కోవిడ్-19 తరహాలోనే కొత్త వైరస్... చైనా వైరాలజిస్ట్ షాకింగ్ వ్యాఖ్యలు!

గతంలో వూహాన్ పరిశోధన కేంద్రం నుంచే కోవిడ్-19 కి కారణమయ్యే కరోనా వైరస్ లీక్ అయ్యిందనే ఆరోపణలు ఉన్న సంగతి తెలిసిందే. ఈ క్రమంలో... హాంకాంగ్ లోని జపసీన్ పిపిస్ట్రెల్ రకం గబ్బిలాల్లో 'హెచ్.కే.యూ5 కరోనా వైరస్' అనే కొత్త రకాన్ని గుర్తించారు. ఈ సమయంలో దీనికి సంబంధించి షాకింగ్ విషయాలను చైనా వైరాలజిస్టులు వెళ్లడించారు.

అవును... తాజాగా హాంకాంగ్ లోని గబ్బిలాలలో 'హెచ్.కే.యూ5 కరోనా వైరస్' అనే కొత్త రకాన్ని గుర్తించిన సంగతి తెలిసిందే. ఈ సమయంలో గబ్బిలాలపై విస్తృత పరిశోధనల కారణంగా "బ్యాట్ ఉమెన్" గా పేరు తెచ్చుకున్న ప్రముఖ వైరాలజిస్ట్ షి జెంగ్లీ కనుగొన్న ఈ వైరస్ కు సంబంధించిన కీలక విషయాలు వెల్లడించారు.

ఇందులో భాగంగా... మానవుల్లోని యాంజియోటెన్సిన్ కన్వర్టింగ్ ఎంజైమ్ లోకి (ఎస్2) కొత్త వైరస్ చొచ్చుకుని వెళ్లగలదని.. సార్స్ కోవ్ - 2 వైరస్ స్వీకర్తగా ఇదే ఎంజైమ్ పని చేసిందని.. అది మానవ కణాలపై ప్రభావం చూపించి కోవిడ్-19 కి కారణమైంది ఇదేనని వైరాలజిస్టులు వెల్లడించారు. ఇది మెబెకోవైరస్ ఉపజాతి నుంచి వచ్చిందని చెబుతున్నారు.

ఇదే సమయంలో... ప్రాణాంతకమైన మిడిల్ ఈస్ట్ రెస్పిరేటరీ సిండ్రోమ్ (మెర్స్) కు కారణమయ్యే వైరస్ కూడా ఈ ఉపజాతికి చెందినదే కాగా.. ఈ వైరస్ మానవ యాంజియోటెన్సిన్ కన్వర్టింగ్ ఎంజైం (ఏస్2)తో బంధం ఏర్పరచుకుంటుంది. సరిగ్గా ఇలాగే కోవిడ్-19కి కారణమయ్యే సార్స్ కోవ్-2 వైరస్ కూడా మానవ కణాలకు సోకుతుందని వెల్లడించారు!

అదేవిధంగా... అది గబ్బిలాల్లోని ఏస్2 నే కాకుండా మానవుల్లోని ఏస్2ను ఉపయొగించుకుందని.. గబ్బిలాల నుంచి తీసిన వైరస్ శాంపిళ్లను ఐసోలేట్ చేసినప్పుడు అవి మానవుల్లోని కణాలకు ఇన్ ఫెక్ట్ అయ్యాయని.. వాటితో కృత్రిమంగా తయారు చేసిన కణాలకూ వ్యాపించాయని వివరించారు.