పిక్ టాక్ : షాకింగ్‌ లుక్ లో ఉర్ఫీ
సుదీర్ఘ కాలం పాటు బుల్లి తెరపై కనిపించిన ఈమె వెండి తెరపై ఆఫర్ల కోసం చాలా ప్రయత్నాలు చేసింది.
2016 లో సోనీ టీవీలో టెలికాస్ట్‌ అయిన బడే భయ్యా కి దుల్హనియా లో కనిపించిన ఉర్ఫీ జావేద్ ఆ తర్వాత పలు బుల్లి తెర షో ల్లో కనిపించింది. పలు టీవీ రియాల్టీ షో ల్లో కనిపించిన ఉర్ఫీ సోషల్ మీడియాలో విభిన్నమైన గెటప్స్ తో ఫోటో షూట్ ను షేర్‌ చేయడం ద్వారా మంచి పాపులారిటీని సొంతం చేసుకుంది.
సుదీర్ఘ కాలం పాటు బుల్లి తెరపై కనిపించిన ఈమె వెండి తెరపై ఆఫర్ల కోసం చాలా ప్రయత్నాలు చేసింది. కానీ అవేవి వర్కౌట్‌ అవ్వలేదు. బిగ్‌ బాస్ లో అవకాశం వచ్చినట్లు వచ్చి చేజారింది. దాంతో ఆమె మళ్లీ బిగ్‌ బాస్ ఆఫర్‌ కోసం రకరకాలుగా విన్యాసాలు చేసి వార్తల్లో నిలిచిన విషయం తెల్సిందే.
ఎప్పుడు కూడా తన విభిన్నమైన మేకోవర్‌ లేదా ఔట్ ఫిట్ తో వార్తల్లో నిలిచే ఉర్ఫీ జావేద్ ఈసారి గుండుతో కనిపించి షాక్ ఇచ్చింది. సాధారణంగా సెలబ్రిటీలు పొడవైన జుట్టుతో మాత్రమే కనిపిస్తారు. కానీ ఈ ఫోటోలో మాత్రం ఉర్ఫీ చాలా విభిన్నంగా కనిపించడంతో వైరల్ అయ్యింది.
ఉర్ఫీ ఎప్పుడు ఏ ఫోటో షేర్‌ చేసినా కూడా వైరల్ అవుతుంది. ఈసారి స్కిన్‌ షో చేయకుండానే వార్తల్లో నిలిచింది. ఆకట్టుకునే అందంతో పాటు మంచి ఫిజిక్ ఉన్న ముద్దుగుమ్మలు మాత్రమే నెట్టింట వైరల్ అవుతారు అనుకుంటే, గుండు లుక్ తో కూడా ఉర్ఫీ మెప్పించింది అంటూ నెటిజన్స్ కామెంట్స్ చేస్తున్నారు.