అన్నీ ప్ర‌తికూలంగా ఉన్నా ఇంటికి ఫోన్ చేయ‌లేదు: తాప్సీ

తాప్సీ పన్నూని త‌ల‌వ‌గానే రెండు విషయాలు గుర్తుకొచ్చాయి. తెరపై తాను పోషించే బలమైన పాత్రలు ఒక కోణం అనుకుంటే.. ప్ర‌త్య‌ర్థుల విష‌యంలో రెబ‌ల్‌లా ప్ర‌వ‌ర్తించే స్వ‌భావం మ‌రో కోణం. దీన‌ర్థం తాప్సీ దృఢమైన వ్య‌క్తి అని చాలా స్పష్టంగా తెలుస్తుంది. ఏది ఏమైనా కానీ మరొక ఆసక్తికరమైన గుణం తాప్సీ త‌న వృత్తిలో క‌న‌బ‌రిచే శ్రద్ధ. చాలా వాస్తవికంగా, చాలా నిజాయితీగా మాట్లాడుతుంది తాప్సీ.

ఇప్పుడు కాస్మోపాలిట‌న్ క‌వ‌ర్ పేజీపై ద‌ర్శ‌న‌మిచ్చిన తాప్సీ మ్యాగ‌జైన్ ఇంట‌ర్వ్యూలో త‌న కాలేజ్ డేస్ (15-20 వ‌య‌సులో) ని త‌ల‌చుకుంది. తన‌ను కాలేజీలో అబ్బాయిలు ఎక్కువగా ఇష్ట‌ప‌డేవార‌ని తెలిపింది. అయితే అప్ప‌ట్లో ఫ్యాష‌న్ సెన్స్ ప‌రంగా ఏది స్టైలిష్‌, ఏది కాదో కూడా నేను పట్టించుకోలేదని తెలిపింది. నేను బ్యాగీ ప్యాంట్లు, వదులుగా ఉన్న షర్టులను భయంకరంగా ధరించాను. నాకు మాత్రం `ఈ లుక్ కూల్ గా ఉంది` అనిపించింది. కాబట్టి కూల్ నెస్ గురించి నా ఆలోచన నా వయస్సులోని ఇతర అమ్మాయిలలో క‌నిపించ‌దు.. అని తెలిపింది.

త‌ర్వాత 20-30 దశాబ్దం వచ్చింది. ఈ వ‌య‌సులో నేను ఎవరు, నాకు ఏది ఇష్టం, ఏది ఇష్టం లేదు? వంటివి ఆలోచించేదానిని. పాఠశాల నుండి కళాశాలకు వెళుతున్న రోజులు గ‌మ్మ‌త్త‌యిన‌వి. మ‌నం జీవితాన్ని తగినంతగా చూడలేదు లేదా ఏం చేయాలనుకుంటున్నామ‌నే దాని గురించి నిర్ణయం తీసుకోవడానికి తగినంత ప్రయాణం చేయలేదు.. కానీ మ‌నం ఇంకా మ‌న మార్గాన్ని ఎంచుకోవాలి. ఇది మన వ్యవస్థలో సమస్యగా ఉంద‌ని నేను భావిస్తున్నాను.. అని తాప్సీ తెలిపింది.

ఆ సమయంలో సాధారణంగా జీవితం గురించి నాకు పెద్దగా తెలియదు. నేను ఒక దిశను కనుగొనడానికి ప్రయత్నిస్తున్న కాల‌మ‌ది.. అలాగే ఆ వ‌య‌సులో అందరూ మ‌న‌ల్ని చాలా భయపెడ‌తారు. సరిగ్గా ఏదీ జరగకపోతే చాలా సంవత్సరాల విలువైన స‌మ‌యాన్ని కోల్పోతామని భ‌య‌పెడుతుంటారు. నేను నా 20 ఏళ్ళ వ‌య‌సులో దక్షిణాది సినీప‌రిశ్ర‌మ‌లో పని చేస్తున్నాను.. పరిస్థితులు నిజంగా నాకు అనుకూలంగా లేనందున చాలా ఆలోచిస్తున్నాను.. కానీ న‌టిగా కెరీర్ వ‌ర్క‌వుట్ కాలేద‌ని మా ఇంటికి ఫోన్ చేసి మాట్లాడాలా? నా హృదయం- మనస్సు ఏకం కానందున‌ నేను ప‌రిశ్ర‌మ‌లో చేస్తున్న‌ ఈ పనులను ఆనందించలేక‌పోయాను...

కానీ నేను చాలా భయపడ్డాను.. ఎందుకంటే నేను ఈ వృత్తిని ఎంచుకునే నిర్ణయం తీసుకున్నాను. ఇప్పుడు నేను వెనక్కి వెళితే నా సమాజంలో ఇబ్బంది పడతానా? నేను నిజంగా కోరుకున్న ప‌రిశ్ర‌మ‌లోకి వచ్చానని భావించేప్ప‌టికి నాకు 30 ఏళ్లు. ఇప్పుడు నేను జీవితాన్ని.. నన్ను నేను బాగా అర్థం చేసుకున్నాను...ఇప్పుడు నేను స్పష్టమైన నిర్ణయాలు తీసుకోగలను. ఇతర వ్యక్తుల ప్రభావం మ‌న‌పై ఉండకూడదని గ్ర‌హించాను. ఈ స్వీయ-సాక్షాత్కారం నా 30 ఏళ్లలో నాకు రావడం ప్రారంభమైంది.. అని తాప్సీ తెలిపింది.