హాలీవుడ్ లెజెండ్ స్ఫూర్తితో ద‌ళ‌ప‌తి ఇంటి నిర్మాణం

సూప‌ర్‌స్టార్ ర‌జ‌నీకాంత్ త‌ర్వాత అంత‌టి స్టార్ డ‌మ్ ని ఆస్వాధిస్తున్నాడు ద‌ళ‌ప‌తి విజయ్. త‌మిళ‌నాడులో నంబ‌ర్ వ‌న్ స్టార్ గా అత‌డు స‌త్తా చాటుతున్నాడు. కెరీర్ పీక్స్ లో ఉండ‌గానే అత‌డు సినిమాల‌ను వ‌దిలి రాజ‌కీయాల్లోకి వ‌స్తున్నాడు. సొంతంగా రాజ‌కీయ పార్టీని స్థాపించ‌డ‌మే గాక‌, అత‌డు రాబోవు ఎన్నిక‌ల్లో పోటీ చేసేందుకు సిద్ధ‌మ‌వుతున్నాడు.

ఇలాంటి స‌మ‌యంలో అత‌డి ఆస్తి అంత‌స్తులు, స్టాట‌స్ గురించిన ఆస‌క్తిక‌ర‌ చ‌ర్చ సాగుతోంది. ముఖ్యంగా చెన్నైలో అత‌డు నిర్మించిన భారీ మాన్ష‌న్ గురించి అభిమానుల్లో ఆస‌క్తిక‌ర చ‌ర్చ సాగుతోంది. దాదాపు 80 కోట్ల బ‌డ్జెట్ తో నిర్మించిన ఈ డ్రీమ్ హౌస్ కి విజ‌య్ `నీలంక‌రై` అని నామ‌క‌ర‌ణం చేసాడు. చెన్నైలో ఎంతో ఆహ్లాద‌క‌ర ప్ర‌శాంత‌ వాతావ‌ర‌ణంలో ప‌చ్చందాల న‌డుమ అత‌డు నిర్మించుకున్న ఈ ఇల్లు అంద‌రి దృష్టిని ఎంతో ఆక‌ర్షిస్తోంది. అయితే ఈ ఇంటి నిర్మాణానికి స్ఫూర్తి ఎవ‌రు? అంటే.. ప్ర‌ముఖ హాలీవుడ్ న‌టుడి ఇంటిని చూశాక‌, అత‌డు మ‌న‌సు ప‌డి అచ్చం అలాంటిదే నిర్మించుకున్నాడు. ఇంత‌కీ ఎవ‌రా హాలీవుడ్ స్టార్? అంటే... హాలీవుడ్ ఐకాన్ అయిన టామ్ క్రూజ్.

చెన్నైలోని నీలంకరై ఇంటిని సృష్టించ‌డానికి, హాలీవుడ్ ఐకాన్ టామ్ క్రూజ్ వాటర్ ఫ్రంట్ బీచ్ మాన్షన్ స్ఫూర్తి. విజయ్ ఇంటి శైలి క్రూజ్ ఫ్లోరిడా ఎస్టేట్ త‌ర‌హా... అమెరికాలో టామ్ ఇంటిని సందర్శించినప్పుడు అది అత‌డి దృష్టిని ఆకర్షించింది. టామ్ క్రూజ్ ఇంటిని జాగ్రత్తగా డిజైన్ చేయించుకున్నారు. ప్రశాంతమైన బీచ్ వాతావరణాన్ని చూసి విజయ్ చాలా స్ఫూర్తి పొందాడు. అందుకే అచ్చం అలాంటి ఇంటినే తిరిగి తాను కూడా నిర్మించుకోవాల‌ని ప్లాన్ చేసాడు.

విజయ్ విలాస‌వంత‌మైన ఇల్లు, అద్భుత‌మైన వ్యూ .. తెలివైన‌ డిజైన్, సంపన్నుల ఆవాసాల‌తో అద్భుత‌ వాతావరణం అతడి అభిరుచికి నిజమైన నిదర్శనం. ఇది కేవ‌లం విలాసం కాదు అభిరుచి కూడా. ద‌ళ‌ప‌తి రేంజును ఎలివేట్ చేసే అద్భుత‌మైన గృహ‌మిది. గృహ‌మే క‌దా స్వ‌ర్గ‌సీమ‌. అది స‌రిగా ఉంటే ప్ర‌పంచాన్ని కూడా ఏలొచ్చ‌ని ప్రూవ్ చేసిన వారు ఉన్నారు. ద‌ళ‌ప‌తి వ‌చ్చే ఎన్నిక‌ల్లో త‌మిళ‌నాడుకు ముఖ్య‌మంత్రి అయితే అందుకు అవ‌స‌ర‌మైన ప్ర‌శాంత‌త‌ను ఇచ్చేది ఈ ఇల్లు మాత్ర‌మే!!