స్టార్ కమెడియన్ కి అలాంటి భయమా..?

టాలీవుడ్ స్టార్ కమెడియన్ వెన్నెల కిషోర్ కామెడీ గురించి అందరికీ తెలిసిందే. ముందు సాఫ్ట్ వేర్ గా పనిచేసిన అతను సినిమాల్లోకి ఎంట్రీ ఇవ్వడం కమెడియన్ గా సక్సెస్ అవ్వడం ఇదంతా తెలిసిందే. అయితే కమెడియన్ గా ఎంత మంచి పేరు తెచ్చుకున్నాడో సినిమా ఈవెంట్స్ కి వెన్నెల కిశోర్ రాడని అంత నెగిటివిటీ తెచ్చుకున్నాడు. వెన్నెల కిశోర్ ఈవెంట్స్ కి రాడంటూ కొందరు హీరోలు స్టేజ్ మీద సెటైర్స్ వేసిన సందర్భాలు ఉన్నాయి. అయితే అసలు వెన్నెల కిషోర్ ఈవెంట్స్ కి రాకపోవడానికి కారణం ఏంటన్నది రీసెంట్ గా రివీలైంది.

వెన్నెల కిషోర్ లీడ్ రోల్ లో చారి 111 సినిమా చేశాడు. మార్చి 1న ఆ సినిమా రిలీజ్ అవుతుంది. ఈ సినిమా ప్రమోషనల్ ఇంటర్వ్యూస్ లో వెన్నెల కిశోర్ ఎందుకు తాను సినిమా ఫంక్షన్స్ కి అటెండ్ అవ్వడో చెప్పాడు. సినిమా ఈవెంట్ లో వచ్చిన అతిథులు తనని పొగడటం అంత కంఫర్టబుల్ గా ఫీల్ అవ్వడట వెన్నెల కిశోర్ ఎవరైనా తమ గురించి మాట్లాడితే థాంక్స్ అని చెబుతాం కానీ అలా చాలా సేపు తన గురించే మాట్లాడితే ఎలా రెస్పాండ్ అవ్వాలి.. ఎలాంటి ఎక్స్ ప్రెషన్ ఇవ్వాలన్నది కూడా తెలియదట.

ఆ టైం లో టెన్షన్ వచ్చేస్తుందని అన్నాడు వెన్నెల కిశోర్. అందుకే తను ఎలాంటి సినిమా ఈవెంట్స్ లో పాల్గొననని క్లారిటీ ఇచ్చాడు వెన్నెల కిషోర్. సో అతను చెప్పిన దాన్ని బట్టి చూస్తే స్టార్ డైరెక్టర్ కి స్టేజ్ ఫియర్ ఉందని అర్ధమవుతుంది. సినిమాలో అంత బాగా పంచులతో కామెడీతో అలరించే అతనికి స్టేజ్ ఫియర్ ఉందంటే నమ్మలేకపోతున్నారు ఆడియన్స్. అయితే ఎన్నాళ్లని ఇలా తప్పించుకుంటావ్ చిన్నగా అలవాటు చేసుకోవాలి కానీ అంటున్న ఆడియన్స్ కూడా ఉన్నారు.

ఏది ఏమైనా తెర మీద తను కనిపించగానే నవ్వులు విరబూసేలా చేస్తున్న వెన్నెల కిషోర్ ఇలా ఈవెంట్స్ కి తను రాకుండా ఉండటానికి గల కారణాన్ని క్లియర్ కట్ గా చెప్పేశారు. హీరోల పక్కన వెన్నెల కిషోర్ చేసే కామెడీ సినిమాకే హైలెట్ అవుతుంది. ఏమాత్రం ఛాన్స్ ఉన్నా సరే వెన్నెల కిషోర్ ని సినిమాలో తీసుకోవాలనే స్టార్స్ అంతా ప్రయత్నిస్తుంటారు. అంతగా క్రేజ్ తెచ్చుకున్న వెన్నెల కిశోర్ స్టేజ్ ఫియర్ తో బాధపడటం అందరినీ ఆశ్చర్యానికి గురి చేస్తుందని చెప్పొచ్చు.