ఎన్టీఆర్ పై గదర్ 2 డైరెక్టర్ ఫోకస్

యంగ్ టైగర్​ ఎన్టీఆర్‌పై ప్రశంసల వర్షం కురిపించారు బాలీవుడ్‌ స్టార్​ దర్శకుడు అనిల్‌ శర్మ. రీసెంట్​గా ఆయన 'గదర్‌ 2' బాక్సాఫీస్ దగ్గర ఇండస్ట్రీ హిట్​ను అందుకున్నారు. ఈ సందర్భంగా తాజాగా ఓ ఇంటర్వ్యూలో పాల్గొన్న ఆయన.. నేటి తరం హీరోలతో.. గదర్​లోని హీరో సన్నీ దేఓల్​ నటించిన తారాసింగ్‌ పాత్రకు ఎన్టీఆర్‌ మాత్రమే సరిపోతారని, ఆయన మాత్రమే బాగా చేయగలరని ప్రశంసల వర్షం కురిపించారు.

బాలీవుడ్‌లో సీరియస్‌ యాక్షన్‌ అండ్​ ఫీల్‌గుడ్‌ ఎమోషనల్‌ ఫిల్మ్స్​ను అనిల్‌ శర్మ బాగా తీస్తారన్న మంచి పేరు ఉంది. అయితే ఆయన దర్శకత్వం వహించిన 'గదర్‌ ఏక్‌ ప్రేమ్‌ కథ' 2001లో బాక్సాఫీస్‌ వద్ద ఘన విజయాన్ని అందుకున్న సంగతి తెలిసిందే. అందులో సన్నీ దేఓల్‌.. తారాసింగ్‌ పాత్రలో తన నట విశ్వరూపాన్ని చూపించి ప్రేక్షకుల ప్రశంసలను దక్కించుకున్నారు.

ఇప్పుడీ చిత్రానికే సీక్వెల్‌గా దాదాపు 22 ఏళ్ల తర్వాత 'గదర్‌ 2'తో ఆడియెన్స్​ ముందుకు వచ్చారు అనిల్​. గత నెలలో విడుదలైన ఈ చిత్రం దాదాపు రూ.500 కోట్ల కలెక్షన్లను అందుకుంది. పాక్‌ చెరలో బందీ అయిన తన కొడుకును విడిపించుకోవడానికి తారాసింగ్‌ ఎలాంటి యుద్ధం చేశాడు? అనే పాయింట్​తో దేశభక్తి సినిమాగా వచ్చింది.

అయితే తాజా ఇంటర్వ్యూలో 'గదర్‌ 3' గురించి ప్రశ్న రాగా.. ప్రస్తుతానికి తనకు ఆ ఆలోచన లేదని క్లారిటీ ఇచ్చారు. ప్రస్తుత తరంలో తారా సింగ్​ పాత్రను ఎవరు బాగా చేయగలరు అని అడగగా.. "తారాసింగ్‌ పాత్రకు న్యాయం చేయగలిగే హీరోలు బాలీవుడ్‌లో లేరని నా అభిప్రాయం. దక్షిణాది విషయానికొస్తే.. జూనియర్​ ఎన్టీఆర్ సహా పలువురు చేయగలరు" అని పేర్కొన్నారు.

ఆల్ టైమ్ ఇండస్ట్రీ హిట్ డైరెక్టర్ అనిల్ శర్మ చేసిన ఈ కామెంట్స్​ ఎన్టీఆర్​కు హ్యూజ్​ కాంప్లిమెంట్ అనే చెప్పాలి. ఇక ఈ కామెంట్స్​ నెటింట్లో వైరల్​ కాగా.. ఎన్టీఆర్ అభిమానులు అందరూ తెగ సంబరపడిపోతున్నారు. ఇకపోతే.. 'ఆర్ఆర్ఆర్‌' తర్వాత ఎన్టీఆర్‌కు వరల్డ్​ వైడ్​గా క్రేజ్‌ పెరిగిన సంగతి తెలిసిందే. ప్రస్తుతం తారక్​.. కొరటాల శివ దర్శకత్వంలో 'దేవర' సినిమా చేస్తున్నారు.