VS 10: విశ్వక్ మరో క్రేజీ కాంబో.. గేట్ రెడీ!

యంగ్ హీరో విశ్వక్ సేన్ ఈ ఏడాది దాస్ కా ధమ్కీ మూవీతో ప్రేక్షకుల ముందుకి వచ్చి బ్లాక్ బస్టర్ హిట్ ని తన ఖాతాలో వేసుకున్నారు. ఇప్పుడు రెండు సినిమాలని యంగ్ హీరో లైన్ లో పెట్టాడు. కృష్ణ చైతన్య దర్శకత్వంలో గోదావరి బ్యాక్ డ్రాప్ లో ఒక యాక్షన్ మూవీ చేస్తున్నాడు. ఈ మూవీ షూటింగ్ జరుగుతోంది. ఇప్పటికే సగానికి పైగా మూవీ షూటింగ్ కంప్లీట్ అయ్యింది.

మరో వైపు రవితేజ ముళ్ళపూడి దర్శకత్వంలో ఒక సినిమాని స్టార్ట్ చేశారు. VS10 వర్కింగ్ టైటిల్ తో ఈ మూవీ షూటింగ్ ఇప్పటికే స్టార్ట్ చేశారు. ఫస్ట్ షెడ్యూల్ ఇప్పటికే కంప్లీట్ అయ్యింది. ఈ మూవీలో మీనాక్షి చౌదరి హీరోయిన్ గా నటిస్తోంది. రామ్ తాళ్లూరి ఈ చిత్రాన్ని నిర్మిస్తోన్నారు. అవుట్ అండ్ అవుట్ ఎంటర్టైనర్ గా ఈ మూవీ తెరకెక్కుతోంది. ఇదిలా ఉంటే తాజాగా ఈ సినిమాకి సంబందించిన అప్డేట్ చిత్ర యూనిట్ నుంచి వచ్చింది.

ఈ మూవీ టైటిల్, ఫస్ట్ గ్లింప్స్ ని ఆగష్టు 6న రిలీజ్ చేయబోతున్నారంట. ఉదయం 11:11 గంటలకి గ్లింప్స్ ని రిలీజ్ చేయబోతున్నట్లు కన్ఫర్మ్ చేశారు. దీనికి సంబందించిన అఫీషియల్ ప్రకటన ఇచ్చారు. అలాగే ఫస్ట్ సింగిల్ కూడా వీలైంత త్వరలో రిలీజ్ చేయనున్నారంట. ఈ సినిమాకి జాక్స్ బిజోయ్ సంగీతం అందిస్తున్నారు. విశ్వక్ సేన్ సినిమాల ప్లానింగ్ ఈ మధ్య పెర్ఫెక్ట్ గా ఉంటుంది.

ఎక్కువగా తన బాడీ లాంగ్వేజ్ కి సరిపోయే విధంగా ఎంటర్టైన్మెంట్ జోనర్ కథలని నమ్ముకొని మూవీస్ చేస్తున్నాడు. రవితేజ ముళ్ళపూడి దర్శకత్వంలో చేయబోయే సినిమా కూడా అలాగే ఉండబోతోంది. ప్రస్తుతం కమిట్ అయిన రెండు ప్రాజెక్ట్స్ ఫినిష్ అయిన తర్వాత దాస్ కా దమ్కీ సీక్వెల్ స్టార్ట్ చేసే అవకాశం ఉందని టాక్ వినిపిస్తోంది.

ఈ ఏడాదిలోనే మూవీని రిలీజ్ చేసే ఛాన్స్ ఉంది. మరి మరి VS 10 తో విశ్వక్ ఎలాంటి సక్సెస్ అందుకుంటాడు అనేది చూడాలి. మహేష్ బాబు గుంటూరు కారంతో పాటు మీనాక్షి చౌదరి విశ్వక్ సేన్ సినిమాలో ఒకే సారి నటిస్తోంది. ఈ సినిమాలపై అమ్మడు చాలా హోప్స్ పెట్టుకుంది.