సూర్య 45.. ఇక సౌండ్ మొదలు..

కోలీవుడ్ స్టార్ హీరో సూర్య.. రీసెంట్ గా కంగువా మూవీతో ప్రేక్షకుల ముందుకు వచ్చిన విషయం తెలిసిందే. సిరుత్తై శివ దర్శకత్వం వహించిన ఆ సినిమా.. ఆడియన్స్ ను అనుకున్న స్థాయిలో మెప్పించలేకపోయింది. పీరియాడికల్ యాక్షన్ డ్రామాగా రూపొందిన ఆ మూవీ.. సినీ ప్రియులు పెట్టుకున్న భారీ అంచనాలను అందుకోలేకపోయింది.

అయితే బ్యాక్ టు బ్యాక్ ప్రాజెక్టులను లైన్ లో పెట్టిన సూర్య.. ఇప్పుడు తన అప్ కమింగ్ చిత్రాల పై ఫోకస్ పెట్టారు. ఇప్పటికే కార్తీక్ సుబ్బరాజు దర్శకత్వం వహిస్తున్న సూర్య 44 షూటింగ్ ను పూర్తి చేశారు. ఇప్పుడు ఆర్జే బాలాజీతో చేయాల్సిన సినిమా కోసం రంగంలోకి దిగనున్నారు. ఫాంటసీ డివైన్ ఫిల్మ్ గా ఆ మూవీ రూపొందనున్నట్లు ఇప్పటికే అనౌన్స్మెంట్ ద్వారా క్లారిటీ వచ్చేసింది.

తాజాగా సూర్య 45 మూవీ పూజా కార్యక్రమాలు జరిగాయి పొల్లాచ్చిలో మాసాని అమ్మన్‌ ఆలయంలో పూజా సెర్మనీ నిర్వహించారు మేకర్స్. అందుకు సంబంధించిన పిక్స్, వీడియోస్ సోషల్ మీడియాలో వైరల్ అయ్యాయి. గురువారం నుంచి షూటింగ్ మొదలు కానున్నట్లు తెలుస్తోంది. అందుకు గాను కోయంబత్తూరు అగ్రికల్చర్‌ కాలేజీలో సెట్స్ వేస్తున్నట్లు టాక్.

అయితే మూవీలో సీనియర్ బ్యూటీ త్రిష హీరోయిన్ గా నటిస్తున్నట్లు కొద్ది రోజులుగా వార్తలు వస్తున్నాయి. ఆమెనే ఫిక్స్ చేసినట్లు తెలుస్తోంది. ఇప్పటికే సూర్య, త్రిషది సూపర్ హిట్ జోడీ అన్న విషయం తెలిసిందే. వీరు కలిసి యాక్ట్ చేసిన మౌనం పేసియాదే, ఆరు మూవీస్.. సినీ ప్రియులను తెగ మెప్పించాయి. ఇప్పుడు దాదాపు 20 ఏళ్ల తర్వాత సూర్య, త్రిష కలిసి మళ్లీ నటించనున్నారన్నమాట.

త్రిషతోపాటు మరో హీరోయిన్ గా సప్త సాగరాలు దాటి ఫేమ్ రుక్మిణీ వసంత్ నటిస్తున్నట్లు సమాచారం. కశ్మీరా పరదేశీ కీలక పాత్రలో సందడి చేయనున్నట్లు తెలుస్తోంది. ఆస్కార్ అవార్డ్‌ విన్నర్ రెహమాన్‌ మ్యూజిక్ తోపాటు బ్యాక్ గ్రౌండ్ స్కోర్ అందిస్తున్నారు. 24 మూవీ తర్వాత సూర్య, రెహమాన్‌ కాంబో రిపీట్ కావడంతో ఆడియెన్స్ లో అంచనాలు అమాంతం పెరిగిపోతున్నాయి.

అయితే సూర్య 45 డైరెక్టర్ ఆర్జే బాలాజీ విషయానికొస్తే.. రేడియో జాకీగా కెరీర్‌ ను స్టార్ట్ చేసిన ఆయన ఓ మల్టీ టాలెంటెడ్. యాక్టర్ గా, సింగర్ గా, దర్శకుడిగా తన టాలెంట్ ఏంటో ప్రూవ్ చేసుకున్నారు. నయనతార లీడ్ రోల్ లో అమ్మోరు తల్లి మూవీ తీసి మంచి విజయాన్ని అందుకున్నారు. ఆ తర్వాత వీట్ల విశేషం మూవీతో మరో హిట్ సొంతం చేసుకున్నారు. ఇప్పుడు సూర్యతో వర్క్ చేస్తున్నారు. మరి హ్యాట్రిక్ రిపీట్ చేస్తారో లేదో వేచి చూడాలి.