స‌న్న‌జాజి తీగ పోలీస్ ఫోర్స్‌కి బ‌లం

స‌న్న‌జాజి తీగ‌లా ఉన్న శిల్పా శెట్టి రోహిత్ శెట్టి కాప్ విశ్వంలో చేర‌డం ఆస‌క్తిని క‌లిగిస్తోంది. ఇండియ‌న్ పోలీస్ ఫోర్స్ వెబ్ సిరీస్ కి శిల్పా ప్ర‌ధాన అస్సెట్ అన‌డంలో సందేహం లేదు. ఇంత‌కుముందు విడుద‌లైన ఇండియ‌న్ పోలీస్ ఫోర్స్ టీజ‌ర్ ఆక‌ట్టుకుంది. ఇందులో సిద్ధార్థ్ మ‌ల్హోత్రా-వివేక్ ఒబెరాయ్- శిల్పాశెట్టి పోలీస్ ఫోర్స్ స‌భ్యులుగా ఉన్నారు. ఇక ఈ సిరీస్ ప్ర‌మోష‌న్స్ లో శిల్పాశెట్టి స‌న్న‌జాజి తీగ‌ను త‌ల‌పిస్తూ మ‌తులు చెడ‌గొడుతోంది. ఇటీవ‌ల టీజ‌ర్ లాంచ్ సంద‌ర్భంగా ఇంట‌ర్వ్యూల్లో శిల్పాజీ మెరుపులు మెరిపిస్తోంది.

`ఇండియన్ పోలీస్ ఫోర్స్`లో సిద్ధార్థ్ మల్హోత్రా, వివేక్ ఒబెరాయ్‌లతో కలిసి పనిచేసిన అనుభవాన్ని శిల్పాశెట్టి షేర్ చేసారు. శిల్పా ఈరోజు ఇన్‌స్టాగ్రామ్‌లో `ఆస్క్ మి ఎనీథింగ్` సెషన్‌ను నిర్వహించారు. ఈ వేదిక‌పై స‌హ‌చ‌రుల‌తో కలిసి పనిచేసిన అనుభవం గురించి ఒక అభిమాని శిల్పాను అడిగారు. దానికి శెట్టి స్పందిస్తూ, ``ఇది అద్భుతమైన అనుభవం. నటులు సిధ్ - వివేక్‌లతో నా మొదటి ప్రాజెక్ట్ ఇది. ఆ ఇద్ద‌రూ చాలా భిన్నమైనవారు. సిద్ కామ్ సే కామ్ రఖ్తా హై. కానీ మీరు చూసేది అతనితో ఏమి పొందుతారో.. సిధ్ స్విచ్ ఆన్ - స్విచ్ ఆఫ్ చేయగలిగే గుణాన్ని ఇష్టపడతాను`` అని తెలిపింది. వివేక్ గురించి ఆమె మాట్లాడుతూ, ``వివేక్ నేను ఒకరికొకరు చాలా సంవత్సరాలుగా తెలుసు. మేం కలిసి కూర్చుని మాట్లాడుకుంటాము. కానీ ఆ ఇద్దరు స్టార్ల‌తో స్థిరంగా ఉండే ఒక విషయం ఏమిటంటే.. వారు నేను అడిగిన వాటిని అందించారు. మేం ముగ్గురం క‌వ‌ల‌ల త‌ర‌హాలో గొప్ప కెమిస్ట్రీని క‌లిగి ఉన్నామ‌ని భావిస్తున్నాను..`` అని అన్నారు

ఇండియ‌న్ పోలీస్ ఫోర్స్ సిరీస్ కి రోహిత్ శెట్టి - సుశ్వంత్ ప్రకాష్ దర్శకత్వం వహించారు. ఏడు ఎపిసోడ్ల యాక్షన్-ప్యాక్డ్ సిరీస్ భారతీయ పోలీసుల క‌థ‌ల‌తో ర‌న్ అవుతుంది. దేశంలోని భారతీయ పోలీసు అధికారుల నిస్వార్థ సేవ, షరతులు లేని నిబద్ధత.. ప్ర‌జ‌ల్ని సురక్షితంగా ఉంచడానికి వారి కాల్ ఆఫ్ డ్యూటీలో అన్నింటినీ లైన్‌లో ఉంచ‌గ‌లిగే తీవ్రమైన దేశభక్తికి ఈ సిరీస్ నివాళి.

టీజర్ ప్ర‌కారం.. ఈ కాప్ డ్రామా బాంబు పేలుళ్ల వెనుక ఉన్న సూత్రధారుల చుట్టూ తిరుగుతుంది. శ‌క్తివంత‌మైన పోలీసులు నగరాన్ని బెదిరింపుల నుండి రక్షించడానికి ఏం చేసార‌న్న‌ది తెర‌పై చూడాలి.

తన సినిమాలలో అప‌రిమితంగా కార్లను ఉపయోగించడంలో పేరుగాంచిన రోహిత్ శెట్టి తన సిగ్నేచర్ స్టైల్‌ను `ఇండియన్ పోలీస్ ఫోర్స్`కి కూడా జోడించాడు. గాల్లో ఎగిరే వాహ‌నాల‌ను అత‌డు టీజ‌ర్ లో చూపించాడు. జనవరి 19న ప్రైమ్ వీడియోలో విడుదల కానున్న ‘ఇండియన్ పోలీస్ ఫోర్స్’లో శ్వేతా తివారీ, నికితిన్ ధీర్, రితురాజ్ సింగ్, ముఖేష్ రిషి, లలిత్ పరిమూ కూడా కీలక పాత్రల్లో కనిపించనున్నారు.

ఇదే కాకుండా వి రవిచంద్రన్, సంజయ్ దత్‌తో కలిసి సత్యవతిగా `కెడి-ది డెవిల్`లో కూడా శిల్పాశెట్టి నటిస్తుంది. ఈ పాన్-ఇండియా బహుభాషా చిత్రం తమిళం, కన్నడ, తెలుగు, మలయాళం మరియు హిందీలో విడుదల కానుంది.