్వంలో రూపొందిన కంగువా సినిమాను తమిళ్ తో పాటు పాన్ ఇండియా భాషల్లో భారీ ఎత్తున విడుదల చేయబోతున్నారు. పలు విదేశీ భాషల్లోనూ సినిమాను విడుదల చేయడం కోసం ఏర్పాట్లు జరుగుతున్నాయి అంటూ చిత్ర యూనిట్‌ సభ్యుల నుంచి సమాచారం అందుతోంది. తెలుగు లో ఈ సినిమాను యూవీ క్రియేషన్స్ వారు భారీ ఎత్తున విడుదల చేయబోతున్నారు. నవంబర్‌ 14న విడుదల కాబోతున్న ఈ సినిమాలో సూర్య కు జోడీగా దిశా పటానీ హీరోయిన్ గా నటించగా బాలీవుడ్‌ స్టార్ నటుడు బాబీ డియోల్‌ కీలక పాత్రలో నటించాడు. తమిళ బాహుబలి అంటూ కంగువా ను అక్కడి మీడియా వారు ప్రచారం చేస్తున్నారు. మొదటి వెయ్యి కోట్ల సినిమాగా ఈ సినిమా నిలుస్తుందా అనేది చూడాలి.