గుంటూరు కారం.. త్రివిక్రమ్ వర్క్ ఎలా ఉంటుందో చూశారా?
సూపర్ స్టార్ మహేశ్ బాబు ఫ్యాన్స్ ఎదురుచూస్తున్న రోజు దగ్గరకు వచ్చేసింది. సంక్రాంతి కానుకగా జనవరి 12వ తేదీన గుంటూరు కారం గ్రాండ్‌గా రిలీజ్ కానుంది.
సూపర్ స్టార్ మహేశ్ బాబు ఫ్యాన్స్ ఎదురుచూస్తున్న రోజు దగ్గరకు వచ్చేసింది. సంక్రాంతి కానుకగా జనవరి 12వ తేదీన గుంటూరు కారం గ్రాండ్‌గా రిలీజ్ కానుంది. త్రివిక్రమ్ దర్శకత్వంలో వస్తున్న ఈ సినిమా మాస్ మసాలా కంటెంట్‌ తో తెరకెక్కింది. చాలా రోజుల తర్వాత సూపర్ స్టార్ మాస్ లుక్‌ లో కనిపించనుండడంతో.. ఫాన్స్ ఈగర్‌ గా వెయిట్ చూస్తున్నారు.
ఎప్పుడు ప్రీమియర్లు షోలు పడతాయా? అని మహేశ్ అభిమానులు వెయ్యి కళ్లతో ఎదురుచూస్తున్నారు. అయితే సినిమా విడుదలకు మరికొంత సమయం ఉండడంతో.. ఈ గ్యాప్‌ లో చిత్ర యూనిట్ మరో అప్డేట్ ఇచ్చి అభిమానులను ఖుషీ చేసింది. మేకింగ్ ఆఫ్ గుంటూరు కారం పేరుతో మూవీ మేకింగ్ వీడియోను షేర్ చేసింది.
సినిమా షూటింగ్ లో టీమ్ చేసిన హార్డ్ వర్క్ ఈ వీడియోలో చూపించారు మేకర్స్. శ్రీలీల, త్రివిక్రమ్ నవ్వులు.. మహేశ్ బాబు డైలాగ్స్, ఫైట్ సీన్స్ హైలైట్‌ గా నిలిచాయి. మహేశ్ చాలా స్టైలిష్‌ గా, ఇదివరకెన్నడూ కనిపించని మాస్ లుక్‌లో అదరగొట్టారు. ఏంటి అట్టా చూస్తున్నావ్.. బీడీ త్రీడీలో కనబడుతుందా అని మహేశ్ చెప్పిన డైలాగ్ అదిరిపోయింది.
ఈ వీడియోలో మహేశ్ ఎనర్జీ ఫ్యాన్స్ ను ఫిదా చేస్తోంది. ఫైటింగ్ సీన్స్ చిత్రీకరణలో మహేశ్ కొత్త లుక్‌ లో కనిపించారు. మాస్ ప్రేక్షకులకు మరింత నచ్చేలా ఉంది సూపర్ స్టార్ కొత్త గెటప్. ఈ మేకింగ్ వీడియో చూస్తే మహేశ్ ఆట, పాట మామూలుగా ఉండదనిపిస్తోంది. వీడియో చూసిన అభిమానులు తెగ సంబరపడిపోతున్నారు.
ఇక సినిమా విషయానికొస్తే.. మహేశ్ సరసన శ్రీలీల, మీనాక్షి చౌదరి హీరోయిన్లుగా నటించారు. రమ్యకృష్ణ, ప్రకాశ్ రాజ్‌, జగపతి బాబు కీలక పాత్రలను పోషించారు. హారిక అండ్ హాసిని క్రియేషన్స్ బ్యానర్‌ పై ఎస్‌ రాధాకృష్ణ (చినబాబు) నిర్మించిన ఈ సినిమాపై భారీ అంచనాలు నెలకొన్నాయి.
ఈ మూవీ నుంచి విడుద‌ల అయిన ట్రైల‌ర్‌తో పాటు సాంగ్స్ యూట్యూబ్‌లో రికార్డు వ్యూస్‌తో దూసుకుపోతున్నాయి. రెండు రోజుల క్రితం జరిగిన ప్రీ రిలీజ్ ఈవెంట్‌ లో గుంటూరు కారంతో ఈసారి గట్టిగా కొడతామంటూ మహేశ్ ప్రకటించడంతో ఫ్యాన్స్ భారీ అంచనాలు పెట్టుకున్నారు. ఈ సినిమాతో మహేశ్ సూపర్ హిట్ కొట్టడం ఖాయంగా కనిపిస్తోంది.