వరుణ్ తేజ్ ఆపరేషన్ వాలెంటైన్.. ఇంత స్పిడా..

మెగా హీరో వరుణ్ తేజ్ మళ్లీ స్పీడ్ పెంచాడు. ప్రస్తుతం ప్రవీణ్ సత్తారు దర్శకత్వంలో గాండీవ దారి అర్జున అనే సినిమా చేస్తున్న విషయం తెలిసిందే. ఈ సినిమాకు సంబంధించిన షూటింగ్ కూడా పూర్తయింది. ఇక ఆగస్టు 25వ తేదీన విడుదల చేయడానికి సిద్ధమవుతున్నారు. ఇప్పటికే విడుదలైన ట్రైలర్ కూడా కాస్త పాజిటివ్ బజ్ అయితే క్రియేట్ చేసింది.

ఎట్టి పరిస్థితుల్లో ఈ సినిమాతో వరుణ్ తేజ్ సక్సెస్ అందుకోవాలని అనుకుంటున్నాడు. ఎందుకంటే వరుణ్ తేజ్ నుంచి చివరగా వచ్చిన గని సినిమా బాక్స్ ఆఫీస్ వద్ద దారుణంగా డిజాస్టర్ అయ్యింది. కాబట్టి ఈ సినిమాతో మళ్ళీ బౌన్స్ బ్యాక్ అవ్వాలి అని వరుణ్ తేజ్ అనుకుంటున్నాడు. ఇక ఇప్పుడు వరుణ్ తేజ్ లిస్టులో ఉన్న మరొక సినిమా కూడా షూటింగ్ ను వేగవంతంగా పూర్తి చేసుకుంటుంది.

ఆ మధ్య వరుణ్ తేజ్ ఒక ఎయిర్ ఫోర్స్ బ్యాక్ డ్రాప్ లో సినిమా చేస్తున్నట్లు క్లారిటీ ఇచ్చిన విషయం తెలిసిందే. అయితే ఆ సినిమా షూటింగ్ సైలెంట్ గానే ఫినిష్ చేస్తున్నారు. ఇక వరుణ్ తేజ్ ఇదే ఏడాది ప్రేక్షకుల ముందుకు సినిమాను తీసుకురావాలని ఫిక్స్ అయ్యాడు. ఇక ఆ సినిమాకు సంబంధించిన టైటిల్ తో పాటు పోస్టర్ను కూడా ఇటీవల విడుదల చేశారు.

'ఆపరేషన్ వాలెంటైన్' అనే ఆ సినిమా నిజ జీవితంలోని కొన్ని సంఘటనల ఆధారంగా రూపొందించారు. వరుణ్ తేజ్ ఆ సినిమాలో ఐఏఎఫ్ అధికారిగా కనిపించబోతున్నాడు. ఇక మాజీ మిస్ యూనివర్స్ మనుషి చిల్లర్ మెయిన్ హీరోయిన్ గా నటిస్తోంది. శక్తి ప్రతాప్ దర్శకత్వం వహిస్తున్న ఈ సినిమాను పోనీ పిక్చర్స్ భారీ బడ్జెట్లోనే నిర్మిస్తోంది.

తెలుగు హిందీలో ఒకేసారి విడుదల కాబోయే ఈ సినిమాను డిసెంబర్ 8వ తేదీన ప్రేక్షకుల ముందుకు తీసుకు రాబోతున్నారు. ఈనెల 25వ తేదీన గాండీవదారి అర్జున సినిమాతో రాబోతున్న వరుణ్ తేజ్ మళ్లీ మూడు నెలలు తిరగకుండానే ఈ డిఫరెంట్ యాక్షన్ సినిమాతో త్రీల్ చేయడానికి సిద్ధమవుతున్నాడు. ఇక ఆపరేషన్ వాలెంటైన్ సినిమా తప్పకుండా సక్సెస్ అవుతుంది అని ఈ మెగా హీరో చాలా కాన్ఫిడెంట్ గా కనిపిస్తున్నాడు. మరి సినిమా ఎలాంటి ఫలితం అందుకుంటుందో చూడాలి.