మెగా హీరో లక్కీయెస్ట్ అవుతాడా..?

మెగా హీరోల్లో రెగ్యులర్ కమర్షియల్ సినిమాలు కాకుండా డిఫరెంట్ సినిమాలు చేస్తూ ప్రేక్షకులను మెప్పిస్తూ వస్తున్నాడు వరుణ్ తేజ్. ఐతే ఎప్పుడైనా ప్రయోగాలు చేసినప్పుడు ఫలితాలు కూడా ఆశించిన విధంగా ఉండటం కష్టమే ఈ క్రమంలో వరుణ్ తేజ్ కి చేదు అనుభవాలు మిగిల్చాయి. ఐతే పట్టువదలని విక్రమార్కుడిలా వరుణ్ తేజ్ ప్రయత్నాలు చేస్తూనే ఉన్నాడు. అతను లీడ్ రోల్ లో తెరకెక్కిన లేటెస్ట్ మూవీ మట్కా. కరుణ కుమార్ డైరెక్షన్ లో తెరకెక్కిన ఈ సినిమా గురువారం ప్రేక్షకుల ముందుకు రాబోతుంది.

కరుణ కుమార్ ఈ సినిమా ప్రమోషన్స్ లో చాలా కాన్ఫిడెంట్ గా చెబుతున్నారు. 20 ఏళ్ల తర్వాత కూడా వరుణ్ తేజ్ మట్కా లో యాక్టింగ్ గురించి మాట్లాడుకుంటారని ఆయన గట్టి నమ్మకంతో చెప్పారు. ఈ సినిమాలో వరుణ్ తేజ్ మూడు డిఫరెంట్ షేడ్స్ ఉన్న పాత్రలో కనిపించనున్నారు. ఐతే ఈ సినిమాలో మీనాక్షి చౌదరి హీరోయిన్ గా నటించింది. నోరా ఫతేహి కూడా ఇంపార్టెంట్ రోల్ ప్లే చేసింది.

టాలీవుడ్ లో ఈమధ్య వరుస సినిమాలతో బిజీగా ఉంది కథానాయిక మీనాక్షి చౌదరి. ఈ ఇయర్ ఆల్రెడీ గుంటూరు కారంతో సక్సెస్ అందుకున్న మీనాక్షి ఈమధ్యనే లక్కీ భాస్కర్ అంటూ మరో హిట్ అందుకుంది. అటు కోలీవుడ్ లో కూడా సింగపూర్ సలూన్, గోట్ సినిమాల్లో నటించింది. మట్కా సినిమాలో కూడా ఆమె పాత్ర చాలా ఇంపాక్ట్ కలిగించేలా ఉంటుందని తెలుస్తుంది. లక్కీ భాస్కర్ తో లకీ హీరోయిన్ గా మారిన మీనాక్షి అదే లక్ మట్కాకి కలిసి వచ్చేలా చేస్తుందా అన్నది చూడాలి.

ఈమధ్య కంటెంట్ ఉన్న సినిమాలను తమ భుజాన వేసుకుని మరీ ఆడియన్స్ హిట్ చేస్తున్నారు. సినిమాను ఓటీటీలో వచ్చాక చూసే ఆడియన్స్ కొందరైతే సినిమాను థియేటర్ లో చూస్తే వచ్చే ఎక్స్ పీరియన్స్ కోసం కదులుతున్నారు. అందుకే ఈమధ్య స్టార్ సినిమాలతో పాటు కథా బలం ఉన్న సినిమాలు కూడా సూపర్ హిట్ అవుతున్నాయి. వాటిలో మట్కా కూడా ఉంటుందా లేదా అన్నది మరికొద్ది గంటల్లో తెలుస్తుంది.

మట్కాకి పోటీగా కోలీవుడ్ స్టార్ సూర్య కంగువ వస్తుంది. కోలీవుడ్ లో సోలో రిలీజ్ అవుతున్న ఈ సినిమాకు అక్కడ మంచి బజ్ ఉంది. మరి తెలుగులో మట్కా తో కంగువ ఎంతమేరకు పోటీ ఇస్తుందో చూడాలి. మట్కా మీద మాత్రం వరుణ్ తేజ్ చాలా హోప్స్ పెట్టుకున్నాడు.