కూలీ కోసం మరో అగ్ర హీరో.. స్టన్నింగ్ లుక్!
సౌత్ లో విలక్షణ నటుడిగా గుర్తింపు తెచ్చుకున్నవారిలో కన్నడ సూపర్ స్టార్ ఉపేంద్ర ఒకరు.
సౌత్ లో విలక్షణ నటుడిగా గుర్తింపు తెచ్చుకున్నవారిలో కన్నడ సూపర్ స్టార్ ఉపేంద్ర ఒకరు. దర్శకుడిగా కెరియర్ స్టార్ట్ చేసిన ఉపేంద్ర తరువాత హీరోగా మారి విభిన్న కథలతో సినిమాలు చేసి ప్రేక్షకులని మెప్పించారు. ఉపేంద్ర సినిమా అంటే ఏదో ఒక ప్రత్యేకత ఉంటుందనే బ్రాండ్ ని క్రియేట్ చేసుకున్నాడు. అయితే ఉపేంద్ర స్వీయ దర్శకత్వంలో అందుకున్న రేంజ్ హిట్స్ ని ఇతర డైరెక్టర్స్ తో చేసినపుడు అందుకోలేకపోయాడని చెప్పాలి.
కన్నడనాట ఉపేంద్ర క్రియేటివ్ లెవల్స్ లో మ్యాచ్ చేసే స్థాయిలో ఇతర దర్శకులు కథలు చెప్పలేకపోయారు. చాలా కాలం తర్వాత ఉపేంద్ర మెగా ఫోన్ పట్టి “UI” అనే మూవీ చేస్తున్నారు. ఈ సినిమా షూటింగ్ కంప్లీట్ చేసుకొని పోస్ట్ ప్రొడక్షన్ లో ఉన్నట్లు తెలుస్తోంది. ఇదిలా ఉంటే ఉపేంద్ర ఇతర భాషలలో అక్కడి స్టార్ హీరోలతో కలిసి మూవీస్ చేస్తోన్న సంగతి తెలిసిందే. గతంలో అల్లు అర్జున్ త్రివిక్రమ్ కాంబినేషన్ లో వచ్చిన సన్నాఫ్ సత్యమూర్తి సినిమాలో ఉపేంద్ర కీలక పాత్రలో నటించాడు.
ఈ మూవీ సూపర్ హిట్ అయ్యింది. ఇప్పుడు కోలీవుడ్ లో సూపర్ స్టార్ రజినీకాంత్ సినిమాలో ఉపేంద్ర కనిపించబోతున్నాడు. లోకేష్ కనగరాజ్ దర్శకత్వంలో సూపర్ స్టార్ రజినీకాంత్ కూలీ మూవీ చేస్తున్నారు. ఈ మూవీ షూటింగ్ ఇప్పటికే మొదలైంది. పాన్ ఇండియా ప్రాజెక్ట్ గా తెరకెక్కుతోన్న ఈ సినిమాలో అన్ని భాషలకి చెందిన స్టార్ యాక్టర్స్ ని లోకేష్ కనగరాజ్ ఎంపిక చేస్తున్నారు.
ఈ మూవీలో సైమన్ అనే క్యారెక్టర్ లో కింగ్ నాగార్జున నటిస్తున్నాడు. అలాగే శృతి హాసన్ కీలక పాత్రలో నటిస్తోంది. ఇప్పుడు ఉపేంద్ర ఈ మూవీలో భాగం అయ్యారు. కలీషా అనే క్యారెక్టర్ లో ఉపేంద్ర కూలీ సినిమాలో కనిపించబోతున్నట్లు పోస్టర్ తో చిత్ర యూనిట్ కన్ఫర్మ్ చేసింది. పోస్టర్ లో గోల్డెన్ కలర్ లో ఉన్న ఒక కొండిని ఆయుధంగా చేసుకొని కనిపించాడు. ఈ సినిమా గోల్డ్ మాఫియా బ్యాక్ డ్రాప్ లో తెరకెక్కుతున్న విషయం తెలిసిందే. అయితే ఈ క్యారెక్టర్ నెగిటివ్ షేడ్స్ లో ఉంటుందా లేదంటే పాజిటివ్ టచ్ తో ఉంటుందా అనేది తెలియదు.
సన్ పిక్చర్స్ బ్యానర్ ఈ చిత్రాన్ని భారీ బడ్జెట్ తో నిర్మిస్తోంది. వచ్చే ఏడాది కూలీ సినిమా ప్రేక్షకుల ముందుకి రాబోతోంది. లోకేష్ సినిమాటిక్ యూనివర్స్ లో కాకుండా ఈ సినిమాని సపరేట్ గా లోకేష్ కనగరాజ్ తెరకెక్కిస్తున్నారంట. అనిరుద్ రవిచందర్ ఈ సినిమాకి మ్యూజిక్ అందించబోతున్నారు. స్టార్ క్యాస్టింగ్ ఈ చిత్రంలో భాగం కావడంతో మూవీపైన భారీ అంచనాలు నెలకొని ఉన్నాయి.