మహేష్-రాజ‌మౌళి హీరోయిన్ ఎవ‌ర‌బ్బా?
'బాహుబ‌లి`తో పాన్ ఇండియా మేక‌ర్ అయిన త‌ర్వాత ఆయ‌న రేంజ్ అంత‌కంత‌కు పెరిగిపోయిన సంగ‌తి తెలిసిందే.
ప్ర‌తీ హీరోయిన్ కి డ్రీమ్ రోల్స్ అంటూ కొన్ని ఉంటాయి. ఫ‌లానా పాత్ర‌లో క‌నిపించాల‌ని..ఫేమ‌స్ ద‌ర్శ‌కుల‌తో ప‌నిచేయాల‌ని...స్టార్ హీరోల చిత్రాల్లో న‌టించాల‌ని ఇలా ఆశ‌ప‌డ‌టం స‌హ‌జం. కానీ దేశం గ‌ర్వించ‌ద‌గ్గ రాజ‌మౌళి లాంటి సినిమాలో ఛాన్స్ అంటే? ఎంత క‌ష్ట‌మో చెప్పాల్సిన ప‌నిలేదు. అందులో అవ‌కాశం అంటే నిజంగా పెట్టి పుట్టాలి. అప్పుడే అత‌నితో ప‌నిచేసే అవ‌కాశం వ‌స్తుంది.
'బాహుబ‌లి`తో పాన్ ఇండియా మేక‌ర్ అయిన త‌ర్వాత ఆయ‌న రేంజ్ అంత‌కంత‌కు పెరిగిపోయిన సంగ‌తి తెలిసిందే. అప్ప‌టి నుంచి ఆయ‌న ద‌ర్శ‌క‌త్వంలో ప‌నిచేసిన హీరోయిన్లు ఇద్ద‌రు ముగ్గురు మాత్ర‌మే. బాహుబ‌లిలో అనుష్క.... ఆ త‌ర్వాత తెర‌కెక్కించిన ఆర్ ఆర్ ఆర్ లో అలియాభ‌ట్ మాత్ర‌మే. వీరిద్ద‌రే పాన్ ఇండియా మేక‌ర్ అయిన త‌ర్వాత రాజ‌మౌళితో ప‌ని చేసారు. త‌దుప‌రి సూప‌ర్ స్టార్ మహేష్ తో మ‌రో పాన్ ఇండియా సినిమాకి ప్లాన్ చేస్తున్నారు.
ఇందులో ఏ హీరోయిన్ న‌టిస్తుందో ? తెలియ‌దు. కానీ ఓ పెద్ద స్టార్ హీరోయిన్ న‌టిస్తుంది అన్న‌ది వాస్త‌వం. ఆ అదృష్టం ఎవ‌రికి వ‌స్తుందో తెలియ‌దు. బాలీవుడ్ నుంచి టాలీవుడ్ వ‌ర‌కూ అన్ని ప‌రిశ్ర‌మ‌ల హీరోయిన్లు ఆ ఛాన్స్ ఎవ‌రిద‌వుతుంద‌ని ఆస‌క్తిక‌రంగా ఎదురు చూస్తున్నారు. ఆయ‌న పిల‌వాల‌గానే వ‌చ్చి వాలిపోవ డానికి ఎంతో మంది భామ‌లు సిద్దంగా ఉన్నారు. ఇప్ప‌టివ‌ర‌కూ ఏ న‌టి పేరు వినిపించిలేదు.
నెట్టింట ప్ర‌చారం కూడా మొద‌ల‌వ్వ‌లేదు. ఆ సినిమాకి సంబంధించి స్టోరీ ప‌నుల్లోనే రాజ‌మౌళి నిమ‌గ్న మ‌వ్వ‌డంతో హీరోయిన్ టాపిక్ ఇంకా మొద‌ల‌వ్వ‌లేదు. కానీ చ‌ర్చ‌కు ఇంకెంతో స‌మ‌యం లేదు. గుంటూరు కారం పూర్త‌యిన నేప‌థ్యంలో మహేష్ ప్రీ అయిపోయాడు. దీంతో రాజ‌మౌళి న‌టీన‌టుల‌కు సంబంధించిన ప‌నులు మొద‌లు పెట్టే అవ‌కాశం ఉంది. అటుపై ప్రాజెక్ట్ కి అవ‌స‌ర‌మైన వ‌ర్క్ షాప్ లు కొన్నింటిని నిర్వ‌హిస్తారు.