గురూజీ మీ లెక్క ఆ న‌లుగురేనా?

త్రివిక్ర‌మ్ డైరెక్ట్ చేసేది ఆనలుగురినేనా? ప‌వ‌న్ క‌ళ్యాణ్‌..మ‌హేష్ ...ఎన్టీఆర్..బ‌న్నీ అనే న‌లుగురు హీరోల కంప‌ర్ట్ జోన్ లోనే గురూజీ ఉన్నారా? ఆ జోన్ దాటి బ‌య‌ట‌కు వ‌చ్చే అవ‌కాశం లేదా? అవును ఇప్పుడీ ప్ర‌శ్న‌లే మిగ‌తా హీరోల అభిమానుల్ని తొలిచేస్తున్నాయి. 20 ఏళ్ల కెరీర్ లో త్రివిక్ర‌మ్ ఈ నులుగురు హీరోల‌తోనే సినిమాలు చేసారు. మ‌రో హీరో ఎవ‌రైనా ఉన్నారా? అంటే యూత్ స్టార్ నితిన్ క‌నిపిస్తాడు. అత‌న్ని 'అఆ' సినిమాతో తెర‌కెక్కించాడు.

నితిన్..ప‌వ‌న్ కి వీరాభిమాని కావ‌డంతోనే అది సాధ్య‌మైంది? అన్న‌ది కొంద‌రి అభిప్రాయం. లేదంటే? నితిన్ ని డైరెక్ట్ చేసే ఛాన్స్ లేద‌ని ఓ విమ‌ర్శ వినిపిస్తుంది. త్రివిక్ర‌మ్ త‌దుపరి డైరెక్ట్ చేసే లిస్ట్ కూడా రెడీగా ఉంది. ప్ర‌స్తుతం సూప‌ర్ స్టార్ మ‌హేష్ హీరోగా 'గుంటూరు కారం' తెరకెక్కిస్తున్నాడు. ఇది పూర్తికాగానే..బ‌న్నీ 'పుష్ప‌-2' ముగించుకుని బ‌య‌ట‌కు రాగానే అత‌నితో త‌దుప‌రి ప్రాజెక్ట్ ప‌ట్టాలెక్కు తుంది. ఇప్ప‌టికే అధికారిక ప్ర‌క‌ట‌న కూడా వ‌చ్చేసింది.

ఆ త‌ర్వాత గురూజీ యంగ్ టైగ‌ర్ ఎన్టీఆర్ తో సినిమా చేస్తాడ‌ని వినిపిస్తుంది. మ‌రి గురూజీ ఈన‌లుగురు చుట్టూనే తిరిగితే మిగ‌తా హీరోల ప‌రిస్థితి ఏంటి? ఆయ‌న దర్శ‌క‌త్వంలో సినిమాలు చేయాల‌ని చిరంజీవి.. నాగార్జున‌. .వెంకటేష్ లాంటి సీనియ‌ర్ హీరోల‌తో పాటు చాలా మంది యంగ్ హీరోలు ఆశ‌ప‌డుతున్నారు. ఇంత‌వ‌ర‌కూ పాన్ ఇండియా స్టార్ ప్ర‌భాస్ ని డైరెక్ట్ చేసిందిలేదు. ఆ కాంబినేష‌న్ లో సినిమా వ‌స్తుంద‌ని క‌నీసం పుకారు కూడా లేదు.

అలాగే మెగా ప‌వ‌ర్ స్టార్ రామ్ చ‌ర‌ణ్ కూడా ఆ ఛాన్స్ రాలేదు. చిరంజీవి లాంటి స్టార్ గురూజీ తో సినిమా చేయాల‌ని ఉంది? అడిగినా ఆయ‌న మాత్రం ఇంకా ముందుకొచ్చిన స‌న్నివేశం క‌నిపించ‌లేదు. మ‌రి ఇలా ఎందుకు జ‌రుగుతుంది. త్రివిక్ర‌మ్ వాళ్ల చుట్టూనే ఎందుకు తిరుగుతున్నాడు? కంప‌ర్ట్ జోన్ వ‌దిలి ఎందు కు బ‌య‌ట‌కు రావ‌డం లేద‌న్న‌ది ఆ పెరుమాళ్ల‌కే తెలియాలి.