కింద పడితే ఏంటీ.. రౌడి స్టైల్ లో దేవరకొండ కౌంటర్

‘అర్జున్ రెడ్డి’ - గీతా గోవిందం సినిమాలతో బాక్సాఫీస్ వద్ద ఊహించని స్టార్ స్టేటస్ పొందిన విజయ్ దేవరకొండ ఒక్కసారిగా మార్కెట్ ను పెంచుకున్న విషయం తెలిసిందే. ఇక ఎప్పుడు వార్తల్లోనే ఉంటూ తన సరికొత్త స్టైల్ తో ఫ్యాన్స్ ని ఆకట్టుకుంటున్నాడు. కానీ, ఇటీవల తన కెరీర్ లో వరుసగా పరాజయాలను ఎదుర్కోవాల్సి వచ్చింది. అంతే కాకుండా ట్రోలింగ్ కు కూడా గురవుతూ వచ్చాడు.

సోషల్ మీడియాలో కొందరు అతని ఫెయిల్యూర్స్ ను టార్గెట్ చేస్తూ ట్రోలింగ్ చేస్తున్నారు. ఇక ఈ తరుణంలో విజయ్ కి ఇటీవల మరో చిన్న ఇన్సిడెంట్ ఎదురైంది. ఇటీవ‌ల‌ ఒక ఈవెంట్ కి వెళ్తున్న విజయ్ మెట్ల మీద నుంచి కాలు జారి కింద పడిపోయాడు. ఈ వీడియో సోషల్ మీడియాలో వైరల్ అయింది. ఈ సన్నివేశాన్ని తీసుకుని ట్రోలర్స్ వినూత్నంగా ట్రోలింగ్ చేశారు.

విజయ్ పై చేసే ట్రోలింగ్ చూసి ఫ్యాన్స్ కూడా ఆశ్చర్యానికి లోనయ్యారు. అయితే, విజయ్ ఈ ట్రోల్స్ పై తాను ఎలాంటి ఫీలవ్వడం లేదని, తనదైన శైలిలో గట్టి సమాధానమిచ్చాడు. విజయ్ దేవరకొండకు తన ప్రత్యేకత కలిగిన క్లాత్ బ్రాండ్ రౌడీ వేర్‌ ఉన్న విషయం అందరికీ తెలిసిందే. అతను ట్రోలర్స్ పై సమాధానంగా రౌడీ వేర్ ప్రొమోషన్ ను అనుసరించాడు. “ నేను పడ్డాను అదే జీవితం.. ఎత్తుపల్లాలకు అతీతంగా రౌడిలు దూసుకెళ్తారు" అంటూ ఈ సందర్భంగా విజయ్ ఒక వీడియో షేర్ చేశాడు.

అలాగే నా రౌడీ బాయ్స్, గర్ల్స్ తో ప్రేమలో ఉంటూనే ఉంటాను, అలాగే రౌడీ వేర్ తో కూడా ప్రేమలో పడతారు.. అని తెలిపారు. ఈ వీడియోలో ట్రోలర్స్ పై విజయ్ ఇచ్చిన ఈ స్పందన ఫ్యాన్స్ కు నచ్చింది. విజయ్ దేవరకొండ ఈ వీడియో ద్వారా ట్రోలర్స్ కి తగిన శైలి లో కౌంటర్ ఇచ్చాడు. ఫ్యాన్స్ ఈ వీడియోను తెగ షేర్ చేస్తూ, విజయ్ తెలివికి జోహార్లు పలుకుతున్నారు.

ట్రోలింగ్ కి బాధపడకుండా, విజయ్ తన యాటిట్యూడ్ తో అందరికీ స్ఫూర్తిగా నిలుస్తున్నాడు. సోషల్ మీడియాలో ఈ వీడియో బాగా వైరల్ అవుతోంది, విజయ్ కి మద్దతుగా స్పందనలు వెల్లువెత్తుతున్నాయి. ఇక ప్రస్తుతం విషయ గౌతమ్ తిన్ననూరి దర్శకత్వంలో ఒక డిఫరెంట్ యాక్షన్ మూవీ చేస్తున్నాడు. లైనప్ లో రాహుల్ సంకృత్యాన్ మూవీ కూడా ఉంది. చర్చల్లో ఉన్న మరికొన్ని కథలపై కూడా విజయ్ త్వరలోనే క్లారిటీ ఇవ్వనున్నారు.