ముహూర్తం ఫిక్స్... అనంత్‌ – రాధికల వెడ్డింగ్‌ కార్డ్ ఇదే!
అపర కుబేరుడు, రిలయన్స్‌ ఇండస్ట్రీస్‌ అధినేత ముకేశ్‌ అంబానీ ఇంట ఈ ఏడాది సందడి వాతావరణం కొనసాగుతోన్న సంగతి తెలిసిందే.
అపర కుబేరుడు, రిలయన్స్‌ ఇండస్ట్రీస్‌ అధినేత ముకేశ్‌ అంబానీ ఇంట ఈ ఏడాది సందడి వాతావరణం కొనసాగుతోన్న సంగతి తెలిసిందే. ఇందులో భాగంగా... ముకేశ్‌ అంబానీ – నీతా అంబానీ చిన్న కుమారుడు అనంత్‌ అంబానీ త్వరలో ఓ ఇంటివాడు కాబోతున్న సంగతీ తెలిసిందే. ఈ క్రమంలో ఈ వివాహానికి ముహూర్త ఫిక్స్ అయ్యింది. శుభలేక తెరపైకి వచ్చింది.
అవును... ముకేశ్‌ అంబానీ – నీతా అంబానీ చిన్న కుమారుడు అనంత్‌ అంబానీ త్వరలో ఓ ఇంటివాడు కాబోతున్న సంగతి తెలిసిందే. రాధికా మర్చంట్‌ తో ఆయన వివాహ బంధంలోకి అడుగుపెట్టబోతున్నారు. ఈ నేపథ్యంలో వీరి వివాహానికి ముహూర్తం కుదిరింది. ఇందులో భాగంగా... జులై 12న ముంబైలో వీరి వివాహం అంగరంగ వైభవంగా జరిపించేందుకు అంబానీ ఫ్యామిలీ నిశ్చయించింది.
అత్యంత ఘనంగా జరగబోతున్న వీరి వివాహ వేడుకకు ముంబై నడిబొడ్డున ఉన్న బాంద్రా కుర్లా కాంప్లెక్స్‌ లో "జియో వరల్డ్‌ ప్లాజా"లో ఏర్పాట్లు చేస్తున్నారు. ఈ క్రమంలో... మూడు రోజుల పాటు హిందూ సంప్రదాయం ప్రకారం వివాహ వేడుకలను నిర్వహించనున్నారు. ఈ వివాహ వేడుక జులై 12న వివాహం.. జులై 13న ఆశీర్వాద కార్యక్రమం.. జూలై 14న రిసెప్షన్ ఉంటుంది!
ఇక ఈ వేడుకకు పలువురు టాలీవుడ్‌, బాలీవుడ్‌, హాలీవుడ్‌ తారలు సహా ప్రముఖ పారిశ్రామిక వేత్తలు, అంతర్జాతీయ ప్రముఖులు హాజరుకానున్నట్లు తెలుస్తోంది.
కాగా... ఈ ఏడాది మార్చిలో వీరి ప్రీ వెడ్డింగ్‌ సెలబ్రేషన్స్‌ అంగరంగ వైభవంగా జరిగిన సంగతి తెలిసిందే. ఇందులో భాగంగా... గుజరాత్‌ జామ్‌ నగర్‌ లో జరిగిన ఈ వేడుకలకు జాతీయ, అంతర్జాతీయ ప్రముఖులు హాజరై సందడి చేశారు. ఈ క్రమంలో తాజాగా మరోసారి ప్రీవెడ్డింగ్‌ వేడుకలు కూడా షురూ అయ్యాయి. ఈ క్రమంలో మే 29వ తేదీన ఇటలీలో మొదలైన ఈ వేడుకలు.. జూన్‌ 1న స్విట్జర్లాండ్‌ లో ముగియనున్నాయి.
ఇదే సమయంలో... మూడు రోజులపాటు జరిగే ఈ వేడుకలు మొత్తం భారీ క్రూయిజ్‌ షిప్‌ లోనే కొనసాగుతున్నాయి. ఈ వేడుకలకు ప్రపంచ వ్యాప్తంగా ఉన్న ప్రముఖులతోపాటు బాలీవుడ్‌ లోని బడా స్టార్స్‌ కూడా పాల్గొన్నట్లు తెలుస్తోంది. మొత్తం 300 మంది వీవీఐపీలను ఈ వేడుకలకు ఆహ్వానించినట్లు తెలుస్తోంది.