పవన్ - సురేందర్.. ఓ లీక్ ఇచ్చిన రైటర్

టాలీవుడ్ లో రచయితగా ఎంతో మంచి గుర్తింపు తెచ్చుకున్నారు వక్కంతం వంశీ. కిక్, రేసుగుర్రం, ఊసరవెల్లి, టెంపర్ వంటి మరెన్నో సినిమాలకు కథ అందించిన ఈయన ఐకాన్ స్టార్ అల్లు అర్జున్ హీరోగా తెరకెక్కిన 'నా పేరు సూర్య నా ఇల్లు ఇండియా' సినిమాతో దర్శకుడిగా మెగా ఫోన్ పట్టారు. మొదటి సినిమా ఆశించిన స్థాయి సక్సెస్ ని అందుకోకపోయినా రచయితగా తన మార్క్ చూపించారు. మూవీ తర్వాత కొన్నాళ్లు గ్యాప్ తీసుకున్న ఈయన తాజాగా నితిన్ తో 'ఎక్స్ ట్రా ఆర్డినరీ మ్యాన్' అనే సినిమాను తెరకెక్కించారు.

శ్రీలీల హీరోయిన్ గా నటిస్తున్న ఈ మూవీ డిసెంబర్ 8న ప్రపంచవ్యాప్తంగా ప్రేక్షకుల ముందుకు రాబోతోంది. సీనియర్ హీరో రాజశేఖర్ కీలకపాత్ర పోషించిన ఈ సినిమాని శ్రేష్ట్ మూవీస్ బ్యానర్ పై సుధాకర్ రెడ్డి, నికిత రెడ్డి సంయుక్తంగా నిర్మించారు. చిత్ర ప్రమోషన్స్ లో భాగంగా ఓ ఇంటర్వ్యూలో పాల్గొన్న వక్కంతం వంశీ సురేందర్ రెడ్డి - పవన్ కళ్యాణ్ కాంబినేషన్ మూవీ గురించి ఆసక్తికర వ్యాఖ్యలు చేశారు. ఈ మేరకు వక్కంతం వంశీ మాట్లాడుతూ..

"తన టీం మొత్తం ఎక్స్ ట్రా ఆర్డినరీ మ్యాన్ సినిమా కోసం ఎంతో కష్టపడ్డారని, సినిమా తప్పకుండా అందరికీ నచ్చుతుందని ఆశాభావం వ్యక్తం చేశారు. అంతేకాకుండా పవన్ కళ్యాణ్ తో సురేందర్ రెడ్డి తెరకెక్కించబోయే సినిమా గురించి క్లారిటీ ఇచ్చారు. ఈ సినిమా సోషల్ సెటైరికల్ కాన్సెప్ట్ గా తెరకెక్కబోతుందని, పవన్ కళ్యాణ్ అభిమానులతో పాటు అన్ని వర్గాల ప్రేక్షకులను మెప్పిస్తుందని.

ఈ సినిమా కథకుడిగా తనకు మరింత మంచి పేరు తెచ్చిపెడుతుందనే నమ్మకం ఉందని తెలిపారు. పవన్ కళ్యాణ్ కూడా ఈ ప్రాజెక్టు కోసం ఎంతో ఆసక్తిగా వెయిట్ చేస్తున్నారని, కథ విన్న వెంటనే ఎప్పుడు షూటింగ్ చేస్తామా అని ఎంతో ఎగ్జైట్ అయినట్లు చెప్పారు. ఈ ప్రాజెక్టు ఎప్పుడు మెటీరియలైజ్ అవుతుంది? అని అడిగితే అది పవన్ కళ్యాణ్ గారి చేతిలోనే ఉందని..

ప్రజెంట్ ఆయనకు ఈ ప్రాజెక్టు కంటే ముందు కొన్ని కమిట్మెంట్స్ ఉన్నాయని, దానికి తోడు పాలిటిక్స్ తో బిజీగా ఉన్నారు కాబట్టి ఇవన్నీ అయిపోయాకే సినిమా సెట్స్ పైకి వెళ్లే అవకాశం ఉన్నట్లు వక్కంతం వంశీ తెలిపారు. సురేందర్ రెడ్డి తో పవన్ కళ్యాణ్ చేబోయే సినిమా సోషల్ సెటైరికల్ కాన్సెప్ట్ తో ఉండబోతుందనే విషయం తెలిసి పవన్ ఫ్యాన్స్ ఈ ప్రాజెక్టు కోసం ఎంతో ఆసక్తిగా ఎదురుచూస్తున్నారు.