పిక్‌టాక్ : ఇద్దరు వర్మలతో రామ్‌ గోపాల్ వర్మ
వివాదాల దర్శకుడు రామ్‌ గోపాల్ వర్మ సోషల్‌ మీడియా ద్వారా ఎప్పుడూ ట్రెండ్‌లోనే ఉంటాడు.
వివాదాల దర్శకుడు రామ్‌ గోపాల్ వర్మ సోషల్‌ మీడియా ద్వారా ఎప్పుడూ ట్రెండ్‌లోనే ఉంటాడు. ఆయన చేసే కామెంట్స్‌, షేర్ చేసే ఫోటోలు, వీడియోలు అందరి దృష్టిని ఆకర్షిస్తూ ఉంటాయి. రెగ్యులర్‌గా సోషల్‌ మీడియాలో వైరల్‌ అయ్యే రామ్‌ గోపాల్ వర్మ ఈసారి ఒక ఫోటోను షేర్ చేయడం ద్వారా అందరి దృష్టిని ఆకర్షించాడు. తనతో పాటు మరో ఇద్దరు వర్మలు ఉన్న ఈ ఫోటోను షేర్ చేయడం జరిగింది. ఈ ముగ్గురు వర్మల ఫోటో భలే ఉందని, వీరు ముగ్గురు ఏ సందర్భంలో కలిసి ఉంటారా అంటూ సోషల్‌ మీడియాతో పాటు మీడియా సర్కిల్స్‌లోనూ ఆసక్తికర చర్చ జరుగుతోంది.
హనుమాన్‌ సినిమాతో పాన్ ఇండియా స్థాయిలో స్టార్ దర్శకుడిగా పేరు దక్కించుకున్న ప్రశాంత్‌ వర్మ బాలీవుడ్‌ స్టార్స్ తో సైతం సినిమాలకు రెడీ అవుతున్నాడు. ప్రస్తుతానికి ఆయన చేతిలో దాదాపు అర డజను సినిమాలు ఉన్నాయని తెలుస్తోంది. త్వరలోనే ప్రభాస్‌తోనూ సినిమాను ప్రారంభించే అవకాశాలు ఉన్నాయంటూ వార్తలు వచ్చాయి. ఆ విషయం పక్కన పెడితే తాజాగా ప్రశాంత్‌ వర్మ ఒక సందర్భంలో దర్శకుడు రామ్‌ గోపాల్ వర్మను కలవడం జరిగింది. ఆ సమయంలో రామ్‌ గోపాల్ వర్మతో పాటు మరో దర్శకుడు సుపర్ణ వర్మ ఉన్నారు. ముగ్గురు వర్మలు ఒకే చోట కలవడంతో ఫోటో దిగి సోషల్‌ మీడియా ద్వారా షేర్ చేయడం జరిగింది.
ఈ ఫోటోను షేర్ చేసిన రామ్‌ గోపాల్ వర్మ... వర్మ మరియు వర్మతో వర్మ, అలాగే మాకు కులం ఫీలింగ్ లేదని నేను ప్రమాణం చేయను అంటూ ట్వీట్‌ చేశాడు. మొత్తానికి వర్మ షేర్ చేసిన ఈ ట్రై వర్మ ఫోటో గురించి చర్చ మొదలైంది. ఈ ముగ్గురు ఏ సందర్భంలో కలిసి ఉంటారు, ఈ ముగ్గురి కలయిక వెనుక ఉద్దేశ్యం ఏంటి అంటూ అంతా చర్చించుకుంటున్నారు. సోషల్‌ మీడియాలో ప్రస్తుతం ఈ ఫోటో వైరల్‌ అవుతోంది. సుపార్న్‌ వర్మ బాలీవుడ్‌ లో ఫ్యామిలీ మ్యాన్‌ తో పాటు వెబ్‌ సిరీస్‌ లకు రచయితగా దర్శకుడిగా వర్క్‌ చేయడం జరిగింది.
ఈ ముగ్గురు వర్మలు దర్శకులు కావడం విశేషం. రామ్‌ గోపాల్ వర్మ ప్రస్తుతం పెద్దగా సినిమాలు చేయడం లేదు, కానీ సోషల్‌ మీడియాలో రెగ్యులర్‌గా ఇలాంటి పోస్ట్‌లు పెడుతూ ఉంటాడు. ఇక ప్రశాంత్‌ వర్మ ఈ మధ్య కాలంలో టాప్‌ దర్శకుడిగా పేరు దక్కించుకున్నాడు. ఇక సుపార్న్‌ వర్మ మెల్ల మెల్లగా ఇండస్ట్రీలో పాతుకు పోయేందుకు ప్రయత్నిస్తున్నారు. ముగ్గురు వర్మల కలయిక అనేది కచ్చితంగా చాలా స్పెషల్‌గా చెప్పుకోవచ్చు. అందరి పేర్ల చివర్లో వర్మ అని ఉంది కనుక అంతా ఒకే కులం అయ్యి ఉంటారని, అందుకే వర్మ కులం ఫీలింగ్‌తో ఈ ఫోటోను షేర్ చేశాడా అంటూ సోషల్‌ మీడియాలో చర్చ జరుగుతోంది.